<p><strong>TVS Ronin Review 2025:</strong> టీవీఎస్‌ రోనిన్‌ మన మార్కెట్‌లో అడుగు పెట్టి మూడు సంవత్సరాలు పూర్తయింది. మొదటి రోజు నుంచి ఈ బైక్‌ డిజైన్‌, ఫీల్‌ వంటివి TVS లైనప్‌లోని మిగతా మోడళ్లతో పోలిస్తే పూర్తిగా భిన్నంగా ఉంటాయి. క్రూయిజర్, స్క్రాంబ్లర్, రోడ్‌స్టర్ - ఈ మూడింటి స్టైల్‌ల కలయికగా Ronin ను డిజైన్‌ చేశారు. GST 2.0 అమల్లోకి వచ్చిన తర్వాత రోనిన్ ధరలు భారీగా తగ్గాయి, ఫెస్టివ్‌ సీజన్‌లో మంచి సేల్స్ జరిగాయి. ఈ బండిని కొనాలని ఆలోచిస్తున్నవారు కోసం తెలుసుకోవాల్సిన 8 ముఖ్యమైన పాయింట్లు ఇక్కడ ఉన్నాయి.</p>
<p><strong>1. ఇంజిన్ పవర్ ఎంత?</strong></p>
<p>TVS Roninలో 225cc సింగిల్ సిలిండర్ ఆయిల్ కూల్డ్ ఇంజిన్ వస్తుంది. ఇది 20.4hp పవర్, 19.9Nm టార్క్ ఇస్తుంది. 5-స్పీడ్ గేర్‌బాక్స్‌తో ఈ బైక్‌ని తయారు చేశారు. ఈ పవర్.. సిటీ రైడింగ్‌కి, రోజువారీ కమ్యూటింగ్‌కి చక్కగా సరిపోతాయి. రెస్పాన్స్ స్మూత్‌గా ఉండటం రోనిన్ ప్రత్యేకత.</p>
<p><strong>2. బరువు & సీట్ హైట్ ఎలా ఉంటాయి?</strong></p>
<p>Ronin కెర్బ్‌ వెయిట్ 160kg, అంటే హ్యాండ్లింగ్‌ ఈజీగా ఉంటుంది. సీట్ హైట్ 795mm, అంటే తక్కువ హైట్ ఉన్న రైడర్లు కూడా ఈ బండిని సులభంగా మేనేజ్ చేయగలిగే విధంగా డిజైన్ చేశారు. రోజువారీ సిట్టింగులో లేదా ట్రాఫిక్‌లో రైడ్ చేయడానికి ఇది ఓ మంచి అడ్వాంటేజ్.</p>
<p><strong>3. స్లిప్ అండ్ అసిస్ట్ క్లచ్ ఉందా?</strong></p>
<p>ఉంది. TVS Roninలో స్లిప్ అండ్ అసిస్ట్ క్లచ్ స్టాండర్డ్‌గా వస్తుంది. దీంతో క్లచ్ ఆపరేషన్ చాలా లైట్‌గా ఉంటుంది, అలాగే హార్డ్ డౌన్‌షిఫ్ట్ చేసినప్పుడు రియర్ వీల్ లాక్ అయ్యే అవకాశం తగ్గుతుంది. అదనంగా అడ్జస్టబుల్ లీవర్స్ కూడా అందిస్తున్నారు.</p>
<p><strong>4. ABS మోడ్‌లు / పవర్ మోడ్‌లు ఉంటాయా?</strong></p>
<p>Roninలో రెండు ABS మోడ్‌లు - రెయిన్‌ & అర్బన్‌ మాత్రమే ఉన్నాయి. పవర్ మోడ్‌ మాత్రం లేదు. రెయిన్‌ మోడ్‌లో బ్రేకింగ్ చాలా పర్‌ఫెక్ట్‌గా ఉంటుంది, అర్బన్‌ మోడ్‌లో సాధారణ పరిస్థితుల్లో మంచి కంట్రోల్ ఇస్తుంది.</p>
<p><strong>5. బ్లూటూత్ కనెక్టివిటీతో LCD డిస్‌ప్లే ఉందా?</strong></p>
<p>ఉంది. TVS Roninలో ఉన్న LCD డిస్‌ప్లే బ్లూటూత్-ఎనేబుల్డ్‌. ఇందులో కాల్ అలర్ట్స్, నావిగేషన్ అసిస్టెన్స్, మెసేజ్ నోటిఫికేషన్స్, రైడ్ స్టాటిస్టిక్స్ వంటి అనేక ఫీచర్లు అందుబాటులో ఉంటాయి. సులభమైన ఇంటర్‌ఫేస్ రోనిన్‌కి ఒక మంచి ప్లస్ పాయింట్.</p>
<p><iframe class="vidfyVideo" style="border: 0px;" src="https://telugu.abplive.com/web-stories/auto/honda-sp-125-top-speed-of-bike-and-mileage-price-details-here-228580" width="631" height="381" scrolling="no"></iframe></p>
<p><strong>6. రోనిన్‌ రైవల్స్ ఎవరు?</strong></p>
<p>రోనిన్‌తో యువ రైడర్లు ఎక్కువగా పోల్చి చూస్తున్న రెండు బైక్‌లు... Royal Enfield Hunter 350 & Yamaha XSR 155. Hunter 350లో క్లాసిక్ రెట్రో వైబ్ ఉంటుంది. XSR 155లో స్పోర్టీ నియో రెట్రో స్టైల్ ఉంటుంది. Ronin మాత్రం ఈ మూడింటి మిక్స్ ఉన్న ప్రత్యేక ఆకర్షణ.</p>
<p><strong>7. Ronin ఏ రంగుల్లో లభిస్తుంది?</strong></p>
<p>TVS Ronin మొత్తం 6 రంగుల్లో వస్తుంది, అవి: బ్లాక్, రెడ్, సిల్వర్, అంబర్, గ్రే, బ్లూ. ఇవి మూడు వేరియంట్‌ల్లో అందుబాటులో ఉంటాయి, బేస్ నుంచి టాప్ వరకు కలర్ ఆప్షన్‌లను విభజించారు.</p>
<p><strong>8. GST 2.0 తర్వాత Ronin ధరలు ఎంత?</strong></p>
<p>GST 2.0 అమల్లోకి వచ్చిన తర్వాత Ronin ధరలు భారీగా తగ్గాయి. ఇప్పుడు కొత్త ధరలు ఇలా ఉన్నాయి... ₹1.25 లక్ష – ₹1.59 లక్ష (ఎక్స్‌షోరూమ్). GST 2.0 తగ్గింపు ₹11,220 నుంచి ₹14,330 వరకు ఉంటుంది. వాల్యూ కోసం చూస్తున్న వారికి ఇది చాలా పెద్ద బెనిఫిట్.</p>
<p><em><strong>ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.</strong></em></p>
<p><em><strong><iframe class="vidfyVideo" style="border: 0px;" src="https://telugu.abplive.com/web-stories/auto/what-is-price-of-tata-sierra-that-has-6-airbags-know-more-in-telugu-228746" width="631" height="381" scrolling="no"></iframe></strong></em></p>
1 week ago
1 
