<p><strong>Canadian GeoAI Agreements With IIT Tirupati One India :</strong> ఆర్టిఫిషియల్ ఇంటెలెజెన్స్(AI), భౌగోళిక సమాచార సాంకేతికత (GeoAI) రంగాల్లో పని చేస్తున్న కెనడాకు చెందిన డీప్‌స్పేషియల్ Deepspacial సంస్థ భారత్‌లో తన కార్యకలాపాలను విస్తరించేందుకు కీలక ఒప్పందాలు చేసుకుంది. టీమ్ కెనడా వాణిజ్య ప్రతినిధి బృందం భారత్ పర్యటనలో భాగంగా అక్టోబర్ 16న బెంగళూరులో ఐఐటీ తిరుపతికి చెందిన టెక్నాలజీ ఇన్నోవేషన్ హబ్‌తో పాటు డిజిటల్ న్యూస్ ప్లాట్‌ ఫామ్ వన్‌ ఇండియాతో ఒప్పందాలు కుదుర్చుకుంది. కెనడా ఇంటర్నేషనల్ ట్రేడ్ మంత్రి మణిందర్ సిద్దు సమక్షంలో ఈ ఒప్పందాలు జరిగాయి. ఇండియాలో పర్యటిస్తున్న 300మంది కెనడా వాణిజ్య బృందానికి ఆయన నేతృత్వం వహిస్తున్నారు. </p>
<p>టొరంటో కేంద్రంగా పనిచేస్తున్న డీప్‌ స్పేషియల్ సంస్థ.. ఈ ఒప్పందాల ద్వారా ఒకవైపు జియో ఏఐ పరిశోధన, సాంకేతిక అభివృద్ధిపై దృష్టి పెట్టనుండగా మరోవైపు విద్యార్థుల్లో వార్తలపై అవగాహన, డిజిటల్ మీడియా లిటరసీని పెంపొందించేందుకు ప్రయత్నించనుంది.</p>
<p><strong>ఐఐటీ తిరుపతితో స్పేషియల్ ఏఐ పరిశోధన</strong></p>
<p>ఐఐటీ తిరుపతికి చెందిన నవవిష్కార్ ఐ-హబ్ ఫౌండేషన్ (IITTNiF)తో డీప్‌ స్పేషియల్ ఒప్పందం కుదుర్చుకుంది. ఇందులో భాగంగా జియో స్పేషియల్ టెక్నాలజీస్, జియోగ్రాఫిక్ ఇన్ఫర్మేషన్ సిస్టమ్స్ (GIS), పొజిషనింగ్ సిస్టమ్స్, స్పేషియల్ ఏఐ రంగాల్లో సంయుక్తంగా పరిశోధనలు చేపట్టనున్నాయి. పరిశోధన, అభివృద్ధితో పాటు సాంకేతిక పరిజ్ఞానాన్ని వాణిజ్యపరంగా వినియోగించడం, స్టార్టప్‌లకు ప్రోత్సాహం, స్కిల్ డవలప్‌మెంట్, పరిశ్రమలు - విద్యాసంస్థల మధ్య సహకారాన్ని పెంపొందించడం ఈ భాగస్వామ్యంలో భాగంగా ఉన్నాయి.</p>
<p>డీప్‌స్పేషియల్‌కు చెందిన ప్రపంచస్థాయి జియో ఏఐ మెంటార్‌షిప్ కార్యక్రమం ‘ఎక్స్‌ప్లూర్‌’ Xplore ను స్పిన్ ల్యాబ్స్ నెట్‌వర్క్ ద్వారా ప్రారంభించనున్నారు. దీని ద్వారా విద్యార్థులు, కొత్తగా ప్రోఫెషనల్ కెరీర్ ప్రారంభిస్తున్న వారికి జియో ఏఐ, ఆర్టిఫిషియల్ ఇంటెలిజెన్స్, డేటా సైన్స్ రంగాల్లో ప్రాక్టికల్ అనుభవం కల్పించనున్నారు. ఈ ఒప్పందంపై ఐఐటీ తిరుపతి టెక్నాలజీ ఇన్నోవేషన్ హబ్ ప్రాజెక్ట్ డైరెక్టర్ డాక్టర్ రోషన్ కె. శ్రీవాస్తవ, డీప్‌స్పేషియల్ వ్యవస్థాపకుడు, సీఈఓ డాక్టర్ రాహుల్ కుష్వాహా సంతకాలు చేశారు.</p>
<p>ఈ ఒప్పందం రియల్‌ వరల్డ్‌లో GeoAI టెక్నాలజీ సొల్యూషన్స్ అందించాలన్న మా లక్ష్యాలను మరింత దగ్గర చేస్తుంది Navaviskar ఒప్పందం మా పరిశోధన, ఆవిష్కరణ, టాలెంట్ డవలప్‌మెంట్ ఎకోసిస్టమ్‌ను బలోపేతం చేస్తందన్నారు. వన్ ఇండియాతో ఒప్పందం నమ్మకమైన సమాచారాన్ని అందించడంతో పాటు.. విద్యార్థులో డిజిటల్ లిటరసీని పెంపొందిస్తుందని చెప్పారు. <br /><img src="https://feeds.abplive.com/onecms/images/uploaded-images/2026/10/18/eed3d8c5df245c6b393f149d27bce8351792337861522876_original.jpg" /></p>
