<p><strong>Godavari Serial Today Episode</strong> | ఇటీవల ప్రారంభమై బుల్లితెర ప్రేక్షకులను విశేషంగా ఆకట్టుకున్న "గోదావరి" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(జులై 17న) ప్రసారం కానున్న ఎపిసోడ్‌లో ఏం జరగనుంది.. ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.</p>
<p><strong>ఇద్దరికీ కార్యం చేసేద్దాం.. <br /><img src="https://feeds.abplive.com/onecms/images/uploaded-images/2026/07/17/90d39cdbf38443110b170d4e8ca442651784269769025882_original.jpg" /></strong></p>
<p>నందు, మురళీలకు ఫస్ట్‌నైట్ ఏర్పాటు చేద్దాం అని బామ్మ జాను, శారదలకు చెప్తుంది. నందు ఒప్పుకుంటుందా అని శారద అంటే అది ఒప్పుకోవడం ఏంటి.. మనమే ఏర్పాటు చేసేద్దాం అని బామ్మ అంటుంది. నందు కోపం తగ్గిన తర్వాత ఏర్పాటు చేద్దాం అని జాను అంటే దాని కోపం సంవత్సరానికి తగ్గుతుంటే అప్పుడు చేస్తామా అని బామ్మ అంటుంది. ఏది ఏమైతే అది మనం అయితే ఏర్పాటు చేద్దాం అని బామ్మ అంటుంది. జాను, శారద సరే అని అంటారు. <br /> <br /><strong>బాస్‌కి ఈ రోజు శోభనం.. <br /><img src="https://feeds.abplive.com/onecms/images/uploaded-images/2026/07/17/2ceddc41e9e900935a48e8ffe421b96a1784269795631882_original.jpg" /></strong></p>
<p>మురళీ అన్నకి పెళ్లయిపోయింది ఇక వారం అయినా ఇటు రాడు అని షాప్‌ దగ్గర బాబిన్ డ్యాన్స్‌లు వేసుకుంటూ ఉంటాడు. ఇంతలో మురళీ రావడంతో ఏంటి అన్నా ఇలా వచ్చావ్.. వదిన నీ కోసం వెయిట్ చేస్తుంటుంది కదా.. హనీమూన్ ఏర్పాటు చేసుకున్నావా అని బాబిన్ అడుగుతాడు. ఇంతలో సూర్య, తుఫాను కూడా వస్తారు. బ్రదర్ నువ్వు ఇప్పుడు ఇంటికి వెళ్లాలి.. నాకు ఇప్పుడే తెలిసింది.. అని ఈ రోజు కొత్త పెళ్లి కొడుకుకి శోభనం ఏర్పాటు చేస్తున్నారు అని చెప్తాడు. ముగ్గురు మురళీని ఏడిపిస్తారు. ఇప్పుడే నాకు టెన్షన్ మొదలైంది అని మురళీ అంటే ఎందుకు బాస్ అని సూర్య తన దగ్గరకు వెళ్లు ఇలా పట్టుకో అని మురళీని ఊహల్లోకి వెళ్లమని అన్నీ అల్లుకుపో అని చెప్తాడు. </p>
<p><strong>నందుకి ముద్దు పెట్టేసిన మురళీ..<br /><img src="https://feeds.abplive.com/onecms/images/uploaded-images/2026/07/17/84c1c6cda968edae3fc44a1c2fc7666a1784269823918882_original.jpg" /></strong></p>
