<p>Young woman and her boyfriend killed her father: గుజరాత్‌లో తన ప్రేమ వ్యవహారాన్ని వ్యతిరేకించాడన్న కోపంతో, ఒక యువతి కన్న తండ్రిని అత్యంత కిరాతకంగా అంతమొందించిన ఘటన లకలం సృష్టించింది. తన ప్రియుడితో కలిసి పథకం ప్రకారం తండ్రికి మత్తు మందు ఇచ్చి, ఆపై కళ్ళముందే అతడిని హత్య చేయించిన ఈ ఉదంతం మానవ సంబంధాలకే మాయని మచ్చగా నిలిచింది.</p>
<p><strong>కూతురు ప్రేమను వ్యతిరేకించిన తండ్రి</strong></p>
<p>పోలీసుల కథనం ప్రకారం.. గుజరాత్‌కు చెందిన బాధిత తండ్రి తన కుమార్తె ప్రేమ వ్యవహారాన్ని తీవ్రంగా వ్యతిరేకించాడు. దీంతో అతడిని వదిలించుకోవాలని నిర్ణయించుకున్న ఆ యువతి, తన ప్రియుడితో కలిసి ఈ దారుణానికి ఒడిగట్టింది. ముందుగా తండ్రి తాగే ఆహారంలో మత్తుమందు కలిపి ఇచ్చింది. ఆయన స్పృహ కోల్పోయిన తర్వాత, ఆమె తన ప్రియుడిని ఇంటికి పిలిపించుకుంది.</p>
<p><strong>ఆహారంలో మత్తు మందు కలిపి మత్తులోకి జారుకున్నాక హత్య </strong><br /> <br />తండ్రి మత్తులో ఉండి ఏమీ చేయలేని స్థితిలో ఉండగా, ప్రియుడు ఆయనపై దాడి చేసి అత్యంత దారుణంగా హత్య చేశాడు. ఈ ఘోరం జరుగుతున్నంత సేపు ఆ యువతి ఏమాత్రం చలించకుండా అక్కడే ఉండి, తన తండ్రి ప్రాణాలు పోతుంటే మూగసాక్షిగా చూడటమే కాకుండా ప్రియుడికి సహకరించడం గమనార్హం. హత్య జరిగిన అనంతరం ఎవరికీ అనుమానం రాకుండా ఉండేందుకు సహజ మరణంగా చిత్రీకరించే ప్రయత్నం చేశారు. </p>
<p><strong>పోలీసుల దర్యాప్తులోకి అసలు విషయం వెలుగులోకి </strong><br /> <br />స్థానికుల సమాచారంతో రంగంలోకి దిగిన పోలీసులు, మృతదేహాన్ని పరిశీలించి అనుమానాస్పద మృతిగా కేసు నమోదు చేశారు. పోస్టుమార్టం నివేదికలో గొంతు నులిమి చంపినట్లు లేదా ఇతర గాయాలు ఉండటంతో పోలీసుల దృష్టి కుమార్తెపై మళ్ళింది. ఆమెను తమదైన శైలిలో విచారించగా, అసలు విషయం బయటపడింది. ప్రియుడితో కలిసి చేసిన ఈ కుట్రను ఆమె అంగీకరించడంతో, పోలీసులు ఇద్దరినీ అరెస్ట్ చేసి జైలుకు తరలించారు. </p>
<p> </p>
<p><iframe class="vidfyVideo" style="border: 0px;" src="https://telugu.abplive.com/web-stories/news/bharat-taxi-as-an-alternative-to-ola-and-uber-thats-super-231552" width="631" height="381" scrolling="no"></iframe></p>
3 months ago
10 
