<p>వరంగల్: తెలంగాణలో పెద్ద పండుగ దసరాకు ప్రయాణికుల రద్దీని దృష్టిలో ఉంచుకుని కాజీపేట మీదుగా పలు ప్రత్యేక రైళ్లను నడిపిస్తున్నట్లు రైల్వే అధికారులు వెల్లడించారు. ఇందులో భాగంగా అక్టోబర్ 25 వరకు సికింద్రాబాద్‌ - సిర్పూర్‌ కాగజ్‌నగర్‌ - హైదరాబాద్‌ల మధ్య మొత్తం 34 స్పెషల్ రైళ్ల సర్వీసులను అందుబాటులోకి తెచ్చారు. పండుగ వేళ ఇంటికి వెళ్లాలనుకునే వారికి రైలు ప్రయాణం సౌకర్యంగా ఉంటుంది. </p>
<p>సికింద్రాబాద్‌ - సిర్పూర్‌ కాగజ్‌నగర్ (0711) ప్రత్యేక రైలు మధ్యాహ్నం 12:10 గంటలకు సికింద్రాబాద్‌లో బయలుదేరి, మధ్యాహ్నం 2:10 గంటలకు కాజీపేటకు, ఆపై సాయంత్రం 5:30 గంటలకు సిర్పూర్ కాగజ్‌నగర్‌కు చేరుకుంటుంది. తిరుగు ప్రయాణంలో అదే రైలు సాయంత్రం 6 గంటలకు సిర్పూర్ కాగజ్‌నగర్‌లో బయలుదేరి, రాత్రి 8 గంటలకు కాజీపేటకు, రాత్రి 11:15 గంటలకు హైదరాబాద్‌ సిటీకి చేరుకుంటుంది. ఈ రైలుకు చర్లపల్లి, భువనగిరి, యాదాద్రి, జనగామ, కాజీపేట, జమ్మికుంట, పెద్దపల్లి, రామగుండం, మంచిర్యాల, బెల్లంపల్లి, ఆసిఫాబాద్ స్టేషన్లలో హాల్ట్ సౌకర్యం కల్పించారు.</p>
<p>మరోవైపు పండుగ సమయంలో ప్రయాణికుల కోసం హైదరాబాద్‌ - హజ్రత్ నిజాముద్దీన్ (న్యూఢిల్లీ), చర్లపల్లి - హజ్రత్ నిజాముద్దీన్ మధ్య వన్-వే ఫెస్టివల్ స్పెషల్ రైళ్లను ప్రకటించారు. హైదరాబాద్‌ - హజ్రత్ నిజాముద్దీన్ (07031) స్పెషల్ రైలు రాత్రి 11:25 గంటలకు హైదరాబాద్‌లో బయలుదేరి, తెల్లవారుజామున 1:30 గంటలకు కాజీపేటకు చేరుతుంది. అక్టోబరు 11న చర్లపల్లి - హజ్రత్ నిజాముద్దీన్ (07035) స్పెషల్ రైలు రాత్రి 11:55 గంటలకు చర్లపల్లిలో బయలుదేరి, తెల్లవారుజామున 2 గంటలకు కాజీపేటకు చేరుకుంటుంది. ఈ ఉత్తరాది ప్రత్యేక రైళ్లు అన్నింటికీ కాజీపేట, బల్లార్షా, నాగపూర్, ఇటార్సి, జబల్‌పూర్, కట్నీ, సత్నా, చిత్రకూట్ ధామ్ కర్వీ, బాందా, వీజీఎల్ ఝాన్సీ, గ్వాలియర్, ఆగ్రా స్టేషన్లలో ప్రయాణికుల సౌకర్యార్థం హాల్టింగ్ సౌకర్యం కల్పించారు.</p>
<p><br />దసరా పండుగ సందర్భంగా ప్రత్యేక రైళ్లను నడిపిస్తున్నట్లు రైల్వే అధికారులు వెల్లడించారు</p>
<p>సికింద్రాబాద్ - సిర్పూర్ కాగజ్‌నగర్ - హైదరాబాద్ (34 రైలు సర్వీసులు)</p>
<p>అక్టోబర్ 25 వరకు ఈ మార్గంలో మొత్తం 34 ప్రత్యేక రైళ్లు సేవలు అందిస్తాయి</p>
<p>రైలు నం. 0711 (సికింద్రాబాద్ - సిర్పూర్ కాగజ్‌నగర్): సికింద్రాబాద్‌లో మధ్యాహ్నం 12:10 గంటలకు బయలుదేరి, మధ్యాహ్నం 2:10 గంటలకు కాజీపేట, సాయంత్రం 5:30 గంటలకు సిర్పూర్ కాగజ్‌నగర్ స్టేషన్</p>
<p>తిరుగు ప్రయాణం: సిర్పూర్ కాగజ్‌నగర్‌లో సాయంత్రం 6 గంటలకు బయలుదేరి, రాత్రి 8 గంటలకు కాజీపేట, రాత్రి 11:15 గంటలకు హైదరాబాద్ చేరుకుంటుంది.</p>
<p> హాల్టింగ్‌ స్టేషన్లు: చర్లపల్లి, భువనగిరి, యాదాద్రి, జనగామ, కాజీపేట, జమ్మికుంట, పెద్దపల్లి, రామగుండం, మంచిర్యాల, బెల్లంపల్లి, ఆసిఫాబాద్.</p>
<p>వన్ వే ఫెస్టివల్ స్పెషల్ రైళ్లు (ఢిల్లీ హజ్రత్ నిజాముద్దీన్‌కు)</p>
<p>రైలు నం. 07031 (హైదరాబాద్ - హజ్రత్ నిజాముద్దీన్): ఈ నెల 9న రాత్రి 11:25 గంటలకు హైదరాబాద్‌లో బయలుదేరి, తెల్లవారుజామున 1:30 గంటలకు కాజీపేటకు చేరుకుంటుంది.</p>
<p>రైలు నం. 07035 (చర్లపల్లి - హజ్రత్ నిజాముద్దీన్): అక్టోబర్ 11న రాత్రి 11:55 గంటలకు చర్లపల్లిలో బయలుదేరి, తెల్లవారుజామున 2:00 గంటలకు కాజీపేటకు చేరుకుంటుంది.</p>
<p>హాల్టింగ్‌ స్టేషన్లు: కాజీపేట, బల్లార్షా, నాగపూర్, ఇటార్సి, జబల్‌పూర్, కట్నీ, సత్నా, చిత్రకూట్ ధామ్ కర్వీ, బాందా, వీజీఎల్ ఝాన్సీ, గ్వాలియర్, ఆగ్రా.</p>
2 weeks ago
2 
