<p>గ్లోబల్ స్టార్ రామ్ చరణ్ హీరోగా నటించిన భారీ పొలిటికల్ డ్రామా 'గేమ్ ఛేంజర్'. సంక్రాంతి కానుకగా థియేటర్లలోకి వచ్చిన ఈ సినిమా ఓటీటీ రిలీజ్ గురించి మెగా అభిమానులు ఈగర్ గా వెయిట్ చేస్తున్నారు. ఈ క్రమంలోనే తాజాగా 'గేమ్ ఛేంజర్' మూవీ ఓటీటీలో ఎప్పుడు అందుబాటులోకి రాబోతుందనే సమాచారం వచ్చేసింది.</p>
<p><strong>ఓటీటీలోకి 'గేమ్ ఛేంజర్'... </strong><br />విజనరీ డైరెక్టర్ శంకర్ - గ్లోబల్ స్టార్ రామ్ చరణ్ కాంబినేషన్లో వచ్చిన భారీ పాన్ ఇండియా చిత్రం 'గేమ్ ఛేంజర్'. బాలీవుడ్ హీరోయిన్ కియారా అద్వానీ ఈ సినిమాలో ఫీమేల్ లీడ్ రోల్ పోషించింది. 2025 జనవరి 10న సంక్రాంతి కానుకగా ఈ మూవీ థియేటర్లలోకి వచ్చింది. భారీ అంచనాలతో ప్రేక్షకుల ముందుకు వచ్చిన ఈ మూవీ పెద్దగా ఆకట్టుకోలేకపోయింది. అయితే మూవీ రిలీజ్ కి ముందు నుంచే ఏ ఓటీటీలో స్ట్రీమింగ్ కాబోతోంది అనే పుకార్లు షికార్లు చేస్తున్నాయి. 'గేమ్ ఛేంజర్' మూవీ డిజిటల్ స్ట్రీమింగ్ రైట్స్ ని దిగ్గజ ఓటీటీ ప్లాట్ ఫామ్ అమెజాన్ ప్రైమ్ వీడియో సొంతం చేసుకుంది. కాబట్టి ఈ మూవీ ఫిబ్రవరి రెండో వారంలో అమెజాన్ ప్రైమ్ వీడియోలో స్ట్రీమింగ్ కాబోతోందని తెలుస్తోంది. </p>
<p>తాజా బజ్ ప్రకారం ఫిబ్రవరి 14న 'గేమ్ ఛేంజర్' ఓటీటీలో అందుబాటులోకి వచ్చే అవకాశం ఉన్నట్టు తెలుస్తోంది. అలాగే ఈ మూవీ హిందీ వెర్షన్ అమెజాన్ ప్రైమ్ వీడియోలో రిలీజ్ అయ్యే ఛాన్స్ లేదని అంటున్నారు. ఏదేమైనా మెగా అభిమానులు మాత్రం మూవీ ఓటీటీ రిలీజ్ పై మేకర్స్ నుంచి అఫీషియల్ అనౌన్స్మెంట్ కోసం ఆతృతగా ఎదురు చూస్తున్నారు. </p>
<p>Also Read<strong>: <a title="చిలుకూరు బాలాజీ టెంపుల్‌లో ప్రియాంక చోప్రా - రామ్ చరణ్ వైఫ్ ఉపాసనకు ఎందుకు థాంక్స్ చెప్పిందంటే?" href="https://telugu.abplive.com/entertainment/cinema/priyanka-chopra-visits-chilkur-balaji-temple-to-seek-blessings-of-lord-venkateswara-and-thanks-ram-charan-wife-upasana-194947" target="_blank" rel="noopener">చిలుకూరు బాలాజీ టెంపుల్‌లో ప్రియాంక చోప్రా - రామ్ చరణ్ వైఫ్ ఉపాసనకు ఎందుకు థాంక్స్ చెప్పిందంటే?</a></strong></p>
<p><strong><iframe class="vidfyVideo" style="border: 0px;" src="https://telugu.abplive.com/web-stories/cinema/ram-charan-career-defining-roles-established-him-as-global-star-194999" width="631" height="381" scrolling="no"></iframe></strong></p>
<p><strong>నిరాశపరిచిన 'గేమ్ ఛేంజర్'</strong><br />'గేమ్ ఛేంజర్' మూవీ బాక్స్ ఆఫీస్ వద్ద 50 శాతం కలెక్షన్లను కూడా రాబట్టలేకపోవడంతో నిర్మాతలకు భారీ నష్టాలు వచ్చినట్టు తెలుస్తోంది. ఈ సినిమా బరువంతా రామ్ చరణ్ ఒక్కడే తన భుజాలపై మోసాడు అని చెప్పాలి. ఆయన కారణంగానే ఈ మాత్రం కలెక్షన్లైనా వచ్చాయి. వరుస డిజాస్టర్ల కారణంగా శంకర్ బ్రాండ్ వ్యాల్యూ 'గేమ్ ఛేంజర్' మూవీ విషయంలో ఏ మాత్రం ఉపయోగపడలేదు. మొదటి రోజే రూ. 186 కోట్ల భారీ కలెక్షన్లు రాబట్టడానికి కారణం రామ్ చరణ్ చరిష్మా. అయితే ఆ తర్వాత 'డాకు మహారాజ్', 'సంక్రాంతికి వస్తున్నాం' వంటి సినిమాలు ఒక్కో రోజు వ్యవధిలో రిలీజ్ కావడంతో, 'గేమ్ ఛేంజర్' కలెక్షన్లపై గట్టి దెబ్బ పడింది. ఫలితంగా పండగ సీజన్ అయినప్పటికీ 'గేమ్ ఛేంజర్' మూవీ పెద్దగా కలెక్షన్లను రాబట్టలేకపోయింది. </p>
<p><strong>'ఆర్సీ 16' షూటింగ్ అప్డేట్ </strong><br />ప్రస్తుతం రామ్ చరణ్ 'గేమ్ ఛేంజర్' రిజల్ట్ ని పక్కన పెట్టేసి, తన నెక్స్ట్ ప్రాజెక్ట్ పై దృష్టి పెట్టారు. ప్రస్తుతానికి 'ఆర్సీ 16' అనే వర్కింగ్ టైటిల్ తో పిలుచుకుంటున్న బుచ్చిబాబు - చరణ్ మూవీ షూటింగ్ ఇప్పటికే మొదలైంది. తాజా షెడ్యూల్ ని జనవరి 27 నుంచి హైదరాబాద్ లోని ఒక ఐకానిక్ బూత్ బంగ్లాలో మొదలు పెట్టబోతున్నట్టు తెలుస్తోంది.</p>
<p>Read Also: <a href="https://telugu.abplive.com/entertainment/cinema/bollywood-movies-2025-vicky-kaushal-rashmika-shahid-kapoor-pooja-hegde-among-nine-exciting-new-on-screen-pairings-to-look-forward-to-193410">Bollywood Movies: ప్రభాస్ - ఇమాన్వీ to విక్కీ - రష్మిక వరకు... 2025లో సిల్వర్ స్క్రీన్ మీద రొమాన్స్ చేసే ఫ్రెష్ జోడీలు</a></p>
10 months ago
7 
