<p style="text-align: left;">తెలుగులో మెగా ప్రిన్స్ వరుణ్ తేజ్ సరసన 'లోఫర్', రెబల్ స్టార్ ప్రభాస్ 'కల్కి 2898 ఏడీ' సినిమాల్లో నటించిన బాలీవుడ్ బ్యూటీ దిశా పటాని గుర్తు ఉందా? కొన్ని రోజులుగా ఆవిడ వైరల్ అవుతోంది. అందుకు రీజన్... డేటింగ్ రూమర్స్. సింగర్ తల్విందర్ సింగ్ సిద్ధు (Talwinder Singh Sidhu)తో దిశా పటాని డేటింగ్ చేస్తున్నట్లు పుకార్లు వినిపిస్తున్నాయి. కృతి సనన్ చెల్లెలు నూపుర్ సనన్ వివాహంలో తల్విందర్, దిశ కలిసి కనిపించిన తర్వాత... వారిద్దరూ రిలేషన్షిప్‌లో ఉన్నారని బాలీవుడ్‌లో ప్రచారం మొదలైంది. ఇప్పుడు ఓ ఇంటర్వ్యూలో దిశాతో డేటింగ్ వ్యవహారంపై వస్తున్న పుకార్లపై తల్విందర్ స్పందించారు.</p>
<p style="text-align: left;"><strong>దిశాతో డేటింగ్ రూమర్స్... తల్విందర్ ఏమన్నారంటే?</strong> <br />'ది హాలీవుడ్ రిపోర్టర్ ఇండియా'కు ఇచ్చిన ఇంటర్వ్యూలో... 'నిజంగా దిశాతో రిలేషన్షిప్‌లో ఉన్నారా?' అని ప్రశ్నించగా... ''మేం ఆ పెళ్లి (నుపూర్ సనన్ వివాహం)కి కొద్ది రోజుల ముందు ఒకరినొకరు తెలుసుకోవడం ప్రారంభించాం. మేం ఊహించని విధంగా జనాల దృష్టి మాపై పడింది. ఒత్తిడికి గానీ, పుకార్లకు గానీ మేం లొంగిపోకూడదని అనుకుంటున్నాం. ఇప్పటికీ ఒకరినొకరు తెలుసుకునే క్రమంలో ఉన్నాం. మమ్మల్ని మేం అర్థం చేసుకోవడానికి ప్రయత్నిస్తున్నాం. ప్రస్తుతానికి ఇంతకు మించి ఏమీ చెప్పలేను. పుకార్లను పుకార్లుగానే ఉంచుతాను'' అని తల్విందర్ చెప్పారు. 'ప్రస్తుతం ప్రేమ, సంబంధాల గురించి ఆలోచిస్తున్నారా?' అని అడగ్గా... "ప్రతి రోజూ ప్రేమలో పడుతున్నాను.. నేను ఇప్పటికీ ప్రేమలో ఉన్నాను" అని తెలివిగా బదులిచ్చారు తల్విందర్.</p>
<p style="text-align: left;">Also Read<strong>: <a title="Barabar Premistha Controversy: బూతు పాటపై విమర్శలు... వెనక్కి తగ్గని యాటిట్యూడ్ స్టార్... అసలు ఏంటీ బరాబర్ కాంట్రవర్సీ?" href="https://telugu.abplive.com/entertainment/cinema/barabar-premistha-controversy-attitude-star-chandrahass-faces-backlash-over-explicit-gunji-gunji-song-jd-chakravarthy-reaction-goes-viral-237034" target="_self">Barabar Premistha Controversy: బూతు పాటపై విమర్శలు... వెనక్కి తగ్గని యాటిట్యూడ్ స్టార్... అసలు ఏంటీ బరాబర్ కాంట్రవర్సీ?</a></strong></p>
<p style="text-align: left;"><strong>తల్విందర్, దిశ డేటింగ్ పుకార్లు ఎప్పుడు మెదలయ్యాయ్?</strong><br />దిశా పటాని, తల్విందర్ డేటింగ్ చేస్తున్నారనే పుకార్లు మొదటగా ఉదయపూర్‌లో నూపుర్ సనన్, స్టెబిన్ బెన్ల వివాహ వేడుకల్లో కలిసి కనిపించినప్పట్నుంచి మొదలు అయ్యాయి. ఆ పెళ్లి జరిగిన వారానికి మరో వేడుకలో ప్రేక్షకులకు చేతిలో చెయ్యి వేసుకుని నడుస్తున్నప్పుడు కనిపించారు. ఇంతకు ముందు బాలీవుడ్ నటుడు టైగర్ ష్రాఫ్‌తో దిశా పటాని రిలేషన్షిప్‌లో ఉంది. అయితే, 2022లో వీరిద్దరూ విడిపోయారు.</p>
<p style="text-align: left;">Also Read<strong>: <a title="Balakrishna New Movie: బాలకృష్ణ సినిమా కథ మారిందండోయ్... ప్లాన్ మార్చిన గోపీచంద్ మలినేని" href="https://telugu.abplive.com/entertainment/cinema/balakrishna-nbk111-takes-new-turn-from-dual-role-historical-to-mass-action-director-gopichand-malineni-reportedly-revamps-script-237012" target="_self">Balakrishna New Movie: బాలకృష్ణ సినిమా కథ మారిందండోయ్... ప్లాన్ మార్చిన గోపీచంద్ మలినేని</a></strong></p>
<p style="text-align: left;"><iframe class="vidfyVideo" style="border: 0px;" src="https://telugu.abplive.com/web-stories/cinema/actress-disha-patani-education-qualification-is-here-know-her-academic-career-237039" width="631" height="381" scrolling="no"></iframe></p>
2 months ago
8 
