<p>CM Revanth Reddy On El Nino Crisis: రాష్ట్రంలో రానున్న ఎనిమిది నెలల్లో ఎల్‌నినో ప్రభావం తీవ్రంగా ఉండే అవకాశం ఉన్నందున, దానిని ఎదుర్కొనేందుకు పకడ్బందీ కార్యాచరణ రూపొందించాలని సీఎం రేవంత్ రెడ్డి అధికారులను ఆదేశించారు. రానున్న రోజుల్లో తాగు, సాగునీరు, వ్యవసాయం, విద్యుత్ సంక్షోభాలను అధిగమించడానికి ప్రభుత్వం తీసుకుంటున్న చర్యలలో ప్రజలకు వివరించాలని ఆయన స్పష్టం చేశారు.</p>
<h3>విద్యుత్ పొదుపు, ముందస్తు హెచ్చరికలు</h3>
<p>మార్కెట్‌లో విద్యుత్ కొనుగోలుకు ప్రభుత్వం ఎంత ఖర్చు చేయడానికైనా సిద్ధంగా ఉన్నప్పటికీ, సరిపడా విద్యుత్ అందుబాటులో లేకపోవచ్చని సీఎం రేవంత్ రెడ్డి ఆందోళన వ్యక్తం చేశారు. అందుకే అందుబాటులో ఉన్న విద్యుత్‌ను పొదుపుగా వాడుకోవాలని, విద్యుత్ సంబంధిత పనులను తాత్కాలికంగా వాయిదా వేసుకునేలా చర్యలు చేపట్టాలని సూచించారు.<br />లోటు వర్షపