<p><strong>Godavari Serial Today Episode</strong> | ఇటీవల ప్రారంభమై బుల్లితెర ప్రేక్షకులను విశేషంగా ఆకట్టుకున్న "గోదావరి" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(సెప్టెంబరు 28న) ప్రసారం కానున్న ఎపిసోడ్‌లో ఏం జరగనుంది.. ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.</p>
<p><strong>ఆ అమ్మాయిని వదిలేసి వచ్చాడు..</strong></p>
<p>జాను పెళ్లి చేసుకొని వచ్చినందుకు జానుని తమ ఇంటికి రావొద్దు అని శారద చెప్పి నీళ్లొదిలేస్తుంది. నా కూతురు ఈ రోజుతో చచ్చిపోయింది అని గేట్ వేసేసి అందర్నీ తీసుకొని లోపలికి వెళ్లిపోతుంది. జాను కుప్పకూలి ఏడుస్తుంది. ఇక శివుడు కోపంగా సంజయ్ దగ్గరకి వెళ్లి ఏం చేశావ్‌రా.. అని అడిగితే పెళ్లి చేసుకోమన్నారు చేసుకున్నా అని అంటాడు. ఏంట్రా ఆ సమాధానం.. పెళ్లి అంటే ఇదే.. పెళ్లి చేసుకొని వచ్చి ఆ అమ్మాయిని పెళ్లి బట్టల్లో అలా వదిలేశాడు అని శివుడు చాలా కోప్పడతాడు. వాళ్ల ఇంట్లో చెప్పకుండా మాకు ఒక్కటీ చెప్పకుండా ఇలా పెళ్లి చేసుకోవడం ఏంటి అని అంటాడు. పెళ్లి మా ఇద్దరికీ సంబంధించింది మా ఇద్దరికీ ఇష్టం ఉంది మేం పెళ్లి చేసుకున్నాం అని సంజు అంటాడు. వీడు ఎలా మాట్లాడుతున్నాడు చూడు అని శివుడు కోప్పడతాడు. </p>
<p><strong>ఇదేం పద్ధతిరా.. </strong></p>
<p>పెళ్లి చేసుకుంటే సరిపోదు.. నమ్మకం ఉండాలి.. పెళ్లి చేసుకున్న అమ్మాయిని అక్కడ వదిలేచి వచ్చావ్,.. తను అక్కడ ఏడుస్తుందిరా.. నిన్నటి వరకు ఇది నా ఇల్లు ఇప్పుడు మన ఇల్లు అని ధైర్యం చెప్పాలి కదా అంటాడు. పార్వతి రమణిని పంపి జానుని తీసుకురమ్మని చెప్తుంది. రమణి జానుని ఓదార్చి మీ అమ్మ స్థానంలో ఎవరు ఉన్నా ఇలాగే చేస్తారు. అసలు మీరు ఎప్పుడు కలిశారు.. ఎప్పుడు ప్రేమించుకున్నారు.. ఒక్క మాట అయినా మీ అమ్మకి చెప్పాలి కదా.. కనీసం మాకు చెప్పినా మేం ఒప్పించేవాళ్లం.. నువ్వు చేసిన దానికి మీ అమ్మకి నీ మీద కోపం కంటే మీ చెల్లెళ్లు పెళ్లి గురించే బాధ ఎక్కువ ఉంది.. అయింది ఏదో అయింది ధైర్యం తెచ్చుకో.. నువ్వు ఎంత ఎదురు చూసినా వాళ్లు బయటకు రారు రెండు రోజులు ఆగితే కోపం తగ్గుతుంది అని రమణి జానుని తీసుకెళ్తుంది. </p>
<p><strong>ఇంట్లో అడుగు పెట్టిన జాను, సంజు..</strong></p>
<p>సంజు ఫోన్ చూసుకొని రిలాక్స్‌డ్‌గా ఉండటం చూసి శివుడు, పార్వతి కోపంగా ఉంటారు. తర్వాత జానుని గుమ్మం బయటే ఉండమని చెప్తుంది. ఆ అమ్మాయి అందర్నీ వదిలేసి మన వాడితో వచ్చింది.. తనని ఒంటరిగా తీసుకురావడం నాకు ఇష్టం లేదు.. తనని మనం ఇంటి మహాలక్ష్మీలా చూసుకోవాలి అని రమణిని హారతి తీసుకురమ్మని చెప్పి సంజు మీద అరిచి మెడలో దండ వేసుకోమని ఇద్దరినీ గుమ్మం దగ్గర నిల్చొపెట్టి హారతి ఇచ్చి పేర్లు చెప్పుకోమని అంటుంది. సంజు చెప్పను అంటే కోప్పడి చెప్పమంటారు. దానికి సంజు జాహ్నవి అని అంటే జాను సంజయ్ అని చెప్తుంది. తర్వాత ఇద్దరూ కుడి కాలు లోపల పెట్టి వస్తారు. </p>
