<p><strong>Teenage Love Story Husharu Pittalu Review:</strong> భిక్షు దర్శకత్వంలో అన్షు, వాసవి గణేషన్‌ జంటగా వెంకట్‌ యాదవ్‌ నిర్మించిన సినిమా 'హుషారు పిట్టలు'. ప్రచార చిత్రాలు కొంత మంది ప్రేక్షకుల్లో ఆసక్తి కలిగించాయి. దానికి తోడు స్టేజిపై ప్రేక్షకులకు హీరో హీరోయిన్లు పూజలు చేయడం, నటుడు తనను కొట్టుకోవడంతో మరింత మందికి చేరువైందీ సినిమా. ఏషియన్‌ సురేష్‌ ఫిలింస్‌ సంస్థల ద్వారా ఆగస్టు 15న థియేటర్లలోకి వచ్చిన ఈ సినిమా ఎలా ఉంది?</p>
<p><strong>కథ (Husharu Pittalu Story):</strong> ఓ గొర్రెల కాపరి కొడుకు రవి (అన్షు). పదో తరగతిలో ఫస్ట్ వస్తాడు. అయితే... ఊరిలోని ఆటో డ్రైవర్, అతని స్నేహితుడు కలిసి రవిని చెడగొడతారు. అడల్ట్ ఫిలిమ్స్ చూపించడమే కాకుండా అమ్మాయిలకు ఎలా లైన్ వేయాలో చెబుతారు. ఆటో డ్రైవర్ బాబాయ్ (ఓ కల్లుగీత కార్మికుడు) కూతురు చిట్టి (వాసవి గణేషన్)కు సైట్ కొడతాడు రవి. స్కూల్‌కు వెళుతున్న ఆమెకు రవి అంటే ఇష్టమే. పైగా, పెద్ద మనిషి అయ్యి కొన్ని రోజులే అవుతుంది. ఇద్దరూ శారీరకంగా ఒక్కటి అవుతారు. ప్రతిరోజూ శృంగారంలో పాల్గొనాలని పరితపించిపోతారు. రవి, చిట్టి వ్యవహారం ఇంట్లో పెద్దలకు తెలిసిందా? తెలిసీ తెలియని వయసులో చేసిన పని వల్ల జీవితాలు ఏమయ్యాయి? భవిష్యత్తుపై ఎటువంటి ప్రభావం చూపించాయి? అనేది సినిమా.</p>
<p><strong>విశ్లేషణ (Husharu Pittalu Review Telugu):</strong> శారీరక ఆకర్షణను ప్రేమ అని ఫీలయ్యే వయసు కొందరిది. బాడీలో హార్మోన్స్ వల్ల మార్పులు రావడం సహజం. చైల్డ్ హుడ్ నుంచి టీనేజ్ (యంగ్ ఏజ్)లో అడుగు పెట్టేటప్పుడు కొందరు తప్పటడుగులు వేస్తారు. అటువంటి తప్పటడుగులను తెరపై చూపించిన కథలు కొన్ని ఉన్నాయ్. అయితే ఒక్కొక్కరూ ఒక్కో పంథాలో చెప్పారు. 'హుషారు పిట్టలు' దర్శకుడు భిక్షు ఎటువంటి బౌండరీలు పెట్టుకోకుండా అడల్ట్ కామెడీతో కథను నడిపారు. చివరిలో చిన్న సందేశం ఇచ్చారు.</p>
<p>దర్శకుడు తేజ 'చిత్రం' నుంచి మారుతి 'ఈ రోజుల్లో', 'బస్ స్టాప్' వరకు శారీరక ఆకర్షణతో మొదలైన ప్రేమ కథలను కాస్త బోల్డ్‌గా చూపించారు. తమ పిల్లలు చదువు మీద దృష్టి పెట్టారని తల్లిదండ్రులు భావిస్తే... కాలేజీలో అడుగు పెట్టిన తర్వాత పుస్తకాల్లో పాఠాల బదులు శృంగార పాఠాలు చదివారు హీరో హీరోయిన్లు. అసలు సంగతి తెలిసి తల్లిదండ్రుల గుండె బద్దలు కావడం, పిల్లలు తమ తమ తప్పులు తెలుసుకోవడం అసలు కథ.</p>
<p>Also Read<strong>: <a title="Vishal Makutam Review In Telugu - మకుటం రివ్యూ: దర్శకుడుగా విశాల్ మొదటి సినిమా హిట్టా? ఫట్టా?" href="https://telugu.abplive.com/movie-review/entertainment/cinema-makutam-review-telugu-how-is-vishal-directorial-debut-magudam-movie-critics-rating-256327" target="_self">Vishal Makutam Review In Telugu - మకుటం రివ్యూ: దర్శకుడుగా విశాల్ మొదటి సినిమా హిట్టా? ఫట్టా?</a></strong></p>
