<p><strong>Godavari Serial Today Episode</strong> ఇటీవల ప్రారంభమై బుల్లితెర ప్రేక్షకులను విశేషంగా ఆకట్టుకున్న "గోదావరి" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(జూన్‌ 10న) ప్రసారం కానున్న ఎపిసోడ్‌లో ఏం జరగనుంది.. ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.</p>
<p><strong>నాన్న గుర్తొస్తున్నారు అక్కా..</strong><br /> <br />కిన్నెర స్కూల్ దగ్గర ఓ తండ్రీకూతుళ్లని చూసి ఏడుస్తుంది. జాను ఏమైందని కిన్నెరను అడిగితే ఎదురుగా ఆ తండ్రీకూతుళ్లని కిన్నెర చూపిస్తుంది. పాపం కిన్నెరకు నాన్న గుర్తొచ్చారు అని జాను చాలా బాధ పడుతుంది. కిన్నెరను స్కూల్‌కి వెళ్లమని అంటే నేను చదువుకోను నేను వెళ్లిపోతా అని కిన్నెర దూరంగా వెళ్లి కూర్చొంటుంది. జాను వెళ్లి ఓదార్చే ప్రయత్నం చేస్తే నాకు నాన్న గుర్తొస్తున్నారు అక్కా.. నా ఫ్రెండ్స్‌ నాన్నలతో సంతోషంగా ఉన్నారు నాకు నాన్న లేరు అని ఏడుస్తుంది. కిన్నెరను ఓదార్చలేకపోయినా జాను సూర్యని స్కూల్ దగ్గరకు రమ్మని పిలుస్తుంది. </p>
<p><strong>నాన్నకి ఇచ్చిన మాట నిలబెట్టుకోవా..</strong></p>
<p>సూర్య స్కూల్ దగ్గరకు వచ్చి కిన్నెరతో మాట్లాడటానికి వెళ్తాడు. ఏమైంది అని సూర్య అడిగితే నాన్న గుర్తొస్తున్నాడు.. నేను స్కూల్‌కి వెళ్లను అని అంటుంది. దానికి సూర్య నాకు కూడా మా నాన్న లేరు.. మరి నేను కూడా నీలా స్కూల్‌కి వెళ్లను అని ఏడ్చానా.. బాగా చదువుకొని పెద్ద వాడిని అయ్యాను.. నువ్వు కూడా పెద్ద దానివి అవ్వాలి,, మీ నాన్నకి నువ్వు ఏం అవుతా అని ప్రామిస్ చేశావ్ అని అడుగుతాడు. డాక్టర్ అని కిన్నెర అంటే మరి నువ్వు స్కూల్‌కి వెళ్లి చదవకపోతే నువ్వు ఎలా డాక్టర్ అవుతావు.. నాన్నకి ఇచ్చిన మాట ఎలా నిలబెట్టుకుంటావ్.. మీ నాన్న అంటే నీకు చాలా ఇష్టం కదా నాన్న బాధ పడేలా చేస్తావా చెప్పు నాన్నకి ఇచ్చిన మాట నిలబెట్టుకోవా చెప్పు అందుకే ఏడ్వకుండా నాన్న కోసం స్కూల్‌కి వెళ్లాలి అని చెప్తాడు. సూర్య పాపని నవ్వించి ఆడించి స్కూల్‌కి వెళ్లేలా చేస్తాడు. </p>
<p><strong>నాతో ఉండగలవా..</strong></p>
<p>కిన్నెర బాధ చూసి తట్టుకోలేకపోయాను.. నువ్వు తనని ఒప్పించి స్కూల్‌కి పంపించావు.. థ్యాంక్యూ సూర్య. నాన్న పోయిన తర్వాత మా కుటుంబాన్ని నిలబెట్టుకోవడానికి చాలా బాధ పడుతున్నా నాకు ఫ్రెండ్‌గా ఉండగలవా సూర్య అని జాను అడుతుంది. సూర్య సంతోషంగా సరే అంటాడు. ఇద్దరూ షేక్ హ్యాండ్ ఇచ్చుకుంటారు. సూర్య మనసులో ఆ రోజు మన పరిచయం ఈ రోజు స్నేహం అయింది.. రేపు ప్రేమికులం అవుతాం.. డెస్టినీ మీద నాకు నమ్మకం ఉందని అనుకుంటాడు.</p>
<p><strong>నందు వదినతో నీ పెళ్లి అవుతుంది అన్న..</strong></p>
<p>బాబిన్.. టైలర్ షాప్ దగ్గర మళ్లీ నందు ఫొటోలు పెడతాడు. వాళ్ల ఆయన చూస్తే బాగోదు అనే కదా తను తీసేయమంది.. నువ్వు మళ్లీఆ ఫొటోలు పెడతావేంట్రా అని మురళీ అంటే నాకు ఎందుకో నీకు వదినకు పెళ్లి అవుతుందని అనిపిస్తుంది అన్న.. ఇప్పటి వరకు పెళ్లి వాళ్లు ఆ ఇంటికి కూడా రాలేదు అంట అంటే వాళ్ల మనసులో వేరే ఉద్దేశం ఉంది అనే కదా అని బాబిన్ అంటాడు. పెళ్లి అనేది ఇష్టంతో జరగాలిరా ఇలా గతి లేక కాదురా.. అలా జరిగితే ప్రతీ క్షణం బాధ తప్పదురా.. నువ్వు అనుకున్న లక్షణాలు ఏవీ నాలో లేవురా.. నందు ఎక్కడున్నా హ్యాపీగా ఉండాలి.. తను కోరుకున్న జీవితం తనకి దక్కాలి.. అని మురళీ అంటాడు. నువ్వు సూపర్‌ బ్రో అని సూర్య ఎంట్రీ ఇస్తాడు. </p>
<p><strong>ఏమైంది బ్రో.. అలా చేస్తున్నావ్..</strong></p>
