<p><strong>Dr. Vikrant Singh 6-Year Diet Routine :</strong> డాక్టర్ విక్రాంత్ సింగ్ చాలామంది తెలుగు వారికి తెలిసిన ఫేమస్ డాక్టర్. కరీంనగర్కు చెందిన వారే అయినా.. ఇన్స్టాగ్రామ్ ద్వారా ఎక్కువమందికి రీచ్ అయ్యారు. ఆయన ఇచ్చే హెల్త్ టిప్స్, వంట నూనె గురించి ఆయన చేసే రీల్స్ చాలా వైరల్ అయ్యాయి. తీసుకునే ఆహారం, డ్రింక్స్, లైఫ్ స్టైల్ గురించి పలు సూచనలు చేసే ఆయన.. తాజాగా ఆయన డైలీ ఏమి తింటారో తెలిపారు. మరి ఈ డాక్టర్ ఫాలో అయ్యే డైట్ ఏంటో.. ఆయనకు ఎలాంటి ప్రయోజనాలు లభించాయో.. దీనిని ఎవరు ఫాలో అవ్వాలో, అవ్వకూడదో చూసేద్దాం.</p>
<h3>డాక్టర్ విక్రాంత్ డైట్..</h3>
<p>డాక్టర్ విక్రాంత్ ఆస్పత్రికి వచ్చే ముందు.. 11 గంటల సమయంలో కొంచెం అన్నం.. ఎక్కువ కూర, ఎక్కువ పెరుగు తింటారని తెలిపారు. పైగా కూర కూడా నాన్వెజ్ తింటారట. నేను నాన్ వెజిటేరియన్, వెజిటేరియన్ కాదు కాబట్టి పుష్కలంగా నాన్వెజ్ తింటాను. వెజిటెబుల్స్ తినను. అవి నాకు పడవు అని చెప్పారు. తక్కువ అన్నంలో ఎక్కువ కూర.. ఎక్కువ పెరుగు వేసుకుని మాత్రమే తింటాను. అంతే. మళ్లీ రాత్రి మూడు లేదా నాలుగు ఉడికించిన కోడిగుడ్లు తింటాను. లోపలి పూర్ణంతో సహా తింటాను అని తెలిపారు. రోజు మొత్తంలో ఆయన ఇవే తింటారట. అలాగే ఉదయాన్నే పరగడుపుతో బ్లాక్ కాఫీ తాగుతారట. అదీ కూడా షుగర్ లేకుండా నెయ్యి వేసుకుని. </p>
<div style="width: 600px; max-width: 100%; height: 400px; overflow: hidden; margin: 0 auto;">
<blockquote class="instagram-media" style="background: #fff; border: 0; border-radius: 3px; box-shadow: 0 0 1px 0 rgba(0,0,0,.5),0 1px 10px 0 rgba(0,0,0,.15); margin: 0; min-width: 0; max-width: 600px; width: 600px; height: 400px; overflow: hidden;" data-instgrm-permalink="https://www.instagram.com/reel/DZxNDWpSvaj/?utm_source=ig_web_button_share_sheet" data-instgrm-version="14"><a style="display: block; width: 100%; height: 100%; text-decoration: none; color: #3897f0; font-family: Arial,sans-serif; text-align: center; padding: 24px; box-sizing: border-box;" href="https://www.instagram.com/reel/DZxNDWpSvaj/?utm_source=ig_web_button_share_sheet" target="_blank" rel="noopener noreferrer">View this post on Instagram</a></blockquote>
</div>
<p>
<script src="https://www.instagram.com/embed.js" async=""></script>
</p>
<div style="overflow: auto; position: absolute; height: 0; width: 0;"><a href="https://www.poper.ai/tools/embed-instagram-post/">Embed Instagram Post</a></div>
<h3>ఆరేళ్లుగా ఇదే డైట్</h3>
