<p><strong>Gunde Ninda Gudi Gantalu:</strong> స్టార్‌మా ఛానెల్‌లో అత్యంత ప్రేక్షక ఆదరణతో దూసుకుపోతున్న గుండెనిండా గుడిగంటలు సీరియల్‌ ఈరోజు ట్విస్టులపై ట్విస్టులతో సాగుతుంది. చింతామణి, మేనేజర్ కలిసి చేసిన మోసాన్ని సాక్ష్యాధారాలతో నిరూపించిన బాలు...మీనాకు మిగిలిన 9లక్షల డబ్బులు ఇప్పిస్తాడు. ఆతర్వాత అందరూ కలిసి ఇంట్లో బిర్యానీ పండుగ చేసుకోవడంతో ప్రభావతి కడుపు మండిపోతుంది.వెళ్లి చింతామణికి చీవాట్లు పెడుతుంది. మీనా బాకీ డబ్బులు ఎవరివి వారికి ఇచ్చేస్తుంది.<br /><strong>బయటపడిన చింతామణి గుట్టు</strong><br /> చింతామణి, మేనేజర్‌ గుడికి రప్పించిన బాలు...వారికి తెలియకుండానే కల్యాణమండపం ఓనర్‌ను కూడా అక్కడికే రప్పిస్తాడు. చింతామణి, మేనేజర్ మాట్లాడుకుంటున్న మాటలు రికార్డు చేయడమేగాక... కల్యాణమండపం ఓనర్‌కు వాళ్ల మేనేజర్‌ చేస్తున్న కుట్రలు నేరుగా చూపిస్తాడు. దీంతో ఆయన మేనేజర్‌ను చెడామడా తిట్టి ఉద్యోగంలో నుంచి పీకేస్తాడు. పారిపోతున్న చింతామణిని బాలు, శృతి అడ్డగించి గట్టిగా బుద్ధి చెబుతారు. శృతి చింతామణిని రెండు పీకుతుంది. ఇంకోసారి ఇలాంటి పిచ్చిపిచ్చి వేషాలు వేస్తే...ఈ వీడియో పోలీసులకు ఇచ్చి జైలులో పెట్టిస్తానని బాలు హెచ్చరిస్తాడు. అలాగే తమ అసోసియేషన్‌లో ఈవిషయం చెప్పి...మీనా తప్పు ఏంలేదని అందరూ ఆమెకే ఆర్డర్లు ఇవ్వాలని చెబుతానని కల్యాణమండపం ఓనర్‌ చెబుతాడు. అలాగే తమ కల్యాణమండపంలో వచ్చే ప్రతి డెకరేషన్‌ ఆర్డర్‌ మీనాకే ఇస్తానని హామీ ఇవ్వడంతో అందరూ సంతోషిస్తారు. రూ.9లక్షల నగదు చేతికి రావడంతో మీనా చాలా ఆనందపడుతుంది. ఈ డబ్బుల్లో ఎవరి బాకీలు వారికి ఇస్తేనే నా మనసు కుదుటపడుతుందని అంటుంది. ఈ శభసందర్భంలో పార్టీ లేదా పుష్పా అని శృతి అడగ్గా...అందరికీ బిర్యానీలు ఇంటికి తీసుకురమ్మని బాలు డబ్బులిచ్చి రవి, శృతిని అక్కడ నుంచి పంపించేస్తారు.<br /><strong>మీనా బిర్యానీ పార్టీ</strong><br /> అందరూ కలిసి ఇంటికి రాగా.....వంట చేయకుండా అందరూ ఎక్కడికి వెళ్లారని ప్రభావతి అరుస్తుంది.ఈరోజు ఇంట్లో వంట చేయడం లేదని, బిర్యానీ పార్టీ ఇస్తున్నామని చెబుతారు. మీనా పదిలక్షల రూపాయల ఆర్డర్‌ విజయవంతంగా పూర్తిచేసిన సందర్భంగా పార్టీ ఇస్తున్నామని బాలు ప్రకటిస్తాడు. అదేంటి మీనా ఆర్డర్‌ పూర్తి చేసిందా అని ప్రభావతి నోరు వెళ్లబెడుతుంది. దీంతో బాలు నీకు ఎవరైనా చేయదని చెప్పరా అని అడుగుతాడు.నాకు ఎవరు చెబుతారు అని నాలుకకరుచుకుంటుంది. మీనాకు జరిగిన మోసం, దాన్ని తెలివిగా ఎలా బయటపెట్టి ఆమెకు డబ్బులు ఇప్పించింది అంతా బాలు వాళ్ల నాన్నకు చెబుతాడు. మొదటిసారి ఎలాంటి గొడవ చేయకుండా బాలు ఈ కార్యం పూర్తి చేయడంతో సత్యం కూడా మెచ్చుకుంటాడు. అలాగే ఇంత పెద్ద సమస్య వస్తే ఎవరికీ చెప్పకుండా నీలో నువ్వే బాధపడ్డావా అని మీనాను ప్రశ్నిస్తాడు. అందరూ బిర్యానీ తింటున్నా...ప్రభావతి మాత్రం నాకు ఆకలిగా లేదంటూ లోపలికి వెళ్లిపోతుంది. తెల్లారిని తర్వాత డ్యాన్స్‌ క్లాసులకు వచ్చిన చింతామణికి చీవాట్లు పెడుతుంది.నేను నా కోడలు డెకరేషన్ మానేసి ఇంట్లో కూర్చోవాలని కోరుకున్నానే తప్ప...దాన్ని పదిలక్షల ముంచేయమని చెప్పలేదని కోప్పడుతుంది. ఇంకోసారి ఇలాంటి పిచ్చిపిచ్చి పనులు చేయవద్దని హెచ్చరిస్తుంది.<br /><strong>బాకీ డబ్బులు తీర్చేసిన మీనా</strong><br /> పైనాన్షియర్‌ దగ్గరకు డబ్బులు తీసుకుని వెళ్లిన మీనా ఆయనకు లేట్‌ అయినందుకు క్షమాపణలు చెప్పి డబ్బులు ఇచ్చేస్తుంది. ఎందుకు ఆలస్యమైందని అడగ్గా...చింతామణి చేసిన మోసం గురించి చెబుతుంది. వ్యాపారంలో ఇలాంటి ఒడిదొడుకులు సహజమని ధైర్యంగా ముందుకు వెళ్లమని చెబుతాడు. నీకు ఎలాంటి పెద్ద ఆర్డర్‌ వచ్చినా ఒప్పుకోమని....తాను ఎంత కావాలంటే అంత డబ్బులు సాయం చేస్తానని మాటిస్తాడు.</p>
3 months ago
8 