<p>సూర్య బాబిన్‌కి షాప్‌లో ఏమైనా రంగులు ఉన్నాయా అని అడిగితే రెడ్ కలర్ చూపిస్తాడు. సూర్య చేయి అందులో ముంచి షాప్ మీద ముద్ర వేస్తాడు. ఏమైంది అని బాబిన్ అడిగితే జాను మొదటి సారి షేక్ హ్యాండ్ ఇచ్చి ఫ్రెండ్‌షిప్ చేస్తున్నాం అని అంటాడు. </p>
<p><strong>నా లాంటి పరిస్థితి నీకు వద్దు..</strong></p>
<p>జాను ఎప్పుడూ క్లారిటీగా ఉంటుంది. తను స్నేహం అంటే స్నేహం మాత్రమే చేస్తుంది. నువ్వు ప్రేమ అనుకొని ఇద్దరూ వేరు వేరు దారుల్లో వెళ్లొద్దు.. ప్రేమలో ఉన్నప్పుడు ఎంత హాయిగా ఉంటుందో అది ఇచ్చే బాధ అంత నరకం ఇస్తుంది. దయచేసి నా లాంటి పరిస్థితి నీకు వద్దు అని మురళీ అంటాడు. లేదు బ్రో మా స్నేహాన్ని ప్రేమగా మార్చుకుంటా.. లేదంటే ఎప్పటికీ జానుకి మంచి ఫ్రెండ్‌గా ఉంటా అని అంటాడు. </p>
<p><strong>నా పెళ్లి ఆగిపోయింది.. </strong></p>
<p>నందు తన ఫ్రెండ్‌తో మాట్లాడుతూ ఈ పాటికి అమెరికా వెళ్లాల్సిన దాన్ని.. విమానంలో కాలు పడితే జారి ఆటోలో పడినట్లు అయిపోయింది. నా పెళ్లి రోజే మా నాన్న చనిపోయాను.. నా పెళ్లి కూడా ఆగిపోయింది.. అయినా పెళ్లి వాళ్లు వచ్చి మాట్లాడుతారు అనుకున్నా కానీ రాలేదు వాళ్ల కోసం కళ్లు కాయలు కాసినట్లు ఎదురు చూస్తున్నా అని నందు అంటుంది. ఆ మాటలు విన్న శారద దీనికి ఇంత జరిగినా అమెరికా పిచ్చి పోలేదు అంటుంది. </p>
<p><iframe class="vidfyVideo" style="border: 0px;" src="https://telugu.abplive.com/web-stories/entertainment/bhagyashri-borse-movies-news-photos-age-biography-telugu-249936" width="631" height="381" scrolling="no"></iframe></p>
<p><strong>ఇదంతా ఆ ఫ్రెండ్ వల్లే..</strong></p>
<p>కిన్నెర సంతోషంగా ఇంటికి వస్తే స్కూల్‌కి వెళ్లను అన్నావ్ ఇంత సంతోషంగా ఉన్నావ్ అని శారద అడిగితే ఓ పెద్ద ఫ్రెండ్ ఉన్నాడు అని చెప్తుంది. ఎవరి గురించి చెప్తుంది అని శారద అడిగితే సూర్య గురించి చెప్తుందని అంటుంది. ఇంతలో సింహాద్రి వస్తాడు. నా ఫ్రెండ్ పోయిన బాధలో నుంచి నేను బయటకు రాలేదు కానీ మీరు బాగానే నవ్వుకుంటూ సంతోషంగా ఉన్నారే అని సింహాద్రి అంటే ఇంతలో భువన వచ్చి మనిషి పోతే మనం కూడా పోలేం కదా.. నా అనే వాళ్లు పోయారు అనే బాధ నుంచి బయటకు రాకపోతే ఏ మనిషి కన్నీటిని దాటలేరు.. గుమ్మం కూడా దాటలేరు.. అందులోనూ వీళ్లంతా ఆడవాళ్లు.. ఎవరి మీద ఆధారపడకుండా ఉండాలి అంటే త్వరగా కోలుకోవాలి అని భువన అంటుంది. భువనకు శారద మర్యాద చేస్తుంది. నిన్న రాత్రే నేను వచ్చాను.. అప్పుడే విషయం తెలిసింది.. నాలుగేళ్ల తర్వాత దుబాయి నుంచి వచ్చారు ఈ లోపు ఇలా జరగడం బాధాకరం అని చెప్పి ఫ్యామిలీని ఓదార్చుతుంది.. ఏ అవసరం వచ్చినా మా ఇంటి తలుపు తట్టండి అని చెప్తుంది. </p>
<p><strong>పెళ్లి వాళ్లు ఏమైనా చెప్పారా.. </strong></p>
<p>నందు సింహాద్రి దగ్గరకు వెళ్లి పెళ్లి వాళ్లు మీతో ఏమైనా మాట్లాడారా.. నాన్న గారు చనిపోయిన తర్వాత వాళ్ల దగ్గర నుంచి ఎలాంటి సమాచారం రాలేదు వాళ్లు మళ్లీ ముహుర్తాలు పెట్టుకోవాలి అంటేరేమో మీరు కాస్త మాట్లాడండి అని అంటుంది. భువన జానుతో నువ్వే అనుకున్నా నీ ఫ్యామిలీ మొత్తం ఇలాగే ఉన్నారు అంటుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p> <br /><strong> ఇలాంటి మరిన్ని ఆసక్తికర సీన్స్‌తో పాటు తర్వాత ఎపిసోడ్‌లో ఏం జరగనుంది? లాంటి మరిన్ని ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.</strong></p>
4 months ago
11 
