<p><strong>Ennallo Vechina Hrudayam Serial Today Episode </strong> మెహందీ ఫంక్షన్‌లో త్రిపుర గిరి అరచేతిలో గద్ద బొమ్మ వేస్తుంది. గిరి వెనకేసుకొస్తాడు. తర్వాత గిరి నేను నీకు మెహందీ పెడతాను అని అంటాడు. త్రిపుర చేయి పట్టుకొని నీ చేయి మూలికల వాసన వస్తుంది ఆ వైద్య శాలకు వెళ్లావా అని గర్జించి అడుగుతాడు. త్రిపుర చేయి వదలమని త్రిపుర అన్న, తాత చెప్తే వదలను నేనే త్రిపురకు కాబోయే భర్తని అని కోన్ పెడతాడు. త్రిపుర బాధ పడుతుంది. గిరి వేసిన డిజైన్‌ బాగుందని రత్నమాల పొగిడేస్తుంది.</p>
<p>ఇక చిన్న దెయ్యం ఏది అని చిన్న కోడలు గురించి అడుగుతుంది. ఇంతలో గాయత్రీ నవ్వుకుంటూ ఇంటికి వస్తుంది. చిన్న కోడలా ఎక్కడికి వెళ్లావే అని అడిగుతుంది. ఇక రమాదేవి ఏంటే అలా నవ్వుతున్నావ్ అంటే ఈరోజు ఓ వీడియో చూసి నవ్వు ఆపుకున్నా ఆగడం లేదని అందరికీ పేరు పేరున వీడియో చూపిస్తుంది. బాల గిరిని చితక్కొట్టే వీడియో చూసి అందరూ నవ్వుతుంటే గిరి పరువు పోయినట్లు తల దించుకుంటాడు. తమాషాలా అని రత్నమాల అడిగితే గిరి గాయత్రీ మీదకు వెళ్లబోతే రత్నమాల ఆపుతుంది. రత్నమాల కొడుకుని తీసుకొని బయల్దేరితే రమాదేవి త్రిపురను వెళ్లమని చెప్తుంది. గిరి తన మనుషులతో ఈ రోజు వాడిని వదిలేదే లేదని అనడం త్రిపుర వింటుంది.</p>
<p>మరోవైపు గాయత్రీ అనంత్ ఓ చోట కలుసుకుంటారు. ఈ రోజు చాలా హ్యాపీగా ఉన్నావ్ అని అనంత్ గాయత్రీని అడిగితే దానికి గాయత్రీ నేను నవ్వితే మీకు నచ్చదా అని ప్రశ్నల మీద ప్రశ్నలు వేస్తుంది. ఇద్దరూ నడుచుకుంటూ మాట్లాడుతారు. </p>
<p><strong>అనంత్:</strong> మీరు ఎప్పుడూ ఇలా హ్యాపీగా ఉండాలి. మిమల్ని సంతోషంగా నేను చూసుకుంటా. <br /><strong>గాయత్రీ:</strong> థ్యాంక్స్ అండీ.<br /><strong>అనంత్:</strong> మిమల్ని జాగ్రత్తగా చూసుకోవడం నా రెస్పాన్స్ బిలిటీ. దానికి థ్యాంక్స్ ఎందుకు. <br /><strong>గాయత్రీ:</strong> థ్యాంక్స్ మీకు కాదండీ మీ అన్నయ్యకి. మీ అన్నయ్య మా ఊరిలో చాలా ఫేమస్. అని గాయత్రీ బాల గిరిని కొట్టే వీడియో చూపిస్తుంది. వీడో వేస్ట్ ఫెలో ఈ ఊరికి మహారాజులా ఊహించుకుంటాడు. మీ అన్నయ్య కొట్టడంతో వాడి తిక్క కుదిరింది.<br /><strong>అనంత్:</strong> అతన్ని కొట్టడం మీకు చాలా హ్యాపీగా ఉంది ఏంటి.<br /><strong>గాయత్రీ:</strong> అతనికి ఎదురు తిరిగే వాళ్లు లేరని రెచ్చిపోయేవాడు. ఆ వేస్ట్ ఫెలో గురించి ఇప్పుడు ఎందుకు కానీ నన్ను ఎందుకు పిలిచారు. <br /><strong>అనంత్:</strong> ల్యాండ్ రిజిస్ట్రేషన్‌ అయిపోయింది కదా థ్యాంక్స్ చెప్పాలని పిలిచాను. మీకు ఒక విషయం చెప్పాలి. నేను ఇచ్చిన గిఫ్ట్ చూశారా. <br /><strong>గాయత్రీ:</strong> చూశాను. <br /><strong>అనంత్:</strong> అందులో మీకు ఏం కనిపించలేదా.