<p><strong>Revanth Reddy Musi River Project:</strong> హైదరాబాద్ నగర ముఖచిత్రాన్ని మార్చే ప్రతిష్టాత్మక మూసి నది పునరుజ్జీవన ప్రాజెక్టు లో ఒక కీలకమైన ముందడుగు పడింది. బాపు ఘాట్ వద్ద అత్యంత ప్రతిష్టాత్మకంగా నిర్మించతలపెట్టిన గాంధీ సరోవర్ ప్రాజెక్టు కు కేంద్ర ప్రభుత్వం గ్రీన్ సిగ్నల్ ఇచ్చింది. ఈ ప్రాజెక్టును వేగవంతం చేసేందుకు వీలుగా రక్షణ శాఖకు చెందిన భూములను ఉపయోగించుకునేందుకు కేంద్ర రక్షణ మంత్రిత్వ శాఖ అధికారికంగా అనుమతులు మంజూరు చేసింది. <br /> <br /><strong>రక్షణ శాఖ కీలక ఉత్తర్వులు – అనుమతి మంజూరు </strong><br /> <br />హైదరాబాద్‌లోని బాపు ఘాట్‌ను అప్‌గ్రేడ్ చేస్తూ గాంధీ సరోవర్ ప్రాజెక్టుగా అభివృద్ధి చేయడానికి మూసి రివర్‌ఫ్రంట్ డెవలప్‌మెంట్ కార్పొరేషన్ కు కేంద్ర రక్షణ శాఖ వర్కింగ్ పర్మిషన్ మంజూరు చేసింది. ఈ మేరకు కేంద్ర రక్షణ శాఖ భూముల విభాగం జూన్ 18, 2026 నాటి అధికారిక లేఖ ద్వారా భారత ఆర్మీ చీఫ్ ఆఫ్ స్టాఫ్ , డిఫెన్స్ ఎస్టేట్స్ డైరెక్టర్ జనరల్‌కు స్పష్టమైన ఆదేశాలు జారీ చేసింది. ముఖ్యమంత్రి <a title="రేవంత్ రెడ్డి" href="https://telugu.abplive.com/topic/Revanth-Reddy" data-type="interlinkingkeywords">రేవంత్ రెడ్డి</a> నేతృత్వంలోని తెలంగాణ ప్రభుత్వం ప్రతిష్టాత్మకంగా తీసుకున్న మూసి ప్రక్షాళన ప్రాజెక్టులో భాగంగా ఈ ల్యాండ్ క్లియరెన్స్ అత్యంత ప్రాధాన్యత సంతరించుకుంది. </p>
<blockquote class="twitter-tweet">
<p dir="ltr" lang="en">Central govt gives the green signal for the Gandhi Sarovar project at Bapu Ghat.<br /><br />Ministry of Defence has granted working permission to MRDC to develop the project on 83.814 acres of defence land at the Artillery Centre, Golconda, under the Musi Riverfront Development initiative.… <a href="https://t.co/vnm5WW5Ex3">pic.twitter.com/vnm5WW5Ex3</a></p>
— Naveena (@TheNaveena) <a href="https://x.com/TheNaveena/status/2067908851165503652?ref_src=twsrc%5Etfw">June 19, 2026</a></blockquote>
<p><strong>రూ.533 కోట్ల విలువైన 83.814 ఎకరాల భూమి </strong></p>
