<p><strong>Everyday Habits To Reduce Hair Fall :</strong> ఈ రోజుల్లో జుట్టు రాలడం అనేది మగ, ఆడవారిలో సాధారణ సమస్యగా మారిపోయింది. పొడి వాతావరణం, ఒత్తిడి, ఆహారం, నిద్రలేమి, పోషకాహార లోపాలు, హార్మోన్ల మార్పులు కూడా దీనికి కారణమవుతాయి. దీంతో జుట్టు రాలకుండా ఉండేందుకు.. ఒత్తుగా పెంచుకోవడానికి రకరకాల ఇంటి చిట్కాలను ప్రయత్నిస్తుంటారు. అయితే ఒక్క ఇంటి చిట్కాతో జుట్టు తక్షణమే ఒత్తుగా మారదు అంటున్నారు నిపుణులు. </p>
<p>ఆరోగ్యకరమైన, ఒత్తైన జుట్టు కావాలంటే.. ఆహారం, జుట్టు సంరక్షణ రెండింటిపై శ్రద్ధ పెట్టాలని సూచిస్తున్నారు. మీకు జుట్టు వేగంగా రాలుతుంటే కచ్చితంగా వైద్య సహాయం తీసుకోవాలని అంటున్నారు. ఎందుకంటే ఏదైనా ఆరోగ్య సమస్య వచ్చినా కూడా జుట్టు వేగంగా రాలుతుంది. మరి రోజూవారీ లైఫ్లో ఎలాంటి మార్పులు చేస్తే జుట్టు రాలే సమస్య అదుపులోకి వచ్చి ఒత్తుగా మారుతుందో చూసేద్దాం. </p>
<p><strong>Also Read : <a href="https://telugu.abplive.com/lifestyle/homemade-hair-fall-hair-growth-oil-fenugreek-hibiscus-kalonji-258494" target="_blank" rel="noopener">మెంతులు, మందారంతో హెయిర్ ఆయిల్.. జుట్టు సమస్యలు దూరం చేసుకునేందుకు ఇంట్లో ప్రిపేర్ చేసుకోండిలా</a></strong></p>
<h3>ఆహారంలో చేయాల్సిన మార్పులు..</h3>
<p>జుట్టు బాగా పెరగడానికి శరీరానికి తగినంత ప్రోటీన్, ఐరన్, జింక్, ఇతర పోషకాలు అవసరం. అందుకే మీ ఆహారంలో పప్పులు, శనగలు, చిక్కుడు కాయలు, పాలు, పెరుగు, గుడ్లు, జున్ను, ఆకుకూరలు, పండ్లు, నట్స్, విత్తనాలను కలిపి తీసుకోవచ్చు. ఐరన్ లేదా ప్రోటీన్ లోపం ఉంటే జుట్టు ఎక్కువగా రాలుతుంది కాబట్టి ఈ పోషకాలను అందించే ఫుడ్స్ తీసుకోవడం మంచిది. </p>
<p>డైట్లో భాగంగా ఆహారాన్ని తీసుకోవడం పూర్తిగా తగ్గించడం లేదా ఎక్కువ రోజులు క్రాష్ డైట్ ఫాలో అవ్వడం కూడా జుట్టుకు మంచిది కాదు. అందుకే బరువు తగ్గే ప్రయత్నంలో మీ ఆహారాన్ని తగ్గించుకోవడం మానాలి. దానికి బదులు పోషకాలతో కూడిన బ్యాలెన్స్ డైట్ తీసుకోవాలి. పోషకాహార లోపం ఉంటే వైద్యుల సూచనలతో సప్లిమెంట్స్ తీసుకోండి. వారి సూచనలు లేకుండా విటమిన్లు, ఖనిజాలు ఎక్కువగా తీసుకుంటే కూడా జుట్టు రాలిపోవచ్చు. </p>
<p><strong>Also Read : <a href="https://telugu.abplive.com/lifestyle/natural-hair-care-remedies-white-hair-packs-oils-amla-fenugreek-258202" target="_blank" rel="noopener">తెల్ల జుట్టు కనిపిస్తోందా? రంగు వేయకుండా ఈ చిట్కాలు కచ్చితంగా ట్రై చేయండి, ఎందుకంటే..</a></strong></p>
