<p>అమరావతి: ఇటీవల ఏపీ కేబినెట్ భేటీకి హాజరుకాని ఆంధ్రప్రదేశ్ ఉప ముఖ్యమంత్రి పవన్ కల్యాణ్ శనివారం జరిగిన ఎట్ హోమ్ కార్యక్రమానికి సైతం హాజరుకాలేకపోయారు. తీవ్ర భుజం నొప్పి, తీవ్ర జ్వరంతో బాధపడుతున్నప్పటికీ కాకినాడలో నిర్వహించిన స్వాతంత్య్ర దినోత్సవ వేడుకలకు, అలాగే రాజమహేంద్రవరంలో సెంట్రల్ క్రాఫ్ట్ వుడ్ బ్యాంక్ ప్రారంభోత్సవానికి ఆయన హాజరయ్యారు. కాకినాడలో జాతీయ పతాకాన్ని ఆవిష్కరించిన అనంతరం పోలీసుల నుంచి గౌరవ వందనం స్వీకరించే సమయంలో సెల్యూట్ చేసినా, భుజం నొప్పి తీవ్రత వల్ల చేతిని పూర్తిస్థాయిలో పైకి ఎత్తలేకపోయారని <a title="జనసేన" href="https://telugu.abplive.com/topic/Janasena" data-type="interlinkingkeywords">జనసేన</a> పార్టీ తెలిపింది. తీవ్ర జ్వరం కారణంగా శనివారం సాయంత్రం లోక్‌భవన్‌లో ఏర్పాటు చేసిన ఎట్ హోమ్ కార్యక్రమానికి కూడా హాజరు కావడం లేదని పవన్ కళ్యాణ్ కొన్ని గంటల ముందే తెలిపారు. </p>
<p><strong>హైదరాబాద్‌కు పవన్ కళ్యాణ్</strong></p>
<p>అనారోగ్య సమస్యల కారణంగా ఆయన అధికారులకు మెరిటోరియస్ అవార్డుల ప్రదానోత్సవంలో పాల్గొనలేకపోయారు. దాంతో జిల్లా కలెక్టర్, జాయింట్ కలెక్టర్ (జేసీ), ఎస్పీల చేతుల మీదుగా అధికారులకు ఈ అవార్డులను అందజేశారు. ఆ తర్వాత రాజమహేంద్రవరంలో వుడ్ బ్యాంక్ ప్రారంభోత్సవానికి <a title="పవన్ కల్యాణ్" href="https://telugu.abplive.com/topic/Pawan-Kalyan" data-type="interlinkingkeywords">పవన్ కల్యాణ్</a> హాజరయ్యారు. అయితే అప్పటికే ఆయన తీవ్ర జ్వరంతో ఇబ్బందిపడుతుండటంతో ఆ కార్యక్రమాన్ని త్వరగానే ముగించాల్సి వచ్చింది. వెంటనే వైద్యులు ఆయనను పరీక్షించి ప్రథమ చికిత్స చేశారు. అనంతరం పవన్ కళ్యాణ్ హైదరాబాద్‌కు బయలుదేరి వెళ్లారు. </p>
<blockquote class="twitter-tweet">
<p dir="ltr" lang="te">రాష్ట్ర ఉప ముఖ్యమంత్రివర్యులు శ్రీ <a href="https://x.com/PawanKalyan?ref_src=twsrc%5Etfw">@PawanKalyan</a> గారు తీవ్ర జ్వరం కారణంగా ఈ సాయంత్రం లోక్‌ భవన్‌లో నిర్వహించే “ఎట్ హోమ్” కార్యక్రమానికి హాజరుకాలేకపోతున్నారు. ఈ విషయాన్ని లోక్‌ భవన్‌ అధికారులకు తెలియజేశారు. శనివారం ఉదయం కాకినాడలో నిర్వహించిన 80వ స్వాతంత్ర్య దినోత్సవ వేడుకల్లో…</p>
— JanaSena Party (@JanaSenaParty) <a href="https://x.com/JanaSenaParty/status/2088576517161079275?ref_src=twsrc%5Etfw">August 15, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p>ఇండిపెండెన్స్ డే కార్యక్రమాల్లో పాల్గొన్న సమయంలోనూ పవన్ కళ్యాణ్ చేతులు పదే పదే కదిలిస్తూ కనిపించారు. చేతి సమస్య, నొప్పి ఇంకా తగ్గలేదని ఆయన ఇంకా కోలుకుంటున్నారని ఆ వీడియో చూసిన వారు చెబుతున్నారు. అయితే సీఎం <a title="చంద్రబాబు" href="https://telugu.abplive.com/topic/Chandrababu" data-type="interlinkingkeywords">చంద్రబాబు</a>తో కలిసి పవన్ కళ్యాణ్ కేబినెట్ భేటీల్లో పాల్గొనడం లేదని, అధికారిక కార్యక్రమాల్లో సైతం కూటమి నేతలతో కలిసి కనిపించడం లేదన్న ప్రచారం మళ్లీ ఊపందుకుంది. ఇటీవల సీడ్ యాక్సెస్ రోడ్డు సహా అమరావతి ప్రాజెక్టు అభివృద్ధి పనులకు పవన్ కళ్యాణ్ హాజరు కాలేదని తెలిసిందే. ఆ సమయంలో విశాఖలో నిర్వహించిన ఏనుగుల దినోత్సవంలో డిప్యూటీ సీఎం పాల్గొన్నారు. ఈ క్రమంలో <a title="టీడీపీ" href="https://telugu.abplive.com/topic/tdp" data-type="interlinkingkeywords">టీడీపీ</a>కి, పవన్ కళ్యాణ్‌కు మధ్య దూరం పెరిగిందని సోషల్ మీడియా కోడై కూస్తోంది.<br /><br /></p>
2 months ago
3 