<br /><strong>గాయత్రీ:</strong> నేను మీకు ఒక పజిల్ ఇచ్చాను కదా మీకు అర్థం కాలేదా. <br /><strong>అనంత్:</strong> ఆ కోడ్‌ని డీ కోడ్ చేశా. అది మీరు ఎందుకు ఇచ్చారో తెలుసుకున్నా. <br /><strong>గాయత్రీ:</strong> మీరు ఇచ్చిన దానికి రిప్లే అది మీరే ముందు చెప్పారు కాబట్టి మీరే చెప్పండి.</p>
<p>చెప్పేయనా చెప్పేయనా అని అనంత్ గాయత్రీ వెనక పరుగులు పెడతాడు. తర్వాత ఓ చోట గాయత్రీని అనంత్ వెనక నుంచి పట్టుకుంటాడు. ఇద్దరూ పరుగులు తీసి చెమటలు పట్టేస్తారు. గాయత్రీ వెళ్లబోతే అనంత్ చేయి పట్టుకొని ఆపి ఐలవ్‌యూ అని చెప్తే గాయత్రీ కూడా ఐలవ్యూ అని చెప్తుంది. ఇద్దరూ ఐలవ్యూ చెప్పుకొని పెద్దగా అరిచి హగ్ చేసుకుంటారు. మరోవైపు బాలని గిరి బావ ఏమైనా చేస్తాడని బాల అమాయకుడు బాలకి ఏం కాకూడని అనుకుంటుంది. బాల ఇంట్లో వాళ్లకి విషయం చెప్పాలని ఎవరూ చూడకుండా ఇంటి నుంచి బయటకు వెళ్తుంది. మరోవైపు బాల బర్త్‌డే ఏర్పాట్లు చాలా గ్రాండ్‌గా జరుగుతాయి, ఇంటి బయట ఫుల్‌గా బెలూన్ డెకరేషన్ చేసి లైట్లు పెడతారు. వాటిని చూసి బాల మురిసి పోతాడు. సందరి సాయంత్రం వస్తానని చెప్పింది ఇంకా రాలేదని బాధ పడతాడు. సుందరి వస్తే అందరికీ పరిచయం చేసి కేక్ కట్ చేసి ఫొటోలు దిగాలని అనుకుంటాడు. </p>
<p>మరోవైపు నాగభూషణం, వాసుకిలు ఏర్పాట్లు చూసి వీడికి ఇంత హడావుడి అవసరమా అనుకొని స్నో స్ఫ్రే బాటిలో తీసుకొని వాడి సంగతి తీసుకొని బాల దగ్గరకు వెళ్తాడు. వాసుకి వద్దు వాడితో పెట్టుకోవొద్దని అంటుంది. అయినా వినకుండా నాగ వెళ్తాడు. ఇది ఎలా వాడాలి అంటే దాన్ని బాల తీసుకొని ముఖం మొత్తం పూసేస్తాడు. అందరూ వచ్చి ఏంటి నాన్న బాబాయ్‌తో ఇలా చేయకూడదు అంటే బాబాయ్ దీన్ని ఎలా వాడాలా అన్నాడు చూపించాను అంటాడు. ఇక బాల నాగ ముక్కకి జోకర్‌లా క్లిప్ పెట్టి బాబాయ్ జోకర్ అని గెంతులేస్తాడు. మరోవైపు గిరి వాళ్లు వస్తారు. బాల ఇంట్లో హడావుడి చూసి ఏంట్రా ఇది అంటే వాడి పుట్టిన రోజు అంట అని రౌడీలు చెప్తారు. ఇక గిరి బాలని అడవిలోకి తీసుకెళ్లి చంపమని చెప్తాడు. దాంతో గిరి రౌడీలు ఎలుగుబంటి, టెడ్డీ బియర్‌ల డ్రస్‌లు వేసుకొని బాలని ఆడిస్తూ తీసుకెళ్లే ప్రయత్నం చేస్తారు. మరోవైపు గాయత్రీ అక్కడికి వస్తుంది. బావని చూసి ఆగిపోతుంది. వాళ్లతో ఆడుకుంటూ బాల గిరి కారు దగ్గరకు వెళ్లిపోతాడు. రౌడీలు బాలని ఎత్తుకొని తీసుకెళ్లిపోతారు. దీంతో ఇవాళ్టి ఎపిసోడ్ పూర్తయిపోతుంది. </p>
<p><strong>Also Read: సత్యభామ సీరియల్: క్రిష్‌ని తన్ని నిజం బయట పెట్టేసిన 'రౌడీ'దేవయ్య.. గుండె బాధుకొని ఏడ్చి కాళ్లవేళ్లా పడిన క్రిష్!</strong></p>
9 months ago
7 