<p>సూర్య మాటలతో మురళీ తనకి నందుకి ఫస్ట్‌ నైట్ ఏర్పాటు చేస్తున్నట్లు ఊహించుకుంటాడు. డెకరేషన్ చేసిన ఫస్ట్‌నైట్ గదిలో మురళీ నందు కోసం వెయిట్ చేస్తూ ఉంటాడు. ఇంతలో నందు పాల గ్లాస్‌తో వస్తుంది. నువ్వు అంటే నాకు పిచ్చి ప్రేమ నందు.. ఐలవ్‌యూ అని గులాబి అందిస్తాడు. నందు కూడా ఓకే చెప్తుంది. ఇక తర్వాత ఇద్దరూ పాలు సగం సగం తాగుతారు. బావ నన్ను చూస్తే నీకు ఏం అనిపిస్తుంద అని నందు అంటే జాకెట్ లైనింగ్ బాలేదు నందు అని మురళీ తన టైలర్ బుద్ధి బయట పెడతాడు. తర్వాత నందుని దగ్గరకు తీసుకొని ఎంత అందంగా ఉన్నావో తెలుసా అని నందుకి ముద్దు పెట్టికున్నట్లు ఊహించుకుని మెలికలు తిరిగిపోతాడు. సూర్య వాళ్లు ఆటపట్టిస్తారు. ఇక సూర్య అమెరికా నుంచి తెప్పించిన సెంటు బాటిల్ మురళీకి ఇస్తాడు.</p>
<p><strong>A</strong><strong>LSO READ: <a title="Illu Illalu Pillalu Serial Today July 17th: ఇల్లు ఇల్లాలు పిల్లలు: ప్రేమ, ధీరజ్‌ల రహస్యం సాక్ష్యాలతో సహా తెలుసుకున్న భాగ్యం! రేపు వల్లీ రణరంగం సృష్టిస్తుందా!" href="https://telugu.abplive.com/entertainment/tv/illu-illalu-pillalu-serial-today-july-17th-2026-written-update-in-telugu-in-star-maa-jio-hotstar-253648" target="_self">Illu Illalu Pillalu Serial Today July 17th: ఇల్లు ఇల్లాలు పిల్లలు: ప్రేమ, ధీరజ్‌ల రహస్యం సాక్ష్యాలతో సహా తెలుసుకున్న భాగ్యం! రేపు వల్లీ రణరంగం సృష్టిస్తుందా!</a></strong></p>
<p><strong>నాకు ఈ శోభనం వద్దు.. <br /><img src="https://feeds.abplive.com/onecms/images/uploaded-images/2026/07/17/19fb932e1b478ff943642430ae6f5d891784269853470882_original.jpg" /></strong></p>
<p>రాత్రి నందుని ఫస్ట్‌నైట్ కోసం జాను, గౌతమి రెడీ చేస్తారు. ఎవరిని అడిగి ఇదంతా చేస్తున్నారు అని అరుస్తుంది. ఇంతలో బామ్మ వచ్చి ఏంటి అలా రంకెలేస్తున్నావ్ అని సిగ్గు పడుతూ ఉండవే అని అంటుంది. జోకులు వేయకు పీక పిసికి చంపేస్తా అని నందు అంటే నా మీద కాదే నీ కోపం నీ మొగుడు మీద చూపించు.. ఈ రోజు కాకపోతే రేపు అయినా శోభనం చేసుకోవాలి.. మురళీనే నీ మొగుడు వాడితోనే నువ్వు కాపురం చేయాలి అని అంటుంది బామ్మ. నేను చెప్తా నువ్వు వెళ్లు బామ్మ అని జాను బామ్మని పంపేస్తుంది. అక్కా నా మీద నీకు చాలా కోపం ఉందని తెలుసు.. కానీ నేను ఏదీ కావాలని చేయలేదు.. వాడు ఫ్రాడ్ అని నాకు చివరి నిమిషంలో తెలిసింది.. మురళీ బావ చాలా మంచోడు అక్క అర్థం చేసుకో అని జాను అంటుంది. </p>
<p><strong>నా శరీరం మీద నీకు అధికారం లేదు.. <br /><img src="https://feeds.abplive.com/onecms/images/uploaded-images/2026/07/17/9309ad3e972c190e389dc093e132dec31784269883478882_original.jpg" /></strong></p>
