<p><strong>Dussehra Navratri Day 6 Paravannam Recipe :</strong> దసరా నవరాత్రుల్లో ఆరో రోజు శ్రీ సరస్వతి దేవిని భక్తిశ్రద్ధలతో పూజిస్తారు. ఈ సందర్భంగా అమ్మవారికి ప్రత్యేక నైవేద్యాలు సమర్పిస్తారు. పరవాన్నంతో పాటు అటుకులు, బెల్లం, శనగపప్పు, కొబ్బరిని కూడా నైవేద్యంగా పెట్టుకోవచ్చు. మరి ఇంట్లోనే తియ్యగా, రుచిగా పరవాన్నం ఎలా తయారు చేయాలో.. కావాల్సిన పదార్థాలు, తయారీ విధానం తెలుసుకుందాం.</p>
<h3>పరవాన్నం తయారీకి కావాల్సిన పదార్థాలు</h3>
<p>బియ్యం - అర కప్పు</p>
<p>పాలు - 2 కప్పులు</p>
<p>నీళ్లు - 1 కప్పు</p>
<p>బెల్లం తురుము - అర కప్పు లేదా రుచికి సరిపడా</p>
<p>నెయ్యి - 2 టేబుల్ స్పూన్లు</p>
<p>జీడిపప్పు - 10</p>
<p>ఎండు ద్రాక్ష - 10</p>
<p>యాలకుల పొడి - పావు టీస్పూన్</p>
<p>తురిమిన కొబ్బరి - 2 టేబుల్ స్పూన్లు</p>
<p><strong>Also Read : <a href="https://telugu.abplive.com/lifestyle/dussehra-2024-special-recipes-for-prasadam-here-is-the-nuvvula-annam-recipe-182259" target="_blank" rel="noopener">దసరా ప్రసాదాల్లో నువ్వులన్నం ఉండాల్సిందే.. అమ్మవారికి నచ్చేలా ఇలా చేసేయండి, రెసిపీ ఇదే</a></strong></p>
<h3>పరవాన్నం తయారీ విధానం</h3>
<p>ముందుగా బియ్యాన్ని రెండు మూడు సార్లు శుభ్రంగా కడిగి పక్కన పెట్టుకోవాలి. మందపాటి గిన్నె లేదా ప్రెషర్ కుక్కర్‌లో బియ్యం, నీళ్లు వేసి మెత్తగా ఉడికించాలి. పరవాన్నం రుచిగా రావాలంటే బియ్యం బాగా మెత్తబడేలా చూసుకోవాలి. బియ్యం ఉడికిన తర్వాత పాలు పోసి తక్కువ మంటపై మరిగించాలి. అడుగున అంటుకోకుండా మధ్య మధ్యలో కలుపుతూ ఉండాలి. పాలు, బియ్యం బాగా కలిసిపోయి మిశ్రమం కొద్దిగా చిక్కబడే వరకు ఉడికించాలి.</p>
<p>మరో గిన్నెలో కొద్దిగా నీళ్లు పోసి బెల్లం తురుము వేసి కరిగించాలి. అవసరమైతే వడకట్టి బెల్లం పాకాన్ని సిద్ధం చేసుకోవాలి. బియ్యం, పాలు మిశ్రమం కొద్దిగా చల్లారిన తర్వాత బెల్లం పాకాన్ని కలపాలి. ఇలా చేస్తే పాలు విరిగిపోయే అవకాశం తగ్గుతుంది. తర్వాత తక్కువ మంటపై మరో రెండు మూడు నిమిషాలు కలుపుతూ వేడి చేయాలి.</p>
<p><strong>Also Read : <a href="https://telugu.abplive.com/lifestyle/dussehra-2024-special-chitti-garelu-for-naivedyam-here-is-the-back-story-and-recipe-182393" target="_blank" rel="noopener">దసరా సమయంలో అమ్మవారికి చిట్టిగారెలు ఎందుకు పెడతారో తెలుసా? ఇలా చేసి నైవేద్యంగా సమర్పిస్తే</a></strong></p>
<p>చిన్న పాన్‌లో నెయ్యి వేసి వేడి చేయాలి. అందులో జీడిపప్పు వేసి బంగారు రంగు వచ్చే వరకు వేయించాలి. తర్వాత ఎండు ద్రాక్ష వేసి అవి కొద్దిగా ఉబ్బే వరకు వేయించాలి. ఈ మిశ్రమాన్ని పరవాన్నంలో వేసి కలపాలి. చివరగా యాలకుల పొడి, తురిమిన కొబ్బరి వేసి బాగా కలపాలి. కొబ్బరి లేకున్నా.. వేయకున్నా కూడా పరవాన్నం రుచిగానే ఉంటుంది. మరో నిమిషం పాటు తక్కువ మంటపై ఉంచి స్టవ్ ఆఫ్ చేయాలి. అంతే.. పూజకు నైవేద్యంగా సమర్పించేందుకు తియ్యటి పరవాన్నం రెడీ. </p>
<p>శ్రీ సరస్వతీ దేవికి పరవాన్నంతో పాటు అటుకులు, బెల్లం, శనగపప్పు, కొబ్బరిని కూడా వేర్వేరుగా నైవేద్యంగా సమర్పిస్తారు. కాబట్టి పూజకు ముందే వాటిని శుభ్రంగా సిద్ధం చేసుకుని.. భక్తిశ్రద్ధలతో అమ్మవారికి నైవేద్యం పెట్టుకోవాలి.</p>
<p><strong>Also Read : <a href="https://telugu.abplive.com/lifestyle/dussehra-2026-day-5-special-recipes-pesara-burelu-and-pulihora-for-sri-lalitha-tripura-sundhari-devi-naivedyam-261508" target="_blank" rel="noopener">అమ్మవారికి 5వ రోజు పెట్టాల్సిన నైవేద్యం ఇదే.. శ్రీ లలితా త్రిపుర సుందరి దేవి కోసం పులిహోర, పెసర బూరెలు</a></strong></p>
2 weeks ago
2 
