<p><strong>Healthy Homemade Date Sesame Toffees Recipe :</strong> కేవలం 3 పదార్థాలతో టేస్టీ, హెల్తీ చాక్లెట్లు తయారు చేసుకోవచ్చు. దీనికోసం ఖర్జూరం, నువ్వులు ప్రధానంగా ఉపయోగిస్తారు. ఇవి తినేందుకు రుచికరంగా, నమిలేందుకు మృదువుగా ఉండటంతో పాటు కరకరలాడే టెక్స్చర్‌ను ఇస్తాయి. అందుకే వీటిని పిల్లల నుంచి పెద్దల వరకు అందరూ ఇష్టపడతారు. పైగా డైట్ చేసేవారికి కూడా ఇది మంచి ఎంపిక. స్వీట్ అయినా కేలరీలు దీనిలో తక్కువగా ఉంటాయి. </p>
<p>స్వీట్ క్రేవింగ్స్ ఉన్నప్పుడు మార్కెట్లో దొరికే అధిక చక్కెర, కృత్రిమ పదార్థాలు కలిగిన చాక్లెట్లకు బదులుగా వీటిని మీరు చేసుకుని హాయిగా ఆస్వాదించవచ్చు. ఖర్జూరాలు సహజ తీపిని అందించడంతో పాటు ఫైబర్‌ను కూడా అందిస్తాయి. నువ్వులు ఆరోగ్యకరమైన కొవ్వులు, మొక్కల ఆధారిత ప్రోటీన్, కాల్షియం, ఐరన్ వంటి ముఖ్యమైన ఖనిజాలను అందిస్తాయి. అందువల్ల ఈ టాఫీలు రుచితో పాటు పోషక విలువలను కూడా అందిస్తాయి. మరి వీటిని ఎలా చేయాలో.. కావాల్సిన పదార్థాలు, తయారీ విధానం ఏంటో ఇప్పుడు చూసేద్దాం. </p>
<h3>కావాల్సిన పదార్థాలు</h3>
<p>ఖర్జూరాలు - 8 (సీడ్స్ తీసేయాలి)</p>
<p>నువ్వులు - 2 టేబుల్ స్పూన్లు</p>
<p>ఉప్పు - అర టీస్పూన్</p>
<p>నెయ్యి - 1 టేబుల్ స్పూన్</p>
<h3>తయారీ విధానం</h3>
<p>ముందుగా నువ్వులను నెయ్యి ఏమి వేయకుండా వేయించుకోవాలి. నువ్వులు చిటపటలాడుతున్నప్పుడు దించి పక్కన పెట్టుకోవాలి. ఇప్పుడు అదే పాన్లో నెయ్యి వేసుకోవాలి. అది వేడి అయిన తర్వాత ముందుగా గింజలు తీసి పెట్టుకున్న ఖర్జూరాలు వేసుకోవాలి. వాటిని మెత్తగా ఉండికించి కలుపుతూ ఉండాలి. అప్పుడు ఖర్జూరం మెత్తటి పేస్ట్ మాదిరి అవుతుంది. </p>
<p>ఇప్పుడు ఖర్జూర పేస్ట్ను బటర్ పేపర్లో వేసి.. దానిలో మందుగా వేయించుకున్న నువ్వులను వేసి.. కాస్త ఉప్పు వేసుకుని బాగా కలుపుకోవాలి. మంచి ముద్దగా చేసుకున్న తర్వాత దానిని చిన్న చిన్న చాక్లెట్లుగా చేసుకోవాలి. వాటిని బటర్ పేపర్లో చిన్న చిన్న చాక్లెట్లుగా చుట్టుకుని.. ఎయిర్ టైట్ కంటైనర్లో పెట్టుకుని స్టోర్ చేసుకోవచ్చు. అంతే టేస్టీ, హెల్తీ చాక్లెట్లను మీకు స్వీట్ క్రేవింగ్స్ ఉన్నప్పుడు, పిల్లలకు ఇవ్వవచ్చు. </p>
<p><iframe class="vidfyVideo" style="border: 0px;" src="https://telugu.abplive.com/web-stories/lifestyle/health-benefits-of-eat-banana-every-day-250534" width="631" height="381" scrolling="no"></iframe></p>
4 months ago
11 
