<p>థియేటర్లలో, మరీ ముఖ్యంగా మల్టీప్లెక్స్‌లలో సినిమా చూడటానికి వెళ్ళిన ప్రతి ప్రేక్షకుడూ... మినిమమ్ పది నిమిషాల పాటు యాడ్స్ చూడక తప్పదని ఫిక్స్ అయిపోయాడు. కొన్ని మల్టీప్లెక్స్‌లలో 15 నిమిషాల పాటు యాడ్స్ ప్లే చేసిన సందర్భాలు ఉన్నాయి. ఆ మధ్య బెంగళూరులో ఓ ప్రేక్షకుడు కన్జ్యూమర్ కోర్టుకు వెళ్ళగా... మల్టీప్లెక్స్‌కు ఫైన్ పడింది. అప్పటి నుంచి యాడ్ ప్లే చేసే సమయాన్ని కాస్త తగ్గించారు. ఇప్పుడు హైదరాబాద్ సిటీలో మరో థియేటర్‌కు కోర్టు ఫైన్ విధించింది. ఎందుకు? ఏమిటి? వంటి వివరాల్లోకి వెళితే...</p>
<p><strong>22 మినిట్స్ యాడ్స్ వేశారు...</strong><br /><strong>75 వేల రూపాయలు ఫైన్ కట్టారు! </strong><br />హైదరాబాద్‌లోని ఓ థియేటర్‌లో సినిమా ప్రదర్శించానికి ముందు సుమారు 22 నిమిషాల పాటు కమర్షియల్ యాడ్స్, ట్రైలర్లను ప్లే చేశారు. అందువల్ల తనకు ఇబ్బంది కలిగిందని ఓ ప్రేక్షకుడు సదరు థియేటర్ యాజమాన్యానికి వ్యతిరేకంగా వినియోగదారుల కమిషన్‌ను ఆశ్రయించాడు. నిర్ణీత సమయానికంటే ఆలస్యంగా సినిమాను ప్రారంభించడం సేవా లోపమే అని, అది అనుచిత వ్యాపార విధానం కిందకు వస్తుందని స్పష్టం చేయడంతో పాటు థియేటర్ యాజమాన్యానికి రూ. 75 వేలు ఫైన్ కట్టమని విధించింది వినియోగదారుల ఫోరమ్.</p>
<p>Also Read<strong>: <a title="Mayookha Telugu Trailer - ముక్కలుగా గుర్తు తెలియని శవం... ఊళ్ళో కోళ్లు మాయం... పాయల్ చెంగప్ప 'మయూఖ' ట్రైలర్ ఎలా ఉందంటే?" href="https://telugu.abplive.com/entertainment/cinema/mayookha-telugu-trailer-unknown-body-parts-missing-shocking-mystery-in-payal-chengappa-thriller-260174" target="_self">Mayookha Telugu Trailer - ముక్కలుగా గుర్తు తెలియని శవం... ఊళ్ళో కోళ్లు మాయం... పాయల్ చెంగప్ప 'మయూఖ' ట్రైలర్ ఎలా ఉందంటే?</a></strong></p>
<p>అసలు ఈ వివాదం ఎప్పుడు జరిగింది? అనే అంశంలోకి వెళితే... గతేడాది (2025) జూన్ 20న కోలీవుడ్ స్టార్ ధనుష్, టాలీవుడ్ కింగ్ నాగార్జున నటించిన 'కుబేర' చూడటానికి ఓ ప్రేక్షకుడు నైట్ 10:35 షోకు రెండు టిక్కెట్లు బుక్ చేశాడు. తన స్నేహితుడితో కలిసి 10:30 గంటలకు థియేటర్‌లోకి వెళ్ళాడు. టైమింగ్ (షెడ్యూల్) ప్రకారం సినిమా ప్రారంభమవుతుందని ఎదురు చూసినప్పటికీ అలా జరగలేదని, రాత్రి 10:52 గంటల వరకు యాడ్స్, బ్రాండ్ ప్రమోషన్స్, సినిమా ట్రైలర్లను ప్లే చేశారని ప్రేక్షకుడు పేర్కొన్నారు. యాడ్స్ తర్వాత ప్రేక్షకుల ఆరోగ్యం, సంక్షేమం కోసం ప్రభుత్వం రూపొందించిన అవగాహన చిత్రాలను ప్రదర్శించి, ఆపై సినిమా ప్రారంభించారని వివరించారు. అందువల్ల, సినిమా పూర్తి అయ్యి ఇంటికి వెళ్లే సరికి రాత్రి మూడు గంటలు అయ్యిందని, తన సమయాన్ని థియేటర్ యాజమాన్యం వృథా చేసిందని జిల్లా వినియోగదారుల కమిషన్‌ను ఆశ్రయించారు.</p>
