<p><strong>Godavari Serial Today Episode</strong> ఇటీవల ప్రారంభమై బుల్లితెర ప్రేక్షకులను విశేషంగా ఆకట్టుకున్న "గోదావరి" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(జులై 14న) ప్రసారం కానున్న ఎపిసోడ్‌లో ఏం జరగనుంది.. ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.<br /> <br /><strong>మనం ఎప్పుడు అలా కూర్చొంటాం.. <br /><img src="https://feeds.abplive.com/onecms/images/uploaded-images/2026/07/14/b1f3107c0cb7de9e828875849532a97a1784011981124882_original.jpg" /></strong></p>
<p>తన కుటుంబాన్ని కాపాడుకోవడం కోసం నందు ఇష్టం లేకపోయినా మురళీని పెళ్లి చేసుకోవడానికి ఒప్పుకుంటుంది. దాంతో మురళీ, నందుల పెళ్లికి అన్ని ఏర్పాట్లు చేస్తారు. ఎక్కడ నందు పెళ్లి ఆగిపోయిందో అదే మండపంలో నందు, మురళీ పెళ్లి వేడుక మొదలవుతుంది. అమ్మని పిలిస్తే బాగున్న అని మురళీ అనుకుంటాడు. కానీ శాంతి వస్తే మళ్లీ గొడవ చేస్తుందని పిలవకుండా ఊరికే ఉండిపోతాడు. మురళీ నందుల పెళ్లి చూస్తూ జాను సంతోషంగా ఉంటుంది. సూర్య జానుతో మనం ఎప్పుడు అలా కూర్చొంటాం అని అంటే దానికి జాను నీ డెస్టినీని అడుగు అని సెటైర్లు వేస్తుంది. </p>
<p><strong>నందు మెడలో తాళి కట్టిన మురళీ..<br /><img src="https://feeds.abplive.com/onecms/images/uploaded-images/2026/07/14/15a2ccaffb279b00ef74b6bb4e8669b21784012023122882_original.jpg" /></strong></p>
<p>మురళీ, నందు ఒకరి తలపై ఒకరు జీలకర్ర బెల్లం పెట్టుకుంటారు. తర్వాత మురళీ నందు మెడలో తాళి కడతాడు. అందరూ చాలా సంతోషపడతారు. నందు మాత్రం తన అమెరికా కలలు అన్నీ కలలుగా మిగిలిపోయావి అని కన్నీరు పెట్టుకుంటుంది. సింహాద్రి డల్‌గా ఉంటే జాను వెళ్లి అక్షింతలు వేయండి అంకుల్ అంటుంది. తర్వాత సింహాద్రి చెవిలో అక్క పెళ్లి సమస్య తేలిపోయింది. ఇక తోట సమస్య మాత్రమే ఉన్నాయి అని అంటుంది. </p>
<p><strong>ALSO READ: <a title="Illu Illalu Pillalu Serial Today July 14th: ఇల్లు ఇల్లాలు పిల్లలు: ప్రేమని పోలీస్ చేయడానికి ఒప్పుకున్న రామరాజు! విశ్వక్‌లో మార్పు నిజమేనా! పావులు కదిపిన వల్లీ!" href="https://telugu.abplive.com/entertainment/tv/illu-illalu-pillalu-serial-today-july-14th-2026-written-update-in-telugu-in-star-maa-jio-hotstar-253359" target="_self">Illu Illalu Pillalu Serial Today July 14th: ఇల్లు ఇల్లాలు పిల్లలు: ప్రేమని పోలీస్ చేయడానికి ఒప్పుకున్న రామరాజు! విశ్వక్‌లో మార్పు నిజమేనా! పావులు కదిపిన వల్లీ!</a></strong></p>
<p><strong>మురళీకి పెళ్లి చూపులు.. అదిరిపోయిన ఏర్పాట్లు..<br /><img src="https://feeds.abplive.com/onecms/images/uploaded-images/2026/07/14/b352d76fa30afef7f6a4d1b334d7c03e1784012061477882_original.jpg" /></strong></p>
<p>శాంతి మురళీకి పెళ్లి చూపులు ఏర్పాటు చేస్తుంది. ఇంటి చుట్టూ డప్పు చప్పుళ్లతో బ్యాండ్ మేళాలతో సందడి చేయిస్తుంది. బాబిన్ వాళ్లు డ్యాన్స్ చేస్తూ సందడిగా ఉంటారు. ఇంతలో మురళీ, నందుని పెళ్లి చేసుకొని వస్తాడు. అది తెలియని శాంతి మురళీకి నందు కంటే మంచి సంబంధం అవ్వాలి అని మురళీ కోసం హారతి తీసుకొస్తుంది. మురళీ నందులను పెళ్లి బట్టల్లో చూసి శాంతి షాక్ అయిపోతుంది. చేతిలో ఉన్న హారతి పళ్లెం కింద పడేస్తుంది. వీధిలో అందరూ పెళ్లి చూపులకు ధూం ధామ్‌గా బయల్దేరావు.. ఏకంగా నీ కొడుకు కోడల్నే తీసుకొచ్చాడు అని శాంతితో అంటారు.</p>
<p><strong>వాళ్లు మోసం చేశారని నా కొడుకుని చేసుకుందా..<br /><img src="https://feeds.abplive.com/onecms/images/uploaded-images/2026/07/14/6a5c7f06e03f596958d94e70b2c112e11784012085356882_original.jpg" /></strong></p>
