<p><strong>Gopichan Birthday Special Movie Career Interesting Facts : </strong>గోపీచంద్... పరిచయం అక్కర్లేని పేరు. హీరోగా, విలన్‌గా ఎన్నో డిఫరెంట్ మూవీస్‌లో పవర్ ఫుల్ యాక్షన్, సూపర్ డైలాగ్ డెలివరీతో టాలీవుడ్‌లో ఫుల్ క్రేజ్ సంపాదించుకున్నారు. శుక్రవారం ఆయన బర్త్ డే సందర్భంగా ఆయన సినీ కెరీర్‌లో ఇంట్రెస్టింగ్ విషయాలు ఏంటో ఓసారి చూస్తే...</p>
<p><strong>తండ్రి వారసత్వం</strong></p>
<p>హీరో గోపీచంద్ పూర్తి పేరు తొట్టెంపూడి గోపీచంద్. ప్రముఖ డైరెక్టర్ టి.కృష్ణ కుమారుడు. ప్రకాశం జిల్లా టంగుటూరు దగ్గర్లోని కాకుటూరువారి పాలెంలో 1975 జూన్ 12న జన్మించారు. బాల్యమంతా ఒంగోలు, హైదరాబాద్‌లోనే గడిచింది. చదువు పూర్తైన తర్వాత బిజినెస్‌లోకి అడుగు పెట్టాలనుకున్న గోపీచంద్ అనుకోకుండా సినిమా రంగంవైపు అడుగులేశారు. గోపీచంద్ అన్న ప్రేమ్ చంద్ కూడా డైరెక్టర్‌గా ఇండస్ట్రీకి పరిచయం అయ్యారు. </p>
<p>ఒకటి రెండు సినిమాలకు దర్శకత్వం వహించిన ప్రేమ్ చంద్ యాక్సిడెంట్‌లో కన్నుమూశారు. తన కుటుంబం నుంచి ఇండస్ట్రీలో ఒకరైనా ఉండాలన్న తండ్రి కోరిక మేరకు గోపీచంద్ ఇండస్ట్రీ వైపు అడుగులేశారట. తండ్రి స్నేహితులైన నాగేశ్వరరావు, తిరుపతిరావు, హనుమంతరావు కలిసి ముత్యాల సుబ్బయ్య దర్శకత్వంలో గోపీచంద్ హీరోగా 'తొలివలపు' సినిమాతో హీరోగా ఎంట్రీ ఇచ్చారు. అయితే, ఇది అంతగా గుర్తింపు ఇవ్వలేకపోయింది.</p>
<p><strong>విలన్‌ To హీరో</strong></p>
<p>ఆ తర్వాత స్టార్ డైరెక్టర్‌ తేజ దర్శకత్వంలో జయం సినిమాలో విలన్‌గా నటించారు గోపీచంద్. పవర్ ఫుల్ యాక్షన్, డైలాగ్స్‌తో విలనిజానికి కొత్త ట్రెండ్ తీసుకొచ్చారు. ఆ తర్వాత ప్రభాస్ వర్షం సినిమాలోనూ విలన్‌గా మంచి గుర్తింపు తెచ్చుకున్నారు. కెరీర్ పరంగా గోపీచంద్‌కు బ్రేక్ ఇచ్చిన మూవీ అంటే 'యజ్ఞం'. రవి కుమార్ రెడ్డి దర్శకత్వంలో వచ్చిన ఈ మూవీలో హీరోగా ఫస్ట్ బిగ్ సక్సెస్ అందుకున్నారు. ఆ తర్వాత రణం, శౌర్యం, గోలీమార్, సాహసం, లౌక్యం, ఆక్సిజన్, ఆరడుగుల బుల్లెట్, చాణక్య, పంతం, భీమా, విశ్వం వంటి మూవీస్‌లో నటించారు.</p>
<p><strong>Also Read : <a title="Friday OTT Releases : వీరభద్రుడు To బోల్డ్ సిరీస్ ష్ - ఓటీటీల్లో శుక్రవారం ఒక్క రోజే 21 సినిమాలు" href="https://telugu.abplive.com/entertainment/ott-webseries/this-week-friday-ott-streaming-karuppu-dridam-bhooth-bangla-sshhh-raakh-available-to-watch-on-aha-amazon-prime-video-netflix-jio-hotstar-250245" target="_self">Friday OTT Releases : వీరభద్రుడు To బోల్డ్ సిరీస్ ష్ - ఓటీటీల్లో శుక్రవారం ఒక్క రోజే 21 సినిమాలు</a></strong></p>
<p><strong>మ్యాచో స్టార్</strong></p>
<p>మూవీస్‌లో తన యాక్షన్‌తో మ్యాచో స్టార్‌గా గుర్తింపు తెచ్చుకున్నారు గోపీచంద్. ఆయన కెరీర్‌లో యజ్ఞం, రణం, శౌర్యం, గోలీమార్, సాహసం, లౌక్యం వంటి మూవీస్ బ్లాక్ బస్టర్స్ అందుకున్నాయి. గత కొంతకాలంగా గోపీచంద్ ఖాతాలో సరైన హిట్ పడలేదు. ప్రస్తుతం ఘాజీ ఫేం సంకల్ప్ రెడ్డి దర్శకత్వంలో భారీ యాక్షన్ ఎంటర్టైనర్ 'భరతవర్ష'తో రాబోతున్నారు.</p>
<p>ఇప్పటికే రిలీజైన టైటిల్ గ్లింప్స్ వేరే లెవల్‌లో ఉంది. హిస్టారికల్ నేపథ్యంలో 7వ శతాబ్దం నాటి యదార్థ సంఘటన ఆధారంగా మూవీ తెరకెక్కుతోంది. ఆయన కెరీర్‌లో ఇది 33వ సినిమా కాగా... హయ్యెస్ట్ బడ్జెట్ మూవీ కూడా. శ్రీనివాస సిల్వర్ స్క్రీన్ బ్యానర్‌పై శ్రీనివాస చిట్టూరి నిర్మిస్తున్నారు. త్వరలోనే రిలీజ్ డేట్ అనౌన్స్ చేయనున్నారు.</p>
<p><strong>Also Read : <a title="Vijay Deverakonda: విజయ్ దేవరకొండను నాగ్ అశ్విన్ వదల్లేదుగా... లేటెస్ట్ 'సింగ్ గీతం'లోనూ" href="https://telugu.abplive.com/entertainment/cinema/vijay-deverakonda-surprise-cameo-in-sing-geetham-becomes-talk-of-the-film-nag-ashwin-250240" target="_self">Vijay Deverakonda: విజయ్ దేవరకొండను నాగ్ అశ్విన్ వదల్లేదుగా... లేటెస్ట్ 'సింగ్ గీతం'లోనూ</a></strong></p>
<p><strong>NOTE :</strong> <a title="మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి." href="https://telugu.abplive.com/entertainment/cinema" target="_self">మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి.</a></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/nbk111-story-line-balakrishna-gopichand-malineni-new-movie-glimpse-decoded-250170" width="631" height="381" scrolling="no"></iframe></p>
<p> </p>
5 hours ago
1 
