<p>Coldplay Kiss Cam Scandal: బోస్టన్‌లో కోల్డ్‌ప్లే (Coldplay) కాన్సర్ట్లో తన సీఈవో ఆండీతో సరసాలాడుతూ కెమెరాకు అడ్డంగా దొరికిపోయిన ‘ఆస్ట్రోనమర్’ మాజీ చీఫ్ హెచ్ఆర్ క్రిస్టీన్ కబోట్కు మరో షాక్ తలిగింది. క్రిస్టిన్ కాబోట్ నుంచి విడాకులు కోరుతూ ఆమె రెండో భర్త ఆండ్రూ కాబోట్ కోర్టులో దరఖాస్తు చేశారు. కోల్డ్ప్లేలో క్రిస్టిన్ తన సీఈవోతో దొరికిపోయిన కొద్ది రోజుల్లోనే తన భర్త విడాకులకు అప్లై చేసినట్లు తెలుస్తోంది.<br />డైలీ మెయిల్ నివేదిక ప్రకారం.. ఆగస్టు 13న న్యూ హాంప్‌షైర్‌ పోర్ట్స్‌మౌత్‌లోని కోర్టులో విడాకుల పిటిషన్ దాఖలు చేసినట్లు ఆండ్రూ కాబాట్ కోర్టు పత్రాలు చూపించాయి.</p>
<p><strong>ఇద్దరూ రొమాన్స్ చేస్తుండగా.. </strong><br />‘ఆస్ట్రోనమర్‌’లో సంస్థలో చీఫ్ హెచ్ఆర్గా పనిచేసిన క్రిస్టిన్.. జూలైలో బోస్టన్‌లో జరిగిన కోల్డ్‌ప్లే కన్సర్ట్లో తన కంపెనీ CEO ఆండీ బైరాన్‌తో కలిసి సన్నిహితంగా కనిపించింది. ఇద్దరూ కౌగిలించుకొని ఉండగా.. వారిపై స్పాట్లైట్ పడింది. దీంతో అప్రమత్తమైన వారు ముఖం చాటేసుకొని జనంలో కలిసిపోయారు. కానీ ఇద్దరూ హైప్రొఫైల్ ఉన్న వ్యక్తులు కావడంతో వారిని అందరూ ఇట్టే కనిపెట్టేశారు. </p>
<p><strong>ఇద్దరికీ ఇదివరకే వివాహం</strong><br />అయితే ఆ ఇద్దరికీ ఇప్పటికే వివాహం జరగడంతో వారి రొమాన్స్ వ్యవహారం, ఈ ఫుటేజీ వైరల్గా మారింది. ఈ తర్వాత విషయం కేంద్రబిందువుగా మారింది. ఆండీకి మేగన్ కెర్రిగాన్ అనే మహిళతో ఇప్పటికే వివాహం జరిగింది. ఇక క్రిస్టీన్ కాబోట్కు ‘ప్రైవేటీర్ రమ్’ అనే సంస్థ CEOతో వివాహమైంది.</p>
<p><strong>కంపెనీ దర్యాప్తు.. ఇద్దరి రాజీనామా</strong><br />ఈ ఇద్దరి రొమాన్స్ వైరల్ కావడంతో ఆస్ట్రోనమర్‌ కంపెనీ అంతర్గత దర్యాప్తు చేపట్టడంతో ఆండ్రూ కాబోట్ తన పదవికి రాజీనామా చేశారు. ఆ తర్వాత క్రిస్టీన్ సైతం తన జాబ్కు రిజైన్ చేసింది. అయితే క్రిస్టీన్, ఆండ్రూ కాబోట్ దంపతులు కొంతకాలంగా గొడవ పడుతున్నారని, వారి మధ్య సఖ్యత లేదని పలు వార్తాసంస్థలు వెల్లడించాయి. కానీ ఈ విషయాన్ని వారిద్దరూ ఎక్కడా బయటపెట్టకుండా గోప్యంగా ఉంచారు. </p>
<p>సముద్ర తీరంలో 4 బెడ్రూంల ఇల్లు కొనుగోలు<br />ఈ నేపథ్యంలోనే క్రిస్టిన్కు ఆండీతో సంబంధం ఏర్పడిందని, 2023 నాటికే న్యూ హాంప్‌షైర్‌లో ఓ ఇంట్లో కలిసి ఉన్నట్లు సమాచారం. ఫిబ్రవరిలో ఈ ప్రేమ జంట అట్లాంటిక్ తీరానికి సమీపంలో నాలుగు బెడ్‌రూమ్‌ల ఓ ఇంటిని కొనుగోలు చేసి అందులో కలిసి ఉన్నారని మీడియా సంస్థ ది పోస్ట్ నివేదించింది.</p>
<p><strong>క్రిస్టిన్ వైఫ్ మెటీరియల్ కాదు</strong><br />విడాకుల కోసం ఆండ్రూ దరఖాస్తు చేసుకున్న విషయాన్ని ఆయన మాజీ భార్య జూలియా డెయిలీ మెయిల్కు వెల్లడించారు. ‘కోల్డ్ప్లే ముద్దు విషయం బయటకు రాగానే తాను ఆండ్రూకు మెసేజ్ చేశానని పేర్కొన్నారు. దానికి అతడు సమాధానమిస్తూ ‘ఆమెకు నాతో ఎలాంటి సంబంధం లేదు. ఏదిఏమైనా మేము విడిపోతున్నాం’ అని ఆండ్రూ చెప్పినట్లు జూలియా వెల్లడించారు. అసలు వారిద్దరు వైవాహిక జీవితానికి సరిపోరని, క్రిస్టిన్ ‘వైఫ్ మెటీరియల్’ కాదని, డబ్బు గురించి మాత్రమే ఆలోచించే వ్యక్తి అని జూలియా వ్యాఖ్యానించింది. </p>
<p><strong>ఆండ్రూ ప్రభావితం కాలేదు..</strong><br />‘ఈ వ్యవహారంతో ఆండ్రూ తీవ్రంగా ప్రభావితం కాలేదు. అతని భావాలు దెబ్బతిన్నాయని నేను అనుకోను. అతను బహుశా సిగ్గుగా భావించి ఉండవచ్చు. ఏది ఏమైనా అతను మంచి వ్యక్తి కాదు. అందుకే అది జరిగిన తర్వాత, ‘కర్మ’ అనే పదంతో నాకు చాలా మంది నుంచి మెసేజ్లు వచ్చాయి. మీరు ఏమి ఇస్తారో, మీకు అదే లభిస్తుంది’’ అని జూలియా పేర్కొన్నారు.</p>
3 months ago
3 
