<p><strong>Illu Illalu Pillalu Serial Today Promo </strong>ఇల్లు ఇల్లాలు పిల్లలు.. ఇది నీది కాదు.. నాకు కాదు.. ప్రతి ఇంట్లో ప్రతీ ఒక్కరికీ కనెక్ట్ అయ్యేలా కథ, కథనాలతో సూపర్ డూపర్ హిట్‌గా దూసుకుపోతున్న సీరియల్. ఎన్నో సీరియల్స్ ఉన్నా ఈ సీరియల్‌కి అందులోని పాత్రలకు వాటిని కట్టిపడేసేలా నటించేస్తున్న యాక్టర్స్‌కి అందరూ ఫిదా అయిపోతున్నారు. ఈ తరుణంలో లేటెస్ట్ ప్రోమో ఆసక్తికరంగా మారింది. ఇంతకీ ప్రోమోలో ఏం ఉంది అంటే..</p>
<p>" ఒంటరిగా కూర్చొని బాధ పడుతున్న ప్రేమ దగ్గరకు ధీరజ్ వచ్చి కూర్చొని సారీ చెప్తాడు. ప్రేమ ఏడుస్తూ లేచి దూరంగా వెళ్తుంది. ధీరజ్ మళ్లీ ప్రేమ దగ్గరకు వెళ్లి అలా బాధ పడకు.. ఎందుకు అలా ఉన్నావ్.. ఏమైంది చెప్పు అని అడుగుతాడు. ప్రేమ కన్నీరు తుడుచుకొని రేయ్.. ఒక్క మాట అడుగుతా నిజం చెప్పరా అంటుంది. అడుగు అని ధీరజ్ అంటాడు. దానికి ప్రేమ కల్యాణ్ గాడు నన్ను మోసం చేశాడు అనే నువ్వు నా మెడలో తాళి కట్టావ్? అంతకు మించి ఇంకేం లేదు కదా? అదే కదా నీ ఫీలింగ్? అని అడుగుతుంది. ధీరజ్ ఏం సమాధానం ఇవ్వడు ప్రేమ ఏడుస్తూ వెళ్లిపోతుంది." దీంతో ప్రోమో పూర్తయిపోతుంది. </p>
<p style="text-align: center;"><iframe title="Illu Illalu Pillalu - Promo | 1st Sep 2025 | Mon - Sat at 7:30 PM | Star Maa Serials | Star Maa" src="https://www.youtube.com/embed/uqO5DiCMxH0" width="853" height="480" frameborder="0" allowfullscreen="allowfullscreen"></iframe></p>
<p>వల్లి బండారం బయట పెట్టేయాల్సిన టైంకి రామరాజు ఆరోగ్యం తట్టుకోలేడు అంటూ నర్మద ప్రేమను ఆపేస్తుంది. దాంతో వల్లికి తోటికోడళ్లు ఎప్పటికీ తన పుట్టింటి బండారం బయట పెట్టరు అని అర్థమైపోతుంది. ఇదే ఛాన్స్‌గా వల్లీ రివర్స్‌లో ఇద్దరు తోటి కోడళ్ల గతాన్ని తవ్వి వాళ్లని బ్లాక్ మెయిల్ చేసి చావు దెబ్బ కొట్టాలని తల్లితో కలిసి ప్లాన్ చేస్తుంది. ఇందులో భాగంగానే నర్మద సాగర్‌ని సీక్రెట్‌గా చదివించిన విషయం గుర్తు చేసుకొని సాగర్ చదువు వెనక ఉన్న కూపీ లాగి నర్మద స్పీడ్‌కి బ్రేక్‌లు వేయాలని అనుకుంటుంది. ఇక ప్రేమ కూడా ఏదో ఒక తప్పు చేసుంటుంది అది తెలుసుకొని ప్రేమని తన చెప్పు చేతల్లో పెట్టుకోవాలని అనుకుంటుంది. </p>
<p>వల్లీకి ఛాన్స్ ఇచ్చినట్లే సాగర్ మామయ్యకి హర్ట్ అటాక్ రావడం కచ్చితంగా గవర్న్‌మెంట్ ఉద్యోగం సాధిస్తానని సాగర్ మాటివ్వడం జరుగుతుంది. ఈ ప్రకారం సాగర్ మళ్లీ సీక్రెట్‌గా చదవడం మొదలు పెడితే వల్లి ఈ విషయం తెలుసుకొని నర్మదతో ఓ ఆట ఆడుకోనుంది. ఇక ప్రేమ జీవితంలోకి తనని ప్రేమించి మోసం చేసిన కల్యాణ్ మళ్లీ ఎంట్రీ ఇచ్చాడు. ఇప్పటికే ప్రేమతీ తీసుకున్న ఫొటోలు ఇంటికి పంపడంతో ప్రేమ భయపడటం అది వల్లి గమనించి ఆ దిశగా ప్రేమ మీద ఫోకస్ చేయడం మొదలు పెట్టేసింది. ఈ టైంలో కల్యాణ్ గురించి వల్లీకి తెలిస్తే ప్రేమ చాలా పెద్ద చిక్కుల్లో పడిపోయినట్లే. అక్కాచెళ్లెళ్లు వల్లీకి దొరికిపోవడం పక్కా. అయితే ఇద్దరూ ఈ సమస్యల నుంచి తప్పించుకోవడమే కాకుండా వల్లీని ఎలా ఎదుర్కొంటారో అనే విషయాలు ఆసక్తికరంగా మారుతాయి.</p>
<p> ఇదిలా ఉంటే సీరియల్ విషయంతో అభిమానులు రకరకాల కామెంట్స్ చేస్తున్నారు. ధీరజ్ కూడా ప్రేమని ప్రేమిస్తున్నాడని కానీ బయట పడటం లేదని పైకి కోపం నటిస్తున్నాడని అని కొందరు కామెంట్ చేశారు. మరొకరు అయితే వల్లీ బండారం బయట పడేలా చేయకుండా కొత్తగా ఈ కల్యాణ్ క్యారెక్టర్ తీసుకొచ్చి ప్రేమ బాధ పడేలా చేయడం నచ్చడం లేదని రాసుకొచ్చారు. ఇక కొందరైతే జరిగిపోయిన గతాన్ని మళ్లీ గుర్తు చేసి ప్రేమ, ధీరజ్‌ల మధ్య ఎడబాటు మరింత పెరిగేలా చేయడం నచ్చడం లేదని రాసుకొచ్చారు. </p>
3 months ago
3 
