<p><strong>Godavari Serial Today Episode</strong> ఇటీవల ప్రారంభమై బుల్లితెర ప్రేక్షకులను విశేషంగా ఆకట్టుకున్న "గోదావరి" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు (అక్టోబరు 21న) ప్రసారం కానున్న ఎపిసోడ్‌లో ఏం జరగనుంది.. ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.<br /> <br /><strong>సూర్య వచ్చాడేంటి.. </strong></p>
<p>జాను, సంజయ్ రిసెప్షన్‌కి రెడీ అయి వస్తారు. బామ్మ, తాతయ్య ఇద్దరినీ చూసి మురిసిపోతారు. సంజయ్ ఫ్యామిలీ మొత్తం స్టేజ్ మీదకి వెళ్లి ఫొటోలు తీసుకుంటారు. జాను, సంజయ్‌లకు క్లోజ్‌గా ఉండమని మరిన్ని ఫొటోలు తీస్తారు. తర్వాత ఇద్దరూ దండలు మార్చుకొని, రింగులు పెట్టుకుంటారు. ఇంతలో అక్కడికి సూర్య వస్తాడు. జాను సూర్యని చూసి షాక్ అవుతుంది. సూర్య వచ్చాడేంటి.. ఎందుకు వచ్చాడు.. దేవుడా ఏంటి ఇది అని జాను మనసులో అనుకుంటుంది. జాను భయంగా టెన్షన్‌గా ఉండటం చూసి సంజయ్ ఏమైందని అడుగుతాడు. ఏం లేదు అని జాను అంటుంది. ఇక జాను డల్‌గా ఉండటం చూసిన రమణి ఏమైందని జాను అడిగి రెస్ట్‌రూంకి వెళ్తావా వెళ్లు అని పక్కకి తీసుకెళ్తుంది. తర్వాత సూర్యతో మాట్లాడటానికి వెళ్తుంది. </p>
<p><strong>మోసం చేయడం కరెక్టేనా జాను..</strong></p>
<p>జాను సూర్యని కలిసి ఎందుకు వచ్చావ్ అని అడుగుతుంది. ఎందుకు రాకూడదు జాను.. నువ్వు నా ప్రేమవి నా ప్రాణానివి అని అంటాడు. నేను ఇప్పుడు సంజయ్ భార్యని సూర్య పెళ్లి అయిన అమ్మాయి వెంట పడటం కరెక్ట్ కాదు.. అన్ని ప్రేమలు పెళ్లి వరకు వెళ్లవు అని జాను అంటుంది. దానికి సూర్య ప్రేమిస్తే ఇలా మోసం చేయడం కరెక్టేనా జాను.. గోదారమ్మాయి మోసం చేయదు అనుకున్నా కానీ నువ్వు నన్ను మోసం చేశావ్ జాను.. నీతో మాట్లాడుతుంటే ఇంకొకరి భార్యతో మాట్లాడినట్లు అనిపించడం లేదు.. నీ పెళ్లిని నా మనసు ఎందుకో ఒప్పుకోవడం లేదు అని సూర్య అంటాడు. వెళ్లిపో సూర్య అని జాను అంటే వెళ్లిపోతా కానీ ఒక్క మాట చెప్పు నిజంగా ఈ పెళ్లితో సంతోషంగా ఉన్నావా.. సంజయ్ కూడా సంతోషంగా కనిపించడం లేదు.. మీ ఇద్దరికి ఎన్ని రోజుల పరిచయం అని పెళ్లి వరకు వెళ్లిపోవడానికి.. నీ చిరునవ్వులో జీవం పోయింది.. ముఖంలో కల లేదు.. నీకు అబద్ధం బలంగా చెప్పడం చేతకాదు.. ఎందుకు ముక్కూముఖం తెలీని వ్యక్తిని పెళ్లిచేసుకున్నావ్.. నేనే కాదు నువ్వు కూడా బాధ పడుతున్నావ్ అని అంటాడు. వెళ్లిపో సూర్య నిజంగా నన్ను ప్రేమిస్తే ఇక్కడి నుంచి వెళ్లిపో అని సూర్యని పంపేస్తుంది. </p>
<p><strong>రిసెప్షన్‌లో జాను ఫ్యామిలీ..</strong></p>
<p>మురళీ, శారద వాళ్లు జాను రిసెప్షన్‌కి వస్తారు. బయట జాను, మురళీల ఫొటోలు చూసి గౌతమి, బామ్మ, కిన్నెర, మురళీ పొటోలు తీసుకుంటారు. ఇంతలో మురళీకి నందు ఫోన్ చేస్తుంది. మురళీ పక్కకెళ్లి మాట్లాడుతాడు. అమ్మతో మాట్లాడాలి అని నందు అంటుంది. బయట ఉన్నా తర్వాత ఫోన్ చేస్తా అని మురళీ కవర్ చేస్తాడు. ఇక లోపలికి వెళ్లగానే బామ్మ, తాతయ్య, రమణి, సంజయ్ రిసీవ్ చేసుకుంటారు. వచ్చినందుకు థ్యాంక్స్ బామ్మ అని సంజయ్ అంటాడు. శారదని కూడా అత్తయ్యా అని పిలిచి కూర్చొమని చెప్తాడు. ఇంతలో జాను వచ్చి తల్లిని చూసి సంతోషంగా పరుగున వచ్చి శారద చేతులు పట్టుకొని ఏడుస్తుంది. శారద మాట్లాడకుండా చేతులు వెనక్కి తీసుకుంటుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title="<strong>ఇలాంటి మరిన్ని ఆసక్తికర సీన్స్‌తో పాటు తర్వాత ఎపిసోడ్‌లో ఏం జరగనుందో తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.</strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికర సీన్స్‌తో పాటు తర్వాత ఎపిసోడ్‌లో ఏం జరగనుందో తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.</strong></a></p>
1 week ago
2 
