Diwali Celebrations : ఆ దేశంలో దీపావళి 5 రోజులు.. ఒక్కోరోజు ఒక్కో ప్రత్యేకత.. కాకులకు ఫుడ్ పెడతారట, ఎందుకో తెలుసా?

<p style="text-align: justify;"><strong>Diwali Celebrations in Nepal :</strong> దీపావళి వెలుగుల పండుగ. దీనిని ప్రతి సంవత్సరం కార్తీక మాసంలోని అమావాస్య రోజున జరుపుకుంటారు. ఈ సంవత్సరం దీపావళి అక్టోబర్ 20వ తేదీన వచ్చింది. భక్తులు ఈ శుభ పర్వదినాన లక్ష్మీ దేవిని పూజ చేస్తారు. మరికొందరు విఘ్నాలను తొలగించే గణేశుడికి పూజలు చేస్తారు. దాదాపు దీపావళిని ఇండియాలోనే జరుపుకుంటారు. అయితే మీకు తెలుసా? దీపావళిని నేపాల్​లో కూడా జరుపుకుంటారు. కానీ దీనిని&nbsp; ప్రత్యేకమైన పద్ధతిలో జరుపుకుంటారు. దీపావళిని నేపాల్&zwnj;లో తిహార్ అని పిలుస్తారు. అలాగే దీనిని ఐదు రోజులు జరుపుకుంటారు. మరి ఈ తిహార్ గురించిన ఇంట్రెస్టింగ్ విషయాలు ఇప్పుడు తెలుసుకుందాం.&nbsp;</p> <h3 style="text-align: justify;">తిహార్ అంటే ఏమిటి?</h3> <p style="text-align: justify;">తిహార్&zwnj;ని యమ పంచక్ అని కూడా అంటారు. దీనివెనుక యమరాజు, అతని సోదరి యమునతో ముడిపడిన కథ ఉందని చెప్తారు. ఈ పండుగ ప్రకృతి, జీవుల పట్ల గౌరవాన్ని సూచిస్తుందని భావిస్తారు. ఈ పండుగలో 5 రోజులు.. ఒక్కోరోజు ఒక్కో ప్రత్యేక ఆచారం ఫాలో అవుతారు. అవేంటో చూసేద్దాం.&nbsp;&nbsp;</p> <h3 style="text-align: justify;"><strong>మొదటి రోజు కాగ్ తిహార్</strong></h3> <p style="text-align: justify;">తిహార్ మొదటి రోజును కాగ్ తిహార్ అంటారు. ఇది కాకులకు అంకితం చేశారు. వాస్తవానికి కాకులను యముడి దూతలుగా భావిస్తారు. ఈ రోజున భక్తులు.. కాకులకు మిఠాయిలు, ధాన్యం తినిపిస్తారు. ఇలా చేయడం వల్ల రానున్న రోజుల్లో తమ ఇళ్లలో దుఃఖం తొలగిపోతుందని, అదృష్టం వస్తుందని భావిస్తారు.&nbsp;&nbsp;</p> <h3 style="text-align: justify;"><strong>రెండవ రోజు కుక్కూర్ తిహార్&nbsp;</strong></h3> <p style="text-align: justify;">రెండవ రోజు కుక్కూర్ తిహార్ జరుపుకుంటారు. ఇది కుక్కలకు అంకితం చేశారు. కుక్కలను యమరాజు రక్షకులుగా, దూతలుగా భావిస్తారు. శునకాల నుదుటిపై తిలకం పెడతారు. వాటికి రుచికరమైన ఆహారం అందిస్తారు.&nbsp;</p> <h3 style="text-align: justify;"><strong>మూడవ రోజు గాయ్ తిహార్&nbsp;</strong></h3> <p style="text-align: justify;">మూడవ రోజున ఆవులను పూజిస్తారు. ఆవులు హిందూ సంస్కృతిలో ధనం, సమృద్ధికి చిహ్నంగా చెప్తారు. సాయంత్రం ఇళ్లను దీపాలు, లైట్లతో అలంకరిస్తారు. లక్ష్మీ పూజ చేస్తారు.</p> <h3 style="text-align: justify;"><strong>నాల్గవ రోజు గోరు తిహార్&nbsp;</strong></h3> <p style="text-align: justify;">నాలుగో రోజు ఎద్దులకు అంకితం చేశారు. వ్యవసాయంలో ఎద్దుల కష్టానికి గౌరవం ఇవ్వడానికి ఈ రోజు అంకితం చేశారు. మానవ జీవనోపాధిని కొనసాగించడంలో జంతువుల ముఖ్యమైన పాత్ర, వాటి పట్ల కృతజ్ఞతను తెలిపేందుకు వీటిని నిర్వహిస్తారు.</p> <h3 style="text-align: justify;"><strong>ఐదవ రోజు భాయ్ దూజ్&nbsp;</strong></h3> <p style="text-align: justify;">ఐదవ రోజున భాయ్ దూజ్ జరుపుకుంటారు. ఇది సోదర సోదరీమణుల మధ్య పవిత్రమైన బంధానికి సంబంధించిన వేడుక. ఈ రోజున సోదరీమణులు తమ సోదరుల నుదుటిపై తిలకం పెడతారు. వారి దీర్ఘాయువు, శ్రేయస్సు కోసం పూజలు చేస్తారు. సోదరులు తమ సోదరీమణులకు బహుమతులు ఇస్తారు. ఓ రకంగా ఇది మన రాఖీ పండుగలాంటిది.&nbsp;</p> <p style="text-align: justify;">ఈ విధంగా నేపాల్​లో దీపావళి సమయంలో తిహార్ జరుపుకుంటారు. దేశాలు మారినా.. పండుగల్లో మార్పులు ఉన్నా.. అందరూ కోరేది శ్రేయస్సే.&nbsp;</p> <p style="text-align: justify;"><iframe class="vidfyVideo" style="border: 0px;" src="https://telugu.abplive.com/web-stories/lifestyle/protect-your-hair-from-diwali-celebrations-184413" width="631" height="381" scrolling="no"></iframe></p>