<p><strong>One Indiaతో ఒప్పందం </strong></p>
<p>ఇండియాలో వన్ ఇండియాకు మాతృసంస్థగా ఉన్న గ్రేనియం ఇన్ఫర్మేషన్ టెక్నాలజీస్ ప్రైవేట్ లిమిటెడ్‌ (Greynium Information Technologies Private Limited)తో డీప్‌ స్పేషియల్ మరో ఒప్పందం చేసుకుంది. దీని ప్రకారం డీప్‌స్పేషియల్‌కు చెందిన ‘ఎడ్స్‌క్‌ఎక్స్‌ప్రెస్‌’ (edskExpress) ఎడ్యుకేషనల్ ప్లాట్‌ఫామ్‌కు వన్‌ ఇండియా రోజువారీ వార్తలు, సమకాలీన అంశాలకు సంబంధించిన కంటెంట్‌ను అందించనుంది.</p>
<p>అంతే కాకుండా విద్యార్థులు తమ చుట్టూ జరిగే సంఘటనలను గుర్తించి, వాటిపై కథనాలను రూపొందించే అవకాశాలను కూడా ఈ వేదిక కల్పించనుంది. తద్వారా తరగతి గదుల్లోనే వార్తల పట్ల అవగాహన, విమర్శనాత్మక ఆలోచన, బాధ్యతాయుతమైన సమాచార వినియోగాన్ని ప్రోత్సహించనున్నారు.</p>
<p>ఈ ఒప్పందంపై వన్‌ఇండియా సీఈఓ రావణన్ ఎన్., డీప్‌స్పేషియల్ సీఈఓ డాక్టర్ రాహుల్ కుష్వాహా సంతకాలు చేశారు. వన్ ఇండియా సీనియర్ డైరక్టర్ జేమ్స్ పీజే, సౌరభ్ త్యాగి హాజరయ్యారు. "విశ్వసనీయ వార్తా సమాచారం న్యూస్‌ రూమ్‌లోనే ఆగిపోకూడదు. అది తరగతి గదికి కూడా చేరాలి" అని రావణన్ అన్నారు. ఇంకా ఆయన మాట్లాడుతూ.. పాజిటివ్ న్యూస్ అంటే న్యూస్ ప్లస్ కంటెంట్ మాత్రమే కాదు. యువ రీడర్లు.. ప్రపంచంలో జరుగుతున్న ప్రతీదీ తెలుసుకోవాలి. ఏది వర్క్ అవుతోంది. ఏది మార్పునకు కారణమవుతోందన్నది వాళ్లకి తెలియాలి. edskExpress ద్వారా విద్యార్థులకు విశ్వసనీయ వార్తా సమాచారం చేరవేస్తాం. దానిని వాళ్లు ప్రశ్నించొచ్చు. సొంత కథనాలు రూపొందించొచ్చు." అని చెప్పారు. </p>
<p><strong>భారత్‌-కెనడా వాణిజ్య సంబంధాల్లో కీలక అడుగు</strong><br />కెనడా అంతర్జాతీయ వాణిజ్య శాఖ మంత్రి మానిందర్ సిధు నేతృత్వంలో భారత్‌కు వచ్చిన దాదాపు 300 మంది ప్రతినిధుల బృందంలో భాగంగా ఈ ఒప్పందాలు కుదిరాయి. కెనడా ప్రభుత్వ గ్లోబల్ అఫైర్స్ కెనడా విడుదల చేసిన వివరాల ప్రకారం, ఈ పర్యటనలో భారత, కెనడా సంస్థల మధ్య మొత్తం 34 వాణిజ్య ఒప్పందాలు, భాగస్వామ్యాలు, పెట్టుబడి ప్రకటనలు వెలువడ్డాయి. వీటి అంచనా విలువ దాదాపు 300 మిలియన్ కెనడియన్ డాలర్లు. కెనడా గత మూడు దశాబ్దాల్లో భారత్‌లో నిర్వహించిన అతిపెద్ద టీమ్ కెనడా వాణిజ్య ప్రతినిధి బృంద పర్యటన ఇదేనని ఆ దేశ ప్రభుత్వం పేర్కొంది.</p>
<p><strong>Also Read : <a title="Jio Platforms IPO: జియో ప్లాట్‌ఫామ్స్ ఐపీఓకు లిస్టింగ్‌కు ముందే రూ. 2.5 లక్షల కోట్ల ఇన్వెస్టర్ల డిమాండ్" href="https://telugu.abplive.com/business/jio-platforms-ipo-attracts-rs-2-lakh-50-thousand-crore-in-investor-demand-ahead-of-listing-261777" target="_self">Jio Platforms IPO: జియో ప్లాట్‌ఫామ్స్ ఐపీఓకు లిస్టింగ్‌కు ముందే రూ. 2.5 లక్షల కోట్ల ఇన్వెస్టర్ల డిమాండ్</a></strong></p>
1 week ago
2 