<p>ఏంట్రా మురళీ ఏంట్రా ఇదంతా.. నువ్వు నాకు ఏం చెప్పావ్.. నందు పెళ్లి అయిపోతుంది అమ్మా., అది అవ్వగానే పెళ్లి చూపులకు వెళ్దాం నీకు ఇష్టమైన వాళ్లని పెళ్లి చేసుకుంటా అని చెప్పావు కదరా అని అంటుంది. నందుకి వచ్చిన సంబంధం వాళ్లు మోసం చేశారమ్మా పెళ్లి ఆగిపోయింది అని మురళీ అంటాడు. ఆ పెళ్లి ఆగిపోయింది కాబట్టి ఈ అందాల రాశి నిన్ను చేసుకుంది.. లేదంటే అతన్ని పెళ్లి చేసుకొని అమెరికా ఎగిరిపోయేది కదా.. నిన్ను ఏమని తిట్టిందో గుర్తు లేదా.. కుట్టు పని చేసుకుంటాడు.. జాకెట్లు కుట్టుకుంటాడు అని నానా మాటలు అంది మర్చిపోయావా.. అని శాంతి అడుగుతుంది. అమ్మా అంతా అనుకోకుండా జరిగిపోయింది అని మురళీ అంటాడు. అత్తా ఆ పెళ్లి వాళ్లు ఘోరంగా మోసం చేశారు అని జాను అంటే వాళ్లు మోసం చేశారు అని నా కొడుకుని చేసుకుందాం.. మొన్నటి వరకు తిట్టి ఇప్పుడు తాళి ఎలా కట్టించుకుంది. బాగానే ప్లాన్ చేశావమ్మా జాను.. నిన్ను అందరూ తెలివైన దానివి అంటే ఏదో అనుకున్నా ఇప్పుడు అర్థమైంది నీ తెలివి.. ఈ పెళ్లిని నేను ఒప్పుకోను.. అని శాంతి అరుస్తుంది. </p>
<p><strong>తాళి తెంపేయ్‌రా.. లేదంటే నేను తెంపేస్తా.. <br /><img src="https://feeds.abplive.com/onecms/images/uploaded-images/2026/07/14/ce0df80d551b32d1425ba2f08186cd1f1784012118834882_original.jpg" /></strong></p>
<p>కొడుకుతో రేయ్ తాళి నువ్వు తెంపుతావా.. లేదంటే నేను తెంపేయాలా అని శాంతి అంటుంది. తాళి తెంపడం ఏంటి అమ్మా అని మురళీ అంటే నువ్వు తెంపవా అని శాంతి నందు తాళి పట్టుకుంటుంది. మురళీ శాంతి చేయి పట్టుకుంటాడు. ఎంతకీ శాంతి వదలకపోవడంతో జాను తాళి వదలని శాంతిని తోసేస్తుంది. రేయ్ దాన్ని వదిలేసి ఇంట్లోకి రారా అని అంటుంది. లేదమ్మా వస్తే ఇద్దరం వస్తాం అని మురళీ అంటాడు. హో అంత వరకు వచ్చిందా వ్యవహారం అని శాంతి అంటుంది. అమ్మా నందుపై ఉన్న ప్రేమ చంపుకోరా అని అంటే నీ కోసం ఆ ప్రేమని చంపుకునే వాడిని కానీ తన మెడలో మూడు ముళ్లు వేశాను.. ప్రేమను చంపుకున్నంత ఈజీగా తాళి తెంపలేను కదమ్మా.. దయచేసి అర్థం చేసుకో మమల్ని క్షమించి మమల్ని ఆశీర్వదించు అని అంటాడు. శాంతి కొడుకుని ఆపి.. రేయ్ వస్తే ఒక్కడివేరా ఇంట్లోకి రా.. లేదంటే ఈ తల్లి చచ్చింది అనుకొని వెనక్కి వెళ్లిపో అని అంటుంది. </p>
<p><strong>ఇంటికి వచ్చేశారేంటి.. <br /><img src="https://feeds.abplive.com/onecms/images/uploaded-images/2026/07/14/ea56405aead8d3a51a85a6f03bf4bac71784012175247882_original.jpg" /></strong></p>
<p>శారద తన ఇంట్లో అందరికీ మర్యాదలు చేస్తూ ఉంటుంది. ఇంతలో నందు, మురళీలను తీసుకొని జాను ఇంటికి వస్తుంది. కిన్నెర నందు వాళ్లని చూసి నందు అక్క మురళీ బావ ఇంటికి వచ్చారు అని చెప్తుంది. శారద చాలా కంగారు పడుతుంది. అందరూ బయటకు వెళ్లి చూస్తారు. అమ్మా జాను ఏమైందే అని బామ్మ అంటే ఓకావిడ బామ్మతో ఇంకేమై ఉంటుంది. ఆ శాంతి రూపాయి కట్నం లేకుండా కొడుకు పెళ్లి చేసుకుంటే ఊరుకుంటుందా అని అంటుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title="<strong>ఇలాంటి మరిన్ని ఆసక్తికర సీన్స్‌తో పాటు తర్వాత ఎపిసోడ్‌లో ఏం జరగనుంది? ఇలాంటి మరిన్ని ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.</strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికర సీన్స్‌తో పాటు తర్వాత ఎపిసోడ్‌లో ఏం జరగనుంది? ఇలాంటి మరిన్ని ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.</strong></a></p>
3 months ago
8 