<h3>నూనె రాసేప్పుడు ఈ విషయాలు గుర్తించుకోండి..</h3>
<p>జుట్టుకు నూనె రాయడం వల్ల అది మృదువుగా మారి, పొడిబారడం తగ్గుతుంది. కానీ ఇది అన్ని రకాల జుట్టు రాలడాన్ని నయం చేయదు. అవసరమైనప్పుడు కొబ్బరి నూనె లేదా ఇతర నూనెలను ఉపయోగించవచ్చు. నూనె రాసేటప్పుడు మీ తలను గట్టిగా రుద్దకూడదు. అలాగే తలస్నానం చేసేప్పుడు మైల్డ్ షాంపూ, కండీషనర్ ఉపయోగించండి. తడి జుట్టును గట్టిగా రుద్దడం లేదా లాగితే ఊడిపోతుంది. హెయిర్ డ్రైయర్‌లు, స్ట్రెయిట్‌నర్‌లు, కర్లింగ్ ఐరన్‌ల వాడకాన్ని తగ్గిస్తే మంచిది. </p>
<p><strong>Also Read : <a href="https://telugu.abplive.com/lifestyle/thinning-hair-and-excessive-hair-fall-causes-and-expert-tips-for-better-hair-density-257612" target="_blank" rel="noopener">జుట్టు రాలిపోతూ.. పలుచగా మారుతోందా? కారణాలు, హెయిర్ డెన్సిటీ పెంచుకునే చిట్కాలు ఇవే</a></strong></p>
<h3>జుట్టు వేసుకునే విధానం..</h3>
<p>మీ జుట్టును గట్టిగా ఎప్పుడు కట్టకూడదు. గట్టి పోనీటెయిల్స్, బన్స్ లేదా గట్టిగా అల్లిన జడలు జుట్టు కుదుళ్లపై ఒత్తిడిని కలిగిస్తాయి. ఇలా ఎక్కువ కాలం చేస్తే.. జుట్టు రాలిపోతుంది. అందుకే మీ జుట్టును వదులుగా కట్టుకోవడం, హెయిర్‌స్టైల్‌ను తరచుగా మార్చుకోవడం మంచిది. జుట్టు ఎక్కువ రాలడం, నెత్తిపై ఖాళీలు ఏర్పడటం, హెయిర్ లైన్ వెనక్కి తగ్గడం వంటివి గమనిస్తే ఇంటి చిట్కాలపై ఆధారపడకుండా వైద్య సహాయం తీసుకోవాలి. </p>
<p>జుట్టు రాలడానికి అనేక కారణాలు ఉంటాయని తెలుసుకోవాలి. కాబట్టి అసలు కారణం గుర్తించి.. తగిన జాగ్రత్తలు తీసుకోవడం మంచిది. చర్మవ్యాధి నిపుణుడు టెస్ట్ల ద్వారా విటమిన్ లేదా ఖనిజ లోపాలు, హార్మోన్ల సమస్యలు లేదా ఇతర కారకాలను చెప్తారు. దానికి తగ్గట్లు వారు ఇచ్చే సూచనలు ఫాలో అవుతూ డైట్, హెయిర్ కేర్, నిద్రపై ఫోకస్ పెట్టాలి. అప్పుడే మంచి ఫలితాలు చూడగలుగుతారు.</p>
<p><strong>Also Read : <a href="https://telugu.abplive.com/lifestyle/want-stronger-thicker-hair-add-these-biotin-rich-foods-to-your-diet-257083" target="_blank" rel="noopener">జుట్టు బలంగా, ఒత్తుగా పెరగాలంటే ఇవి తినండి.. బయోటిన్‌ రిచ్ ఫుడ్స్ లిస్ట్</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/lifestyle/8-tips-to-try-for-longer-thicker-and-healthier-hair-259059" width="631" height="381" scrolling="no"></iframe></p>
<p><strong>గమనిక :</strong> ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.</p>
4 weeks ago
2 