<p>'హుషారు పిట్టలు'లో కాలేజ్ లవ్ స్టోరీ కాదు... స్కూల్ ఏజ్ పిల్లల శృంగార పాఠాలు చూపించారు దర్శకుడు భిక్షు. మైనర్ బాలికతో శృంగారం చేస్తే పోక్సో యాక్ట్ తప్పదని డిస్‌క్లైమర్ కూడా వేశారు. మాటల్లో డబుల్ మీనింగ్స్ దండిగా వాడారు. ఆడియన్స్ అవాక్కయే రేంజిలో సన్నివేశాలు తీశారు. చివరకు తప్పు అని చెప్పారు. ఇటువంటి కథకు తెలంగాణ నేపథ్యం అయినా, మరొక నేపథ్యం అయినా ఒక్కటే. కథకు తగ్గట్టు పాటలు, కెమెరా వర్క్, నిర్మాణ విలువలు ఉన్నాయి. టెక్నికల్ అంశాల కంటే అడల్ట్ కామెడీ, ఆ తర్వాత క్లైమాక్స్ మెసేజ్ మీద దర్శకుడు ఎక్కువ కాన్సంట్రేట్ చేశారు. అన్షు, వాసవి గణేషన్ సహా నటీనటులు తమ తమ పాత్రలకు తగ్గట్టు చేశారు.</p>
<p>Also Read<strong>: <a title="Vishwanath And Sons Review - విశ్వనాథ్ అండ్ సన్స్ రివ్యూ: సూర్య సినిమా హిట్టా? ఫట్టా? వెంకీ అట్లూరి ఎలా తీశారంటే?" href="https://telugu.abplive.com/movie-review/entertainment/cinema-suriya-vishwanath-and-sons-review-telugu-how-is-film-critics-rating-256265" target="_self">Vishwanath And Sons Review - విశ్వనాథ్ అండ్ సన్స్ రివ్యూ: సూర్య సినిమా హిట్టా? ఫట్టా? వెంకీ అట్లూరి ఎలా తీశారంటే?</a></strong></p>
<p><strong>Husharu Pittalu Verdict:</strong> 'హుషారు పిట్టలు' ఫస్టాఫ్ అంతా డబుల్ మీనింగ్ డైలాగ్స్, అడల్ట్ కామెడీతో చకచకా సాగుతుంది. సెకండాఫ్ వచ్చేసరికి ఒక్కసారిగా టర్న్ తీసుకున్నారు. క్లైమాక్స్ వచ్చేసరికి ఫాదర్ సెంటిమెంట్‌తో హార్ట్ టచింగ్ మెసేజ్‌తో ఎండ్ చేశారు. డైలాగుల్లో అంత హెవీ డోస్ (డబుల్ మీనింగ్స్) అవసరం లేదేమో అనిపిస్తుంది. అయితే ప్రజెంట్ స్మార్ట్ ఫోన్ జనరేషన్‌లో స్కూల్ ఏజ్‌లో తప్పులు చేస్తున్న పిల్లలు కొందరు ఉన్నారు. ఈ తరుణంలో సమాజానికి అవసరమైన మెసేజ్ ఇచ్చారు. 'ఈ రోజుల్లో', 'బస్ స్టాప్' కంటే బోల్డ్ సినిమా ఇది.</p>
<p>Also Read<strong>: <a title="DC Movie Review - డీసీ రివ్యూ: హీరోగా లోకేష్ కనగరాజ్ డెబ్యూలో ఏముంది? అనిరుధ్ మ్యూజిక్‌తో చేసిన మేజిక్ సినిమా రాతను ఎలా మార్చింది?" href="https://telugu.abplive.com/movie-review/entertainment/cinema-lokesh-kanagaraj-dc-movie-review-telugu-how-is-film-critics-review-rating-255749" target="_self">DC Movie Review - డీసీ రివ్యూ: హీరోగా లోకేష్ కనగరాజ్ డెబ్యూలో ఏముంది? అనిరుధ్ మ్యూజిక్‌తో చేసిన మేజిక్ సినిమా రాతను ఎలా మార్చింది?</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/shraddha-das-in-sleeveless-coat-suit-249233" width="631" height="381" scrolling="no"></iframe></p>
2 months ago
3 
