<p><strong>Amruta Fadnavis Comments on Delhi Visit: </strong>దేశవ్యాప్తంగా పెను సంచలనం సృష్టించిన నీట్ ప్రవేశ పరీక్షల ప్రశ్నాపత్రాల లీకేజీ వివాదం, జెన్‌జీ విద్యార్థుల సుదీర్ఘ పోరాటం తీవ్రరూపం దాల్చడంతో కేంద్ర విద్యాశాఖ మంత్రి ధర్మేంద్ర ప్రధాన్ ఎట్టకేలకు తన పదవికి రాజీనామా చేశారు. ఢిల్లీలోని జంతర్ మంతర్ వద్ద జూలై 20న విద్యార్థులపై జరిగిన లాఠీఛార్జ్ అనంతరం ఈ ఉద్యమం దేశవ్యాప్తంగా దవానలంలా వ్యాపించింది. సామాజిక వేత్త సోనమ్ వాంగ్‌చుక్ తన నిరసన ఉపవాసాన్ని విరమించినప్పటికీ ఉద్యమ తీవ్రత తగ్గకపోవడంతో పాటు ప్రతిపక్ష <a title="కాంగ్రెస్" href="https://telugu.abplive.com/topic/Congress" data-type="interlinkingkeywords">కాంగ్రెస్</a>, ఇతర ప్రాంతీయ పార్టీల నుంచి ఒత్తిడి తీవ్రం కావడంతో కేంద్ర ప్రభుత్వం దిగిరాక తప్పలేదు. ఈ పరిణామం విద్యార్థి లోకం సాధించిన చారిత్రాత్మక విజయంగా రాజకీయ వర్గాలు అభివర్ణిస్తున్నాయి.</p>
<p><strong>ప్రధాన్ రాజీనామాతో మహారాష్ట్ర రాజకీయాల్లో కీలక పరిణామాలు</strong></p>
<p>ధర్మేంద్ర ప్రధాన్ రాజీనామా ఆమోదం పొందిన వెంటనే మహారాష్ట్ర రాజకీయాల్లో ఊహించని సంచలనాత్మక పరిణామాలు చోటుచేసుకున్నాయి. ఆషాఢీ ఏకాదశి పవిత్ర సమయాన్ని పురస్కరించుకుని శనివారం పండరీపురంలోని విఠల్ రుక్మిణి ఆలయంలో తన భార్య అమృతా ఫడ్నవీస్‌తో కలిసి ప్రతిష్టాత్మక పూజలు నిర్వహించిన మహారాష్ట్ర ముఖ్యమంత్రి దేవేంద్ర ఫడ్నవీస్.. మధ్యాహ్నం 1 గంటల ప్రాంతంలో సోలాపూర్ నుంచి హుటాహుటిన ప్రత్యేక విమానంలో ఢిల్లీకి బయలుదేరారు. కేంద్ర బిజెపి అధిష్టానం నుంచి వచ్చిన అత్యవసర పిలుపుమేరకే ఆయన ఢిల్లీకి చేరుకున్నట్లు సమాచారం. </p>
<blockquote class="twitter-tweet">
<p dir="ltr" lang="en">VIDEO | Mumbai: As Union Education Minister Dharmendra Pradhan resigns, Shiv Sena (UBT) MP Sanjay Raut (<a href="https://x.com/rautsanjay61?ref_src=twsrc%5Etfw">@rautsanjay61</a>) claims, “Devendra Fadnavis can be given Education Ministry.”<br /><br />(Full video available on PTI Videos - <a href="https://t.co/n147TvrpG7">https://t.co/n147TvrpG7</a>) <a href="https://t.co/q60IznYObs">pic.twitter.com/q60IznYObs</a></p>
— Press Trust of India (@PTI_News) <a href="https://x.com/PTI_News/status/2080962486162071916?ref_src=twsrc%5Etfw">July 25, 2026</a></blockquote>
<p><strong>విద్యామంత్రిగా ఫడ్నవీస్ ను తీసుకుంటారా? </strong></p>