<p>గోల్కొండలోని ఆర్టిలరీ సెంటర్ పరిధిలో ఉన్న మొత్తం 83.814 ఎకరాల రక్షణ శాఖ భూమిని ఈ ప్రాజెక్టు కోసం ఎంఆర్‌డీసీకి అప్పగించనున్నారు. ల్యాండ్ వాల్యుయేషన్ ప్రకారం ఈ భూమి మార్కెట్ విలువ అక్షరాలా * రూ. 533 కోట్లకు పైగా ఉంటుందని రక్షణ శాఖ లెక్కగట్టింది. గండిపేట, రాజేంద్రనగర్, గోల్కొండ మండలాల పరిధిలోని బండ్లగూడ, హైదర్‌గూడ, ఖిల్లా మహ్మద్ నగర్ గ్రామాల్లో విస్తరించి ఉన్న పాకెట్ 2 & 3, పాకెట్ 4, పాకెట్ 5, పాకెట్ 6A భూములను ఈ గాంధీ సరోవర్ ప్రాజెక్టు కోసం కేటాయించారు.</p>
<p><strong> EVI విధానంలో ల్యాండ్ సెటిల్‌మెంట్ </strong></p>
<p>ఈ భూముల బదిలీ ప్రక్రియను రక్షణ శాఖ ఒక ప్రత్యేక నిబంధనపై మంజూరు చేసింది. ఈక్వల్ వాల్యూ ఇన్‌ఫ్రాస్ట్రక్చర్ విధానం ప్రాతిపదికన ఈ వర్కింగ్ పర్మిషన్ లభించింది. అంటే.. రక్షణ శాఖకు చెందిన లోకల్ మిలిటరీ అథారిటీ కి ఈ భూమికి బదులుగా సమాన విలువ కలిగిన మౌలిక సదుపాయాలను భవనాలు, రోడ్లు లేదా ఇతర మౌలిక వసతులు రాష్ట్ర ప్రభుత్వం నిర్మించి ఇవ్వాల్సి ఉంటుంది. రక్షణ శాఖ 2016 నాటి పాలసీ నిబంధనల ప్రకారం ఈ ఒప్పందం కుదిరింది.</p>
<p><strong> పర్యాటక, ఆధ్యాత్మిక హబ్‌గా బాపు ఘాట్ </strong></p>
<p>మూసి నది , ఈసీ నదులు సంగమించే లొకేషన్‌లో ఉన్న బాపు ఘాట్ వద్ద ఈ గాంధీ సరోవర్ ప్రాజెక్టు రాబోతోంది. మహాత్మా గాంధీ అస్థికలను కలిపిన పవిత్ర స్థలమైన బాపు ఘాట్‌ను ప్రపంచ స్థాయి పర్యాటక, ఆధ్యాత్మిక కేంద్రంగా తీర్చిదిద్దాలన్నది ప్రభుత్వ సంకల్పం. ఇక్కడ భారీ జలాశయం తో పాటు గాంధీజీ సిద్ధాంతాలను ప్రతిబింబించేలా విజ్ఞాన కేంద్రాలు, సుందరమైన పార్కులు, వాకింగ్ ట్రాక్‌లు, మరియు పర్యాటకులను ఆకట్టుకునేలా బోటింగ్ సౌకర్యాలను నిర్మించనున్నారు.</p>
<p><strong> మూసి పునరుజ్జీవనానికి భారీ బూస్ట్ </strong></p>
<p>కేంద్ర ప్రభుత్వం నుండి లభించిన ఈ క్లియరెన్స్‌తో మూసి రివర్‌ఫ్రంట్ డెవలప్‌మెంట్ పనుల వేగం పుంజుకోనుంది. గతంలో రక్షణ భూముల సేకరణ పెద్ద అడ్డంకిగా మారగా, ఇప్పుడు కేంద్ర రక్షణ శాఖ సానుకూలంగా స్పందించి పచ్చజెండా ఊపడంతో ప్రాజెక్టు డిజైన్ల అమలుకు మార్గం సుగమమైంది. కేవలం పర్యాటక రంగమే కాకుండా నగరంలోని పర్యావరణ సమతుల్యతను కాపాడటానికి, మూసి నదిని మురికికూపంగా మార్చే డ్రైనేజీ ప్రవాహాలను అడ్డుకుని, స్వచ్ఛమైన జలాలతో ఈ సరోవరాన్ని నింపేలా ప్రణాళికలు సిద్ధం చేస్తున్నారు. </p>
<p><iframe class="vidfyVideo" style="border: 0px;" src="https://telugu.abplive.com/web-stories/business/are-banks-forcing-insurance-policies-on-you-here-are-the-rbis-new-rules-250904" width="631" height="381" scrolling="no"></iframe></p>
4 months ago
6 