<p>కమర్షియల్ యాడ్స్, ట్రైలర్లు, ప్రజా సంక్షేమ ప్రకటనలను ప్రదర్శించడం తమకు రాజ్యాంగం ద్వారా లభించిన వ్యాపార హక్కు అని థియేటర్ తరఫు న్యాయవాదులు వాదించారు. విద్య, ఆరోగ్యం, వ్యవసాయం, స్వచ్ఛ భారత్ వంటి అంశాలపై ప్రజల్లో అవగాహన పెంచడం కోసం వాటిని ప్రదర్శించామని పేర్కొన్నారు. </p>
<p>Also Read<strong>: <a title="Karthik Subbaraj On Dorothy Controversy - మగాడు మహిళగా మారడం ఏమిటి? క్లైమాక్స్ వివాదంపై డైరెక్టర్ ఏం చెప్పారంటే?" href="https://telugu.abplive.com/entertainment/cinema/dorothy-controversy-karthik-subbaraj-reacts-to-climax-debate-explains-lgbtq-angle-260169" target="_self">Karthik Subbaraj On Dorothy Controversy - మగాడు మహిళగా మారడం ఏమిటి? క్లైమాక్స్ వివాదంపై డైరెక్టర్ ఏం చెప్పారంటే?</a></strong></p>
<p>ఇరు పక్షాల వాదనలను విన్న జిల్లా వినియోగదారుల వివాదాల పరిష్కార కమిషన్ అధ్యక్షుడు వక్కంటి నరసింహారావు, సభ్యురాలు సుమా వాలాతో కూడిన బెంచ్... ప్రభుత్వ మార్గదర్శకాల ప్రకారం ప్రజా సంక్షేమ అవగాహన చిత్రాల నిడివి రెండు నిమిషాల వరకు మాత్రమే పరిమితం చేయాలని పేర్కొంది. 22 మినిట్స్ యాడ్స్ వేసినందుకు, ప్రేక్షకుల సమయాన్ని వృథా చేసినందుకు 75 వేలు చెల్లించాలని ఆదేశించింది. అందులో ప్రేక్షకుడికి 20 వేలు, కోర్టు ఖర్చుల కింద మరో ఐదు వేలు ఇవ్వాలని, భవిష్యత్తులో ఇటువంటివి రిపీట్ చేయకుండా ఉండేందుకు మరొక 50 వేలు చెల్లించాలని ఆదేశించింది. అదీ సంగతి.</p>
<p>Also Read<strong>: <a title="Raja Kumari - Impure Movie Telugu: మ్యూజిక్ డైరెక్టర్‌గా రాజకుమారి... పవన్ 'ఓజీ' తర్వాత 'ఇంప్యూర్'తో తెలుగులోకి" href="https://telugu.abplive.com/entertainment/cinema/raja-kumari-music-director-debut-pawan-kalyan-og-srk-jawan-singer-turns-composer-with-varahi-mallipamula-telugu-film-impure-260147" target="_self">Raja Kumari - Impure Movie Telugu: మ్యూజిక్ డైరెక్టర్‌గా రాజకుమారి... పవన్ 'ఓజీ' తర్వాత 'ఇంప్యూర్'తో తెలుగులోకి</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/nagarjuna-multi-starrer-movies-list-with-family-other-heroes-filmography-210651" width="631" height="381" scrolling="no"></iframe></p>
1 month ago
2 