<p><strong>దీపం పెట్టేసిన జాను..</strong></p>
<p>బామ్మ ఇద్దరినీ దేవుడి దగ్గరకు తీసుకెళ్లి దండం పెట్టుకోమని చెప్పి దేవుడికి దీపం పెట్టమని జానుకి చెప్తుంది. ఈ రోజు నుంచి నవ్వు ఈ ఇంటి కోడలివి అమ్మా అని అంటుంది. తర్వాత జాను దీపం పెట్టగానే సంజయ్‌ ఆశీర్వాదం తీసుకోమని అంటారు. తర్వాత రమణి జానుని లోపలికి తీసుకెళ్తుంది. </p>
<p><strong>ఇక్కడి నుంచి వెళ్లిపోదాం.. </strong></p>
<p>శారద ఏడుస్తూ మనం మన ఊరు వెళ్లిపోదాం అని అంటుంది. అందరూ ఆపాలని చూస్తే అది ఇలా చేస్తుందని అనుకోలేదు అందరం వెళ్దాం పదండీ.. ఆయన పోయిన తర్వాత ఇంటిని చూసుకుంటా అని చెప్పింది.. ఇప్పుడు దాని బతుకు అది చూసుకుంది.. ఆయన బదులు అది చచ్చిపోయినా బాగున్ను మనం వెళ్లిపోదాం అని ఏడుస్తుంది. కిన్నెరకు ఇప్పుడే ఆపరేషన్ అయింది డాక్టర్‌కి చూపిస్తూ ఉండాలి అని ఒప్పించే ప్రయత్నం చేస్తారు. శారద మాత్రం ఒప్పుకోదు. కిన్నెర పరిస్థితి అర్థం చేసుకోండి మేం అంతా ఉన్నాం కదా అని మురళీ అంటాడు. </p>
<p><strong>మీరే ఆ పని చేయండి ప్లీజ్..</strong></p>
<p>జాను శివుడు పార్వతిల దగ్గరకు వెళ్లి నాకు చిన్న సాయం చేస్తారా అని అడుగుతుంది. నువ్వు ఇంటి కోడలివి అమ్మా సాయం అడగటం ఏంటి అని అంటారు. జరిగిన పెళ్లి గురించి మీరు బాధ పడితా.. పోనిలే అయింది మంచికే జరిగింది అని మీరు బాధ పడుతున్నారు. కానీ మా ఇంట్లో వాళ్లు నేను చేసిన తప్పునకు కుమిలిపోతున్నారు.. నా ముఖం చూడటానికి ఇష్టపడటం లేదు.. పెళ్లి రెండు కుటుంబాలను కలపాలి కానీ నా పెళ్లి నన్ను నా కుటుంబాన్ని దూరం చేసింది. వాళ్లు కచ్చితంగా ఇల్లు వదిలి వెళ్లిపోతారు. దయచేసి నా కోసం మా అమ్మావాళ్ల దగ్గరకు వెళ్లి ఇంటి నుంచి వెళ్లొద్దు అని చెప్పండి అని బతిమాలుతుంది. జరిగిన పెళ్లి వల్ల మా మీద చాలా కోపంగా ఉన్నారు కదామ్మా అని పార్వతి అంటుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title="<strong>ఇలాంటి మరిన్ని ఆసక్తికర సీన్స్‌తో పాటు తర్వాత ఎపిసోడ్‌లో ఏం జరగనుందో తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.</strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికర సీన్స్‌తో పాటు తర్వాత ఎపిసోడ్‌లో ఏం జరగనుందో తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.</strong></a></p>
1 month ago
2 
