<p><strong>Gunde Ninda Gudi Gantalu:</strong> స్టార్‌మా ఛానెల్‌లో అత్యంత ప్రేక్షక ఆదరణతో దూసుకుపోతున్న గుండెనిండా గుడిగంటలు సీరియల్‌ ఈరోజు ట్విస్టులపై ట్విస్టులతో సాగుతుంది.బాలు,మీనాపై కక్షతీర్చుకునేందుకు తాయర్‌ శోభనతో కలిసి కుట్రపన్నుతుంది. పద్మవతి వడ్డీ వ్యాపారి వద్ద ఇల్లు తాకట్టుపెట్టి డబ్బులు తీసుకుందని శోభనకు చెబుతుంది.ఆ డబ్బులు శోభనతో కట్టించి ఇల్లు తాకట్టు తన పేరిటకు మార్చుకుంటుంది. ఇక వాళ్లను ఇంట్లో నుంచి రోడ్డుమీదకు లాగుతానని శపథం చేస్తుంది. మరోవైపు మీనా అమ్మవారి నవరాత్రుల సందర్భంగా రోజుకొకరకం ప్రసాదాలు సిద్ధం చేసి నైవేద్యం పెడుతుంది.<br /><strong>తాయర్ కుట్రలు</strong><br /> బాలు కుటుంబంపై పగతీర్చుకునేందుకు తహతహలాడిపోతున్న మంగతాయార్‌..శోభనను అడ్డుపెట్టుకుని వాళ్లను రోడ్డుమీదకు లాగాలని ఎత్తు వేస్తుంది. వడ్డీ వ్యాపారిని తీసుకుని శోభన ఇంటికి వెళ్తుంది. ఎవరు ఇతనని అడగితే ఇతను ఈ ఏరియాలోనే పెద్ద వడ్డీవ్యాపారి అని తాయరు చెబుతుంది. ఇతనితో మనకు పనేంటని అడగ్గా...బాలువాళ్ల అమ్మ ఇతని వద్దే ఇంటి పేపర్లు తాకట్టు పెట్టి డబ్బులు తీసుకుందని అంటుంది.అసలు,వడ్డీ కలిపి అది రూ.50లక్షలకు చేరిందని అంటుంది.ఇప్పుడు ఆ డబ్బులు మనం కట్టి ఆ ఇంటి పేపర్లు మనం తీసుకున్నట్లయితే...మిమ్మల్ని ఏ ఇంటిలో అయితే అవమానించారో అదే ఇల్లు మనం సొంతం చేసుకుని వాళ్లని రోడ్డుమీదకు లాగొచ్చని చెబుతుంది. నా కూతురు ఆ ఇంట్లో ఉందని...ఈవిషయం తనకు తెలిసిందంటే నన్ను జీవితంలో దగ్గరకు రానివ్వదని శోభన అంటుంది.అయితే ఇల్లు నా పేరిట రాయిద్దామని అప్పుడు నేను చక్రం తిప్పుతానని మీరు మాత్రం వెనక ఉండి ఎంజాయ్ చేస్తుండండని అంటుంది. కాకపోతే ఇప్పటికిప్పుడు నా దగ్గర అంత డబ్బులేదని చెప్పడంతో శోభన ఇంట్లోకి వెళ్లి రూ.50లక్షలు తీసుకుని వచ్చి ఇస్తుంది.దీంతో తాకట్టు వ్యాపారి ఆ ఇంటి పత్రాలు తాయార్ చేతిలో పెట్టి వెళ్లిపోతాడు. ఏం చూసుకున ఆ బాలు,మీనా పొగరుగా మాట్లాడుతారో చూస్తానని తాయార్‌ అంటుంది.ఇక ఆ మీనాని రోడ్డుమీదకు లాగడం ఖాయమని చెబుతుంది.<br /><strong>నవరాత్రుల ప్రసాదాలు</strong><br /> దేవీ శరన్నవరాత్రులు జరుగుతుండటంతో మీనా రెండోరోజు ప్రసాదాలు తయారు చేస్తుంటుంది.శృతి అక్కడికి వచ్చి ఈరోజు స్పెషల్ ఏంటని అడుగుతుంది. దీంతో మీనా ఆరోజు అలంకారం ఏంటో...దాని విశిష్టత ఏంటో తెలియజేస్తుంది.అమ్మవారికి ఏం ప్రసాదం నివేదించాలో,ఎలాంటి బట్టలు కట్టుకుని గుడికి వెళ్లాలో చెబుతుంది. దీంతో శృతి సరేనని వెళ్లిపోతుంది. కాసేపటికి పద్మావతి వచ్చి నా తెల్లచీర కనిపించడం లేదని గగ్గోలు పెట్టగా...నేనే దండెంమీద ఆరేశానని శృతి చెబుతుంది.ఇస్త్రీ చేసిన చీర ఎందుకు ఆరేశావని అడిగితే ఇవాళ బ్లూ కలర్‌ చీర కట్టుకోవాలని మీనా చె‌ప్పిందని...నాకు ఆ రంగు చీర లేకపోవడంతో నీ తెల్ల చీర రంగులో ముంచి ఆరేశానని చెప్పడంతో పద్మావతి నోరు వెళ్లబెడుతుంది.అలాగే కట్టె పొంగలి చేయాలి సాయం చేయమని శృతి, రోహిణికి మీనా చెప్పగా...వాళ్లిద్దరూ బయటకు వెళ్లి కట్టెలు తీసుకుని వస్తారు. ఇవి ఎందుకు అని అడిగితే నువ్వే కదా కట్టె పొంగలి చేద్దామని అన్నావు అని అంటారు. కట్టె పొంగలి అంటే కట్టెలతో చేయరని మీనా చెప్పగా....అయితే కట్టెలపొయ్యి మీద చేస్తారనుకుంటా అని రోహిణి చెబుతుంది. అలాగే అమ్మవారికి ఇష్టమైన ముగ్గులు వేస్తుండగా శృతి,రోహిణి వచ్చి ఎందుకని అడుగుతారు.దీంతో ముగ్గుకు ఉన్న గొప్పతనం గురించి, ఆ ముగ్గుఅంటే అమ్మవారికి ఎంతిష్టమో చెప్పి ఎవరూ తొక్కకుండా చూసుకోమని శృతికి చెబుతుంది.ముగ్గుచూసుకోకుండా తొక్కడానికి ప్రయత్నించిన రవిని కుర్చీకి కట్టి పడేస్తుంది. దేవీ నవరాత్రులు ముగింపు దశకు చేరుకోగా..చివరిరోజు అందరం కలిసి గుడిమండపంలో నిద్రపోవాలని మీనా ఇంట్లో వాళ్లకు చెబుతుంది.</p>
1 day ago
2 