<p>నేను తినేది ఇది. అందరూ ఇవే తినమని చెప్పట్లేదని అదే వీడియోలో తెలిపారు డాక్టర్ విక్రాంత్. అంతేకాకుండా దీనిని 6 ఏళ్లుగా కంటిన్యూ చేస్తున్నానని.. దీనిని ఫాలో అవ్వడం వల్ల <a href="https://telugu.abplive.com/lifestyle/doctor-seshi-kiran-shares-important-food-tips-to-control-blood-sugar-and-blood-pressure-248575" target="_blank" rel="noopener">బీపీ, షుగర్ అదుపులోకి</a> వచ్చాయని తెలిపారు. ఇలా తింటే బరువు పెరగరు, వీక్నెస్ రాదు అని తెలిపారు. కానీ దీనినే ఫాలో అవ్వాలనకుంటే మాత్రం కచ్చితంగా వైద్యుల సలహా తీసుకోవాల్సిందేనని సూచించారు. </p>
<h3>డాక్టర్ విక్రాంత్ డైట్పై ఫిట్నెస్ నిపుణులు ఏమంటున్నారంటే.. </h3>
<p>డాక్టర్ విక్రాంత్ షేర్ చేసిన ఈ డైట్ గురించి సెలబ్రెటీ ఫిట్నెస్ కోచ్ విశ్వ రెస్పాండ్ అయ్యారు. డాక్టర్ తీసుకునేది లోకార్బ్ డైట్ అని.. మీ డైట్లో నుంచి ఒకేసారి కార్బ్ పూర్తిగా తీసేశారో అప్పుడు వాటర్ లాస్, వెయిట్ లాస్ జరుగుతుందని తెలిపారు. అలాగే డాక్టర్ తన ప్రీడయాబెటిస్, బీపీ రివర్స్ అయిందన్నారు.. దాని గురించి చెప్పాలంటే పరిశోధనల ప్రకారం.. మీరు బరువు కాస్త తగ్గితే.. బీపీ, షుగర్ అనేవి కంట్రోల్ అవుతాయని తెలిపారు. అంత మాత్రాన దీనిని అందరూ ఫాలో అవ్వకూడదని తెలిపారు విశ్వ. </p>
<h3>ఫైబర్ తీసుకుంటే మరీ మంచిది</h3>
<p>ఫిట్నెస్ కోచ్గా ఇలాంటి డైట్ ఫాలో అయ్యేవారికి నేను ఇచ్చే సూచన ఏదైనా ఉంది అంటే.. అది ఫైబర్ అని తెలిపారు. డాక్టర్ ఫైబర్ తనకి అవసరం లేదు తినను అంటున్నారు కానీ.. మన డైట్లో కచ్చితంగా <a href="https://telugu.abplive.com/lifestyle/healthy-food-sources-for-weight-loss-diet-including-protein-carbohydrates-fiber-and-fats-205423" target="_blank" rel="noopener">ఫైబర్</a> ఉండేలా చూసుకోవాలని విశ్వ తెలిపారు. స్టడీల ప్రకారం ఫైబర్ తీసుకుంటే మెటబాలీజం పెరుగుతుందని తెలిపారు. ఫైబర్ తీసుకోవడం వల్ల మలబద్ధకం ఒకటే కాదు.. హార్ట్ హెల్త్, గట్ హెల్త్ కూడా మెరుగుపడుతుందని వివరించారు. </p>
<p>డాక్టర్ విక్రాంత్ బాడీకి సెట్ అయినట్లు ఈ డైట్ అందరికీ సెట్ కాదని.. లిమిటెడ్గా బ్యాలెన్స్ డైట్ తీసుకుంటే ఆరోగ్యానికి మేలు జరుగుతుందని తెలిపారు విశ్వ. ఈ ఫైబర్ కూడా డాక్టర్ తన డైట్లో యాడ్ చేసుకుంటే మరిన్ని మంచి ఫలితాలు చూడగలుగుతారని సూచించారు.</p>
<p><iframe class="vidfyVideo" style="border: 0px;" src="https://telugu.abplive.com/web-stories/lifestyle/green-tea-for-30-days-benefits-you-may-notice-in-your-body-251235" width="631" height="381" scrolling="no"></iframe></p>
<p><strong><a href="https://telugu.abplive.com/lifestyle" target="_blank" rel="noopener">మరిన్ని హెల్త్ ఆర్టికల్స్, ఇంటి చిట్కాల కోసం దీనిని క్లిక్ చేయండి. </a></strong></p>
<div><strong>గమనిక :</strong> ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.</div>
4 months ago
10 
