<p><strong>Godavari Serial Today Episode</strong> ఇటీవల ప్రారంభమై బుల్లితెర ప్రేక్షకులను విశేషంగా ఆకట్టుకున్న "గోదావరి" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు (అక్టోబరు 26న) ప్రసారం కానున్న ఎపిసోడ్‌లో ఏం జరగనుంది.. ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.<br /> <br /><strong>సంజయ్ నా భర్త.. </strong></p>
<p>జాను ఇంటర్వ్యూకి వెళ్తుంది. ఆయన జానుతో మాట్లాడి.. మీ అడ్రస్ సంజయ్‌రామ్ వాళ్ల ఇంటి అడ్రస్‌ ఒకటే ఉంది అని అంటే ఆయన నేను రీసెంట్‌గా పెళ్లి చేసుకున్నాం అని జాను అంటుంది. ఉద్యోగం గురించి అడిగితే మళ్లీ చెప్తా బయట వెయిట్ చేయండి అంటారు. జాను వెళ్లగానే ఆయన సంజయ్‌కి కాల్ చేసి విషయం చెప్తారు. సంజయ్ ఆఫీస్‌ దగ్గరకు వెళ్తాడు. జాను సంజయ్‌ని చూసి మీరేంటి ఇక్కడ అంటే నువ్వేంటి ఇక్కడ నా పరువు తీయాలని చూస్తున్నావా అని జానుని కారు ఎక్కించి ఓ స్థలం దగ్గరకు తీసుకెళ్తాడు.</p>
<p><strong>ఇది అమ్ము కమీషన్ ఇస్తా.. </strong></p>
<p>ఆ స్థలాన్ని చూసిన జాను ఇదేంటి ఇక్కడికి తీసుకొచ్చారు అంటే.. జాబ్ కావాలి.. డబ్బు కావాలి.. మీ చెల్లికి ఫీజ్ కట్టాలి అన్నావ్ కదా అంటే అవును అని జాను చెప్పి ఇక్కడికి ఎందుకు తీసుకొచ్చారు అంటే గెస్ చేయ్ అని అంటాడు. కొంపతీసి నన్ను కిడ్నాప్ చేస్తారా అని జాను అంటే.. సంజయ్ గట్టిగా నవ్వి.. ఏంటి నిన్ను కిడ్నాపా.. నిన్ను కిడ్నాప్ చేసి మీ ఇంటికి గొంతు మార్చి కోటి అడిగితే ఇస్తారా లేదు కదా.. అని చెప్పి ఆ స్థలం కొలతలు చెప్పి.. ఈ ల్యాండ్ మాదే దీన్ని అమ్మిపెట్టు.. 2 శాతం కమిషన్ ఇస్తా.. అని అంటాడు. నాకు అర్జెంటుగా డబ్బులు కావాలి స్థలం మీదే కదా అమ్మిపెడతా అని అంటుంది. </p>
<p><strong>ఆ స్థలమా.. అక్కడ దెయ్యం ఉంది.. </strong></p>
<p>రమణి, శేషు, పారు, శివుడు బయట మాట్లాడుకుంటూ ఉంటారు. ఇంతలో జాను, సంజయ్ వస్తారు. ఇద్దరూ విడివిడిగా వెళ్లి కలిసి వచ్చారేంటి అని శేషు అడిగితే శ్రీనివాసనగర్‌లోని మన స్థలం చూడటానికి వెళ్లాం.. అది అమ్ముతా అని అంటాడు. అందరూ షాక్ అయిపోతారు. ఏమైంది ఏమైనా ప్రాబ్లమా అని జాను అంటే ఆ ల్యాండ్ దగ్గర పెద్ద యాక్షిడెంట్ అయింది అక్కడ ఓ దెయ్యం ఉంది.. అందర్ని బెదిరిస్తుందని చెప్తాడు. ఇప్పుడు ఆ ల్యాండ్ అమ్ముతావా అని సంజయ్ అంటే అమ్ముతాను అని జాను అంటుంది. ఆ భూమి గురించి చాలా కథలు విన్నాం.. పోతే పోనీ అని వదిలేశాం అని శివుడు అంటే అంతా నేను చూసుకుంటా అని జాను అంటుంది. </p>
<p><strong>దెయ్యాలు ఉన్నాయా..</strong></p>
<p>సంజయ్ పడుకొని ఉంటే జాను నిద్ర లేపుతుంది. ల్యాండ్ గురించి మామయ్య గారు అంతా చెప్పారు. అక్కడ దెయ్యాలు ఆత్మలు తిరుగుతున్నాయి నిజమేనా అని అడుగుతుంది. నాకు తెలీదు నేను చెప్పను అని సంజయ్ అంటే.. కొంచెం చెప్పండి.. నాకు ఆత్మ ధైర్యం ఇస్తే చిటెకెలో ఆ స్థలం అమ్మేస్తా అని జాను అంటే అంత అవసరం నాకు లేదు అని సంజయ్ పడుకుండిపోతాడు. మరోవైపు శేషు జానుకి ఎందుకు స్థలం అమ్మమని సంజయ్ చెప్పడం ఏంటి.. ఇద్దరి మధ్య ఏదో లింక్ మిస్ అవుతుందని అనుకుంటాడు. </p>
<p><strong>నేనే వేరయ్యానా.. </strong></p>
<p>నందు రాత్రి బయట తిరుగుతూ ఇంట్లో అందరూ వద్దు అన్నా జాను ఫంక్షన్‌కి వెళ్తారు. అందరూ ఒకటయ్యారా.. నేనే వేరయ్యానా.. తన దారి తను చూసుకుంటే ఇంకా ఆ జాను కోసం ఆలోచిస్తున్నారేంటి అని అనుకుంటుంది. మరోవైపు సంజయ్ లేచి చూస్తే జాను ఉండదు. ఇళ్లంతా వెతికి ఎక్కడికి వెళ్లింది అనుకుంటాడు. దెయ్యాల గురించి ఆరా తీసిన విషయం గుర్తు చేసుకుంటాడు. మరోవైపు జాను రాత్రి వేళ టార్చి తీసుకొని స్థలం ఉన్న ఏరియాకి వెళ్లి దెయ్యాలు ఉన్నాయా.. దెయ్యాలు ఎక్కడ అని అనుకుంటుంది. దెయ్యం గారు రండీ అంటూ పిలుస్తుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title="<strong>ఇలాంటి మరిన్ని ఆసక్తికర సీన్స్‌తో పాటు తర్వాత ఎపిసోడ్‌లో ఏం జరగనుందో తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.</strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికర సీన్స్‌తో పాటు తర్వాత ఎపిసోడ్‌లో ఏం జరగనుందో తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.</strong></a></p>
4 days ago
2 
