<p>H-1B Visa Changes: వీసా మోసాలను అరికట్టేందుకు రానున్న రోజుల్లో హెచ్-1బి వీసా జారీలో భారీ మార్పులు చేయనున్నట్లు ట్రంప్ ప్రభుత్వం తెలిపింది. విదేశీ కార్మికులు అక్రమంగా దేశంలో ప్రవేశిస్తున్నారన్న ఆరోపణలపై దర్యాప్తులను ముమ్మరం చేసింది. వచ్చే ఏడాదిలో హెచ్-1బి వీసా జారీలో సమూల మార్పులు జరగొచ్చని కార్మిక శాఖ ఇన్‌స్పెక్టర్ జనరల్ ఆంథోనీ డి ఎస్పోసిటో స్పష్టం చేశారు.</p>
<h3>365 రోజుల్లో సమూల మార్పులు </h3>
<p>ఓ ఇంటర్వ్యూలో డి ఎస్పోసిటో మాట్లాడుతూ, "విదేశీ కార్మిక వీసా ప్రక్రియ 365 రోజుల తర్వాత చాలా భిన్నంగా కనిపించబోతోంది" అని పేర్కొన్నారు. విదేశీ కార్మికులపై వస్తున్న ఆరోపణలు, కార్మికుల శ్ర దోపిడీ, మానవ అక్రమ రవాణాపై కార్మిక శాఖ ఇన్‌స్పెక్టర్ జనరల్ కార్యాలయం దేశవ్యాప్తంగా దర్యాప్తును ముమ్మరం చేసిన సమయంలో ఆయన వ్యాఖ్యలు ప్రాధాన్యత సంతరించుకున్నాయి. అమెరికా విదేశీ కార్మిక వ్యవస్థలో వాస్తవంగా ఏం జరుగుతుందో ప్రజలకు చూపించడానికి ప్రభుత్వం కృషి చేస్తోందని, ఇది కేవలం కాగితాల లెక్కల సమస్య కాదని ఆయన తేల్చిచెప్పారు. ఈ దర్యాప్తు కోసం నిధులు కూడా కేటాయించినట్లు తెలిపారు.<br /><br />Also Read:<a title="ఇరాన్ కాల్పుల విరమణకు ట్రంప్ నో.. నవంబర్ తర్వాత మళ్లీ దాడులు!" href="https://telugu.abplive.com/news/world/trump-rejects-iran-ceasefire-proposal-expects-bombing-to-resume-after-us-midterms-259994" target="_self">ఇరాన్ కాల్పుల విరమణకు ట్రంప్ నో.. నవంబర్ తర్వాత మళ్లీ దాడులు!</a></p>
<h3>రంగంలోకి దిగిన లేబర్ డిపార్ట్మెంట్</h3>
<p>లేబర్ OIG ఇప్పటికే కఠిన చర్యలు ప్రారంభించింది. సెప్టెంబర్ 18న విడుదల చేసిన ప్రకటన మేరకు.. దర్యాప్తులో భాగంగా పలువురికి సెర్చ్ వారెంట్లను జారీ చేసింది. క్రిమినల్ దర్యాప్తు పూర్తయ్యే వరకు కాగ్నిజెంట్, క్లౌడెరా సంస్థలకు సంబంధించిన వీసా దరఖాస్తులను కూడా నిలిపివేసినట్లు ఆ శాఖ వెల్లడించింది.<br /><br />Also Read: <a title="PoK, లాడెన్, తీవ్రవాదం.. కాశ్మీర్ పేరు ఎత్తగానే పాక్‌ ప్రధానికి గట్టిగా బుద్ధిచెప్పిన భారత్" href="https://telugu.abplive.com/news/india/pok-laden-and-terrorism-india-hits-back-hard-at-unga-after-shehbaz-sharif-raises-kashmir-259989" target="_self">PoK, లాడెన్, తీవ్రవాదం.. కాశ్మీర్ పేరు ఎత్తగానే పాక్‌ ప్రధానికి గట్టిగా బుద్ధిచెప్పిన భారత్</a></p>
<h3>వైట్ హౌస్ కఠిన నిర్ణయాలు</h3>
<p>హెచ్-1బి వీసాలపై పర్యవేక్షణ మరింత కఠినతరం చేయాలని వైట్ హౌస్ భావిస్తుంది. సెప్టెంబర్ 18న జారీ చేసిన అధికారిక ఉత్తర్వుల మేరకు.. H-1B దరఖాస్తులను సమీక్షించేటప్పుడు, యజమానులు స్థానిక అమెరికా కార్మికులను తొలగించే చర్యలు చేపట్టారా? లేదా? అని పరిశీలించాలని కార్మిక, హోంల్యాండ్ సెక్యూరిటీ, విదేశాంగ శాఖలను ఆదేశించింది. అంతేకాకుండా, H-1B కార్మికుల ఎంట్రీపై పరిమితిని సెప్టెంబర్ 21, 2027 వరకు పొడిగించింది. కొన్ని మినహాయింపులకు లోబడి, అమెరికా బయట ఉన్న కార్మికుల కోసం దాఖలు చేసే పిటిషన్లకు సాధారణంగా 100,000 డాలర్లు చెల్లించాల్సి ఉంటుంది. ఈ నిబంధనల మేరకు అతిపెద్ద ఐటీ అవుట్‌సోర్సింగ్ సంస్థల నుంచి H-1B రిజిస్ట్రేషన్లలో 92 శాతం తగ్గుదల కనిపించిందని వైట్ హౌస్ నివేదికలు తెలిపాయి.</p>
<p>హెచ్-1బి కార్యక్రమాన్ని పూర్తిగా రద్దు చేస్తున్నట్లు డి ఎస్పోసిటో ప్రకటించనప్పటికీ, రాబోయే కాలంలో కంపెనీలపై జరిగే దర్యాప్తులు, కఠినమైన విధానాలు వీసా దారులపై తీవ్ర ప్రభావం చూపే అవకాశం ఉందని ఈ పరిణామాలు స్పష్టం చేస్తున్నాయి.</p>
<p>Also Read: <a title="ద్రవ్యోల్బణం, మార్కెట్ లేదా సరిహద్దు..అక్టోబర్ 9 తర్వాత భారతదేశంలో ఏం మారబోతోంది?" href="https://telugu.abplive.com/astro/mars-transit-2026-india-kundli-october-impact-government-decisions-prediction-259609" target="_self">ద్రవ్యోల్బణం, మార్కెట్ లేదా సరిహద్దు..అక్టోబర్ 9 తర్వాత భారతదేశంలో ఏం మారబోతోంది?</a></p>
1 month ago
2 
