Delimitation 2026 Southern States Loss: నియోజకవర్గాల పునర్విభజనపై కేంద్రం 50 శాతం ఫార్ములా - కాంగ్రెస్ వ్యతిరేకత - మరి ఏకాభిప్రాయ ఫార్ములా ఏమిటి?

<p><strong>Population Based Lok Sabha Seats Divide:</strong> &nbsp; భారతదేశ రాజకీయ &nbsp;చరిత్రలో అత్యంత కీలకమై, &nbsp;సున్నితమైన అంశం నియోజకవర్గాల పునర్విభజన. ఈ అంశంపై దేశవ్యాప్తంగా సరికొత్త చర్చ మొదలైంది. ముఖ్యంగా కేంద్రంలోని డొనాల్డ్ ట్రంప్ తరహా కఠినమైన నిర్ణయాలతో దూసుకుపోతున్న బీజేపీ నేతృత్వంలోని ప్రభుత్వం పార్లమెంట్&zwnj;లో మిత్రపక్షాల మద్దతుతో సంబంధం లేకుండా ఒంటరిగానే &nbsp;మూడింట రెండు వంతుల బలాన్ని దక్కించుకున్న తరుణంలో ఈ ముప్పు మరింత జటిలంగా మారింది. &nbsp; కేంద్రం ప్రతిపాదిస్తున్నట్లుగా సమాచారం వస్తున్న &nbsp;యాభై శాతం &nbsp; సీట్ల పెంపు ఫార్ములా ను కాంగ్రెస్ సీనియర్ నేతలు జైరాం రమేష్, పి. చిదంబరం, శశిథరూర్ వంటి వారు తీవ్రంగా వ్యతిరేకిస్తున్నారు.&nbsp;</p> <p><a title="జనాభా ప్రకారం చేపడితే దక్షిణాదికి తీవ్ర నష్టం &nbsp;" href="https://telugu.abplive.com/politics/delimitation-of-constituencies-will-bring-radical-changes-in-the-politics-of-telugu-states-242027" target="_self">జనాభా ప్రకారం చేపడితే దక్షిణాదికి తీవ్ర నష్టం &nbsp;</a></p> <p>ప్రస్తుతం కేంద్రం ఆలోచిస్తున్నట్లుగా ప్రచారం జరుగుతున్న 50% సీట్ల పెంపు ఫార్ములా ప్రకారం.. లోక్&zwnj;సభ సీట్లను ప్రస్తుతం ఉన్న 543 నుండి దాదాపు 800 పైచిలుకు పెంచాలని చూస్తున్నారు. అయితే, &nbsp;జనాభా లెక్కల ఆధారంగా మాత్రమే చేపడితే దక్షిణాది రాష్ట్రాలకు ఘోరమైన అన్యాయం జరుగుతుంది. గత నాలుగు దశాబ్దాలుగా కేంద్ర ప్రభుత్వాల పిలుపుని అందుకొని, జనాభా నియంత్రణ &nbsp;ను అద్భుతంగా అమలు చేయడమే కాకుండా దేశ ఆర్థిక వ్యవస్థకు అత్యధిక పన్నుల రూపంలో వాటా అందిస్తున్న ఆంధ్రప్రదేశ్, తెలంగాణ, తమిళనాడు, <a title="కర్ణాటక" href="https://telugu.abplive.com/topic/Karnataka" data-type="interlinkingkeywords">కర్ణాటక</a>, కేరళ రాష్ట్రాలు రాజకీయంగా తమ ఉనికిని కోల్పోయే ప్రమాదం ఉంది. జనాభాను ఇష్టారాజ్యంగా పెంచేసిన ఉత్తరాది రాష్ట్రాలైన ఉత్తరప్రదేశ్, బిహార్, మధ్యప్రదేశ్ వంటి రాష్ట్రాలకు లోక్&zwnj;సభలో సీట్ల సంఖ్య భారీగా పెరుగుతుంది. దీనివల్ల కేవలం ఉత్తరాది సీట్లను గెలుచుకుంటేనే కేంద్రంలో ఏ పార్టీ అయినా అధికారంలోకి వచ్చే ప్రమాదకరమైన రాజకీయ అసమతుల్యత ఏర్పడుతుంది.