<p><strong>Deepika Padukone Reaction On Spirit Kalki 2898 AD Sequel: </strong>బాలీవుడ్ హీరోయిన్ దీపికా పదుకోన్ ఇటీవల వరుసగా వార్తల్లో నిలిచిన సంగతి తెలిసిందే. సందీప్ రెడ్డి వంగా 'స్పిరిట్', ప్రభాస్ 'కల్కి 2898 AD' సీక్వెల్ వంటి బిగ్ ప్రాజెక్ట్స్ నుంచి తప్పించడం హాట్ టాపిక్‌గా మారింది. వర్కింగ్ అవర్స్, కండీషన్స్ వల్లే ఆమెను తప్పించినట్లు వార్తలు వచ్చాయి. తాజాగా ఓ ఆంగ్ల మీడియాకు ఇచ్చిన ఇంటర్వ్యూలో వీటిపై రియాక్ట్ అయ్యారు దీపికా.</p>
<p><strong>'వాళ్ల పేర్లు నేను చెప్పదలుచుకోలేదు'</strong></p>
<p>అగ్ర హీరోలు ఎన్నో ఏళ్లుగా 8 గంటలు మాత్రమే పని చేస్తున్నారని... ఇదేమీ రహస్యం కాదని అన్నారు దీపికా పదుకోన్. 'ఓ ఆత్మాభిమానం ఉన్న నటిగా నన్ను ఇబ్బంది పెట్టే వారిని నేను అంగీకరించను. ఇండియన్ ఫిల్మ్ ఇండస్ట్రీలో చాలా మంది సూపర్ స్టార్స్, అగ్ర హీరోలు ఎన్నో ఏళ్లుగా 8 గంటలు మాత్రమే పని చేస్తున్నారు. ఇదేమీ రహస్యం కాదు. అయితే, ఇన్నేళ్లలో ఈ విషయం ఎప్పుడూ వార్తల్లో నిలవలేదు. ఇప్పుడు వాళ్ల పేర్లు చెబితే మొత్తం విషయం తప్పుదోవ పడుతుంది.</p>
<p>అందుకే వారి పేర్లు చెప్పాలనుకోవడం లేదు. కానీ, చాలా మంది హీరోలు 8 గంటలే పని చేస్తారని అందరికీ తెలిసిన విషయమే. అంతేకాదు... వారిలో చాలామంది సోమవారం నుంచి శుక్రవారం వరకూ మాత్రమే షూటింగ్‌ల్లో పాల్గొంటారు. వీకెండ్స్‌లో పని చేయరు.' అని తెలిపారు.</p>
<p><strong>Also Read: <a title="వెంకీ 'నువ్వు నాకు నచ్చావ్' రీ రిలీజ్ - తెలుగు రాష్ట్రాలతో పాటు ఓవర్సీస్‌లోనూ..." href="https://telugu.abplive.com/entertainment/cinema/venkatesh-aarthi-agarwal-starrer-nuvvu-naku-nachchav-movie-4k-re-release-on-1st-january-2026-223001" target="_self">వెంకీ 'నువ్వు నాకు నచ్చావ్' రీ రిలీజ్ - తెలుగు రాష్ట్రాలతో పాటు ఓవర్సీస్‌లోనూ...</a></strong></p>
<p> </p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/deepika-padukone-family-cast-details-know-here-209850" width="631" height="381" scrolling="no"></iframe></p>
1 month ago
3 
