<p>ఎలక్ట్రిక్ బైక్ల బ్యాటరీల్లో లోపంతో నిత్యం ఎక్కడో ఓచోట ప్రమాదాలు జరుగుతూనే ఉన్నాయి. రోడ్డుపై నిలిపి ఉంచిన, రన్నింగ్ వాహనాల్లోనూ మంటలు చెలరేగి దగ్ధమైన ఘటనలు వెలుగుచూస్తూనే ఉన్నాయి. తాజాగా ఓ ఎలక్ట్రిక్ బైక్ షోరూంలోనే బ్యాటరీలు పేలి భారీ అగ్ని ప్రమాదం జరిగింది. రంగారెడ్డి జిల్లా రాజేంద్రనగర్లోని హైదర్గూడలోని ఓ ఎలక్ట్రికల్ బైక్ షో బ్యాటరీలు పేలి ఒక్కసారిగా మంటలు చెలరేగాయి. దట్టమైన పొగలు రావడంతో చుట్టుపక్కల స్థానికులు భయాందోళనలకు గురయ్యారు. </p>
<p><strong>మంటలను అదుపుచేసిన అగ్నిమాపక సిబ్బంది</strong><br />హైదర్గూడలోని ఎర్రబోడ వద్ద ఉన్న ఓ ఎలక్ట్రికల్ బైక్ షోరూంలో భారీ శబ్ధంతో ఒక్కసారిగా భారీస్థాయిలో మంటలు ఎగసిపడ్డాయి. సమాచారం అందుకున్న అగ్ని మాపక సిబ్బంది ఘటనా స్థలానికి చేరుకుని మంటలను అదుపుచేశారు. తీవ్ర ఆస్తి నష్టం జరిగినట్లు అధికారులు చెబుతున్నారు. </p>
<p>12 బ్యాటరీలు ఒక్కసారిగా పేలడంతో!<br />షోరూంలోని దాదాపు 12 బ్యాటరీలు ఒక్కసారిగా పేలడంతో ఈ ప్రమాదం సంభవించినట్లు అధికారులు వెల్లడించారు. ఈ ప్రమాదంలో షోరూంలో ఉన్న పదుల సంఖ్యలో ఎలక్ట్రిక్ బైకులు దగ్ధమయ్యాయి.</p>
10 months ago
7 