<p>మురళీ నందు వస్తే ఏం మాట్లాడాలా అని ప్రాక్టీస్ చేస్తూ ఉంటాడు. నందు నన్ను అంగీకరిస్తుందా అని అనుకుంటూ ఉంటాడు. ఇంతలో అందరూ నందుని గదిలోకి పంపిస్తారు. నందు కోపంగా వెళ్తుంది. నందు మురళీ దగ్గరకు వెళ్లి ఏంటి అలా చూస్తున్నావ్ అని అడుగుతుంది. ఏం లేదు నందు అని మురళీ అంటే నిజం చెప్పు లేడి పిల్ల పులి బోనులోకి వచ్చింది అనుకుంటున్నావా.. అని అడిగి పాల గ్లాస్ ఇస్తుంది. మురళీ తాగే టైంకి చూడు సినిమాల్లో చూపించినట్లు సగం నువ్వు తాగి నాకు ఇస్తే నేను తాగి కాళ్లు మొక్కడాలు లాంటివి ఉండవు అని అంటుంది. నేను రాకముందు నువ్వు చాలా ఊహించుకున్నావ్ కదా.. అది ఊహల్లోనే ఉండాలి అని బెడ్ మీద కూర్చొంటుంది. మురళీ కూడా కూర్చొంటే పెళ్లి అంటే ఆడపిల్లకి ఓ అందమైన కల. నాకు అమెరికా వెళ్లడం జీవితకాలపు కల కానీ దాన్ని పీడకల చేశారు.. ఏంటి బావ మాట్లాడవు.. అమ్మ ఏడ్చింది.. నా వల్ల మిగతా ముగ్గురి పెళ్లి అవ్వదు అన్నారు. అన్నీ నా అమెరికా ఆశల్ని ఆవిరి చేసేశాయి,.. నువ్వు నా మెడలో తాళి కట్టావ్ అంత మాత్రానా నా మీద నా శరీరం మీద అధికారం ఉందని అనుకోకు అని అంటుంది. ఇక నందు బెడ్ మీదకు వెళ్లి పడుకోవాలని చూస్తే తలగడ కింద సెంట్ బాటిల్ చూసి నందు అడిగితే అమెరికా నుంచి మా ఫ్రెండ్ ఇచ్చాడు అని చెప్తాడు. దాంతో నందు అది మురళీ చేతిలో పెట్టేసి పడుకుంటుంది. నందు పడుకున్న తర్వాత మురళీ చాప దిండు కింద వేసుకొని పడుకుంటాడు. </p>
<p><strong>తన వల్ల గొడవలు వద్దు.. <br /><img src="https://feeds.abplive.com/onecms/images/uploaded-images/2026/07/17/dd488172149572362c6b7f5acd8bb39f1784269917814882_original.jpg" /></strong></p>
<p>సూర్యకి భువన వీడియో కాల్ చేసి అమ్మ మీద ఇంకా కోపం ఏంట్రా అని మాట్లాడమని అంటుంది. సూర్య మాట్లాడేస్తాడు. మూడో మనిషి వల్ల మన మధ్య గొడవలు వద్దు అని భువన అంటుంది. ఊరిలో చాలా పెత్తనాలు చేస్తున్నావ్ అంట అని భువన అంటే జాను వాళ్ల అక్క పెళ్లి అయింది దాంతో నాకు ఏంటి సంబంధం అని సూర్య అంటాడు. నేను రాగానే నీకో సర్‌ఫ్రైజ్ ఇస్తా అని భువన అంటుంది. ఏంటి అంటే చెప్పదు.. ఇక జాను పడవ అబ్బాయ్ ఏం చేస్తున్నాడు అనుకొని సూర్యకి కాల్ చేస్తుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title=" <strong>ఇలాంటి మరిన్ని ఆసక్తికర సీన్స్‌తో పాటు తర్వాత ఎపిసోడ్‌లో ఏం జరగనుంది? ఇలాంటి మరిన్ని ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.</strong>" href="https://telugu.abplive.com" target="_self"> <strong>ఇలాంటి మరిన్ని ఆసక్తికర సీన్స్‌తో పాటు తర్వాత ఎపిసోడ్‌లో ఏం జరగనుంది? ఇలాంటి మరిన్ని ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.</strong></a></p>
3 months ago
8 