</p> <p><strong>జీడీపీని లెక్కలోకి తీసుకోవాలంటున్న కాంగ్రెస్</strong></p> <p>ఈ వివక్షను అడ్డుకునేందుకు కాంగ్రెస్ సీనియర్ నేతలు జైరాం రమేష్, పి. చిదంబరం ఒక ప్రత్యామ్నాయ వ్యూహాత్మక ఫార్ములాను తెరపైకి తెస్తున్నారు. కేవలం జనాభా ఒక్కటే ప్రాతిపదిక కాకూడదని, నియోజకవర్గాల విభజనలో &nbsp;జీడీపీ కంట్రిబ్యూషన్, అక్షరాస్యత, &nbsp; జనాభా నియంత్రణ సాఫల్యత వంటి కీలక సూచీలకు సమాన ప్రాధాన్యత లేదా వెయిటేజీ ఇవ్వాలని వారు డిమాండ్ చేస్తున్నారు. ఒకవేళ కేవలం జనాభా ప్రకారమే సీట్లు పెంచాల్సి వస్తే, అమెరికాలోని సెనేట్ &nbsp;తరహాలో భారతదేశంలో కూడా &nbsp;రాజ్యసభ లో జనాభాతో సంబంధం లేకుండా అన్ని రాష్ట్రాలకు సమాన సంఖ్యలో సీట్లు కేటాయించేలా రాజ్యాంగ సవరణ చేయాలని లేదా దక్షిణాది రాష్ట్రాల ప్రస్తుత రాజకీయ ప్రాతినిధ్య శాతం &nbsp;తగ్గకుండా ప్రత్యేక రక్షణ కల్పించాలని కాంగ్రెస్ వాదిస్తోంది.&nbsp;</p> <p><strong><a title="బీజేపీ" href="https://telugu.abplive.com/topic/BJP" data-type="interlinkingkeywords">బీజేపీ</a>కి తిరుగులేని మెజార్టీ&nbsp;</strong></p> <p>ఒకవేళ ఏకాభిప్రాయం లేకుండా, ప్రస్తుత పార్లమెంట్&zwnj;లో తమకున్న టూ-థర్డ్స్ మెజారిటీ &nbsp;ని అస్త్రంగా వాడుకుని కేంద్ర ప్రభుత్వం ఏకపక్షంగా రాజ్యాంగంలో ఉన్నట్లుగానే &nbsp;చేస్తున్నామని చెప్పి కేవలం జనాభా ప్రకారమే డీలిమిటేషన్ బిల్లును ఆమోదింపజేస్తే.. దానికి పూర్తి బాధ్యత ప్రస్తుత కేంద్ర పాలకులు, వారికి వంతపాడుతున్న రాజకీయ శక్తులే వహించాల్సి ఉంటుంది. ఇది దేశంలో ఫెడరల్ స్ఫూర్తిని &nbsp;(Federalism) పూర్తిగా ఖూనీ చేయడమే అవుతుంది. జనాభాను నియంత్రించి దేశాభివృద్ధికి తోడ్పడినందుకు దక్షిణాదికి ఇచ్చే బహుమతి ఇదేనా? అనే తీవ్రమైన అసంతృప్తి ప్రాంతీయ తత్వానికి, దేశ సమగ్రతకు భంగం కలిగించే సివిల్ వార్ తరహా ఉద్యమాలకు దారితీసే ప్రమాదం ఉంది. కాబట్టి ఈ చారిత్రక తప్పిదానికి కేంద్ర ప్రభుత్వమే జవాబుదారీ అవుతుంది.</p> <p><a title="ఏకాభిప్రాయంతోనే చేస్తేనే ప్రయోజనం" href="https://telugu.abplive.com/andhra-pradesh/supreme-court-dismisses-petition-on-delimitation-of-constituencies-in-ap-and-telangana-214824" target="_self">ఏకాభిప్రాయంతోనే చేస్తేనే ప్రయోజనం</a></p> <p>&nbsp;నియోజకవర్గాల పునర్విభజన అనేది కేవలం ఒక సాంకేతిక ప్రక్రియ కాదు, అది భారతదేశ భవిష్యత్తును, ఉత్తరాది-దక్షిణాది ఐక్యతను శాసించే ఒక రాజకీయ బాంబు లాంటిది. కేంద్రం తనకున్న సంఖ్యాబలంతో మొండిగా ముందుకు వెళ్లకుండా, <a title="కాంగ్రెస్" href="https://telugu.abplive.com/topic/Congress" data-type="interlinkingkeywords">కాంగ్రెస్</a> వంటి ప్రతిపక్షాలు మరియు దక్షిణాది ప్రాంతీయ పార్టీలు లేవనెత్తుతున్న అభ్యంతరాలను పరిగణనలోకి తీసుకోవాలి. జనాభా నియంత్రణ పాటించినందుకు దక్షిణాది రాష్ట్రాలకు శిక్ష పడకుండా, దేశ ఆర్థిక వృద్ధికి తోడ్పడుతున్న రాష్ట్రాల రాజకీయ గొంతు నొక్కేయకుండా ఒక ఫెడరల్ ఫార్ములా &nbsp;ను తీసుకురావాల్సిన బాధ్యత నేడు &nbsp;పాలకులపై ఉంది.</p> <p><iframe class="vidfyVideo" style="border: 0px;" src="https://telugu.abplive.com/web-stories/personal-finance/was-your-insurance-claim-rejected-do-this-250906" width="631" height="381" scrolling="no"></iframe></p>