<p><strong>Hyundai Creta Vs Honda Elevate Performance Comparison:</strong> మిడ్‌సైజ్‌ SUV సెగ్మెంట్‌లో పెట్రోలు-CVT ఆప్షన్‌ కోరుకునే వాళ్లకు హ్యుందాయ్‌ క్రెటా, హోండా ఎలివేట్‌ రెండూ చాలా పాపులర్‌ ఆప్షన్లు. ఈ రెండు SUVల్లోనూ 1.5 లీటర్ల నేచురల్‌ ఆస్పిరేటెడ్‌ పెట్రోలు ఇంజిన్‌, CVT ట్రాన్స్‌మిషన్‌ అందుబాటులో ఉంది. అయితే... వీటి పెర్ఫార్మెన్స్‌ ఎలా ఉంటుంది?, ఏది రోడ్డుపై వేగంగా పికప్‌ తీసుకుంటుంది?, ఏ కారుది పవర్‌ఫుల్‌ రెస్పాన్స్‌? అన్నది చాలా మందికి డౌట్‌. ఆ సందేహాలన్నింటికీ క్లియర్‌ ఆన్సర్‌ ఈ రిపోర్ట్‌.</p>
<p><strong>స్పెసిఫికేషన్స్‌ - కాగితంపై చూస్తే ఏ SUVది పైచేయి?</strong></p>
<p>పేపర్‌పై చూస్తే, హోండా ఎలివేట్‌ CVT కొంచెం ముందంజలో నిలుస్తుంది. ఎందుకంటే: ఎలివేట్‌ 1.5 లీటర్‌ ఇంజిన్‌ క్రెటాతో పోలిస్తే 6 PS ఎక్కువ పవర్, 1 Nm ఎక్కువ టార్క్ ఇస్తుంది. హోండా ఎలివేట్‌ బరువు కూడా హ్యుందాయ్‌ క్రెటా కంటే 24 kg తక్కువ. అంటే... పవర్‌-టు-వెయిట్‌, టార్క్‌-టు-వెయిట్‌ రేషియోలో హోండా ఎలివేట్‌ బెస్ట్‌. ధర విషయంలో కూడా ఎలివేట్‌ CVT వెర్షన్స్‌ క్రెటా కంటే తక్కువగా మొదలవుతాయి. కానీ ఫీచర్ల పరంగా క్రెటా టాప్‌ మోడల్స్‌లో ఎక్కువ ఆప్షన్స్‌ లభిస్తాయి.</p>
<p><strong>0-100 కి.మీ./గంట యాక్సిలరేషన్‌ - ఎలివేట్‌ ముందడుగు</strong></p>
<p>GPS ఆధారితంగా ఆటోమొబైల్‌ ఎక్స్‌పర్ట్స్‌ చేసిన పెర్ఫార్మెన్స్‌ టెస్టుల్లో, మొదటి నుంచీ హోండా ఎలివేట్‌ ముందంజలో ఉంది.</p>
<ul>
<li>0-60 కి.మీ. వేగం: క్రెటా కంటే ఎలివేట్‌ 0.68 సెకన్ల ముందు</li>
<li>0-100 కి.మీ. వేగం: క్రెటాతో పోలిస్తే ఎలివేట్‌ 1.84 సెకన్లు వేగం</li>
<li>0-120 కి.మీ. వేగం: ఎలివేట్‌ క్రెటా కంటే 2.83 సెకన్ల ముందుంది</li>
<li>డ్రైవింగ్‌ రెస్పాన్స్‌లో కూడా హ్యుందాయ్‌ క్రెటా కంటే హోండా ఎలివేట్‌ కాస్త షార్ప్‌గా, పవర్‌ఫుల్‌గా అనిపించింది.</li>
</ul>
<p><strong>రోలింగ్‌ యాక్సిలరేషన్‌ - ఓవర్‌టేక్‌ సమయంలో ఏది బెటర్‌?</strong></p>
<p>సిటీ ట్రాఫిక్‌లో ఓవర్‌టేక్‌ చేసేప్పుడు 20-80 కి.మీ. స్పీడ్‌లో లేదా హైవేపై ఓవర్‌టేక్‌ చేసేప్పుడు 40-100 కి.మీ. స్పీడ్‌లో SUV ఎలా స్పందిస్తుందో చాలా ముఖ్యం.</p>
<ul>
<li>ఇక్కడ కూడా ఎలివేట్‌ డామినేట్‌ చేసింది. </li>
<li>20-80 కి.మీ. వేగంలో ఎలివేట్‌ 0.77 సెకన్లు వేగంగా దూసుకెళ్లింది. </li>
<li>40-100 కి.మీ. వేగంలోనూ ఎలివేట్‌ 1.12 సెకన్లు వేగంగా ఉంది.</li>
</ul>
<p>అంటే లో-మిడ్‌ రేంజ్‌లో ఎలివేట్‌ కాస్త చురుకుగా ఉండే ఇంప్రెషన్‌ ఇస్తుంది. క్రెటా CVT లీనియర్‌గా & స్మూత్‌గా ఉన్నప్పటికీ, వేగం పెరగడంలో ఎలివేట్‌ అంతకన్నా ముందుంది.</p>
<p><strong>బ్రేకింగ్‌ టెస్ట్‌ - 80-0 కి.మీ. వేగంలో ఏది త్వరగా ఆగింది?</strong></p>
<p>పానిక్‌ బ్రేకింగ్‌ పరిస్థితులను సిమ్యులేట్‌ చేస్తూ చేసిన టెస్టుల్లో కూడా ఎలివేట్‌ గెలుపొందింది. 80-0 కి.మీ. వేగంలో క్రెటా కంటే 1.93 సెకన్లు త్వరగా ఆగింది, 3.45 మీటర్లు తక్కువ దూరంలోనే ఈ SUV నిలిచింది. ఇందుకు ప్రధాన కారణం తక్కువ బరువుతో వచ్చే స్టెబిలిటీ.</p>
<p><strong>రియల్‌ వరల్డ్‌లో బెస్ట్‌ పెర్ఫార్మర్‌ ఏది?</strong></p>
<p>స్పెసిఫికేషన్స్‌, యాక్సిలరేషన్‌, రోలింగ్‌ పనితీరు, బ్రేకింగ్‌ - నాలుగు అంశాల్లోను హోండా ఎలివేట్‌ స్పష్టంగా ముందంజలో ఉంది. అయితే... బెస్ట్‌ ఫీచర్లు కావాలంటే హ్యుందాయ్‌ క్రెటా తీసుకోవాలి, పెర్ఫార్మెన్స్‌ కావాలంటే హోండా ఎలివేట్‌ ఎంపిక చేసుకోవాలి.</p>
<p><em><strong>ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.</strong></em></p>
2 weeks ago
2 