<p>కేంద్ర విద్యాశాఖ ఖాళీ అయిన నేపథ్యంలో దేవేంద్ర ఫడ్నవీస్‌ను కేంద్ర మంత్రివర్గంలోకి తీసుకుని విద్యాశాఖ బాధ్యతలు అప్పగించవచ్చనే ప్రచారం ముమ్మరంగా సాగుతోంది. శశిథరూర్, సంజయ్ రౌత్ వంటి ప్రతిపక్ష నేతలు కూడా ఫడ్నవీస్ కేంద్రంలోకి వెళ్లే అవకాశం ఉందంటూ వ్యాఖ్యానించారు. ఢిల్లీ స్థాయిలో జరుగుతున్న పరిణామాల దృష్ట్యా కేంద్ర ప్రభుత్వం పలు కీలక మార్పులు చేయాల్సి వస్తోంది, అయితే ఫడ్నవీస్ ఢిల్లీ పర్యటన వెనుక అసలు వ్యూహం త్వరలోనే స్పష్టమయ్యే అవకాశం ఉందని రాజకీయవర్గాలు చెబుతున్నాయి. </p>
<blockquote class="twitter-tweet">
<p dir="ltr" lang="en">Devendra Fadnavis may take charge as central Educational Minister after resign of Dharmendra Pradhan..<br />Eknath Shinde may sworn as Chief Minister of Maharashtra..<a href="https://x.com/hashtag/Dharmendra?src=hash&ref_src=twsrc%5Etfw">#Dharmendra</a> <a href="https://x.com/hashtag/Maharashtra?src=hash&ref_src=twsrc%5Etfw">#Maharashtra</a></p>
— Abhijeet Pabale (@abhijeet_pabale) <a href="https://x.com/abhijeet_pabale/status/2080970285755351118?ref_src=twsrc%5Etfw">July 25, 2026</a></blockquote>
<p><strong>మహారాష్ట్ర సీఎంగానే ఉంటారంటున్న అమృతా ఫడ్నవీస్ </strong></p>
<p>మరోవైపు, ఈ ఊహాగానాలపై దేవేంద్ర ఫడ్నవీస్ భార్య అమృతా ఫడ్నవీస్ ఆసక్తికర వ్యాఖ్యలు చేశారు. ఫడ్నవీస్ కేంద్ర రాజకీయాల్లోకి వెళ్తారా అన్న మీడియా ప్రశ్నకు స్పందిస్తూ.. మేము మహారాష్ట్రలోనే ఉండాలనుకుంటున్నాము, నేను దేవేంద్రజీని మహారాష్ట్రలోనే ఉంచుతాను అని రెండు ముక్కల్లో తన అభిప్రాయాన్ని స్పష్టం చేశారు. అదే సమయంలో విద్యార్థుల ఆందోళనపై వ్యాఖ్యానిస్తూ, పేపర్ లీకేజీలకు స్వస్తి పలికి విద్యార్థుల కష్టానికి తగిన న్యాయం జరిగేలా ప్రభుత్వం చర్యలు తీసుకుంటోందని, అయితే ఆందోళనల్లో హింస చోటుచేసుకోవడం విచారకరమని ఆమె పేర్కొన్నారు.</p>
<p>ఈ పరిణామాల నడుమ, మహారాష్ట్రలో రాజకీయ వేడి మరింత రగిలింది. నీట్ వ్యవహారంలో ఉద్ధవ్ ఠాక్రే, రాజ్ ఠాక్రే శని, ఆదివారాల్లో ముంబైలో భారీ తిరంగా మార్చ్ నిరసన ప్రదర్శనకు పిలుపునిచ్చారు. ఈ ముంబై మార్చ్ భారీ ప్రజా సమీకరణకు దారితీసే అవకాశం ఉన్నందున, రాష్ట్రంలో శాంతిభద్రతలు, రాజకీయ సమీకరణాలపై కేంద్ర అగ్రనాయకత్వంతో చర్చించేందుకే ఫడ్నవీస్ ఢిల్లీ వెళ్లారనే అభిప్రాయం కూడా వ్యక్తమవుతోంది. ఢిల్లీ భేటీల అనంతరం కేంద్రం ఎలాంటి కీలక ప్రకటన చేస్తుందోనని దేశ రాజకీయ వర్గాలు ఉత్కంఠగా ఎదురుచూస్తున్నాయి. </p>
<p><iframe class="vidfyVideo" style="border: 0px;" src="https://telugu.abplive.com/web-stories/lifestyle/do-not-make-these-mistakes-on-your-wedding-night-even-by-accident-254411" width="631" height="381" scrolling="no"></iframe></p>
3 months ago
7 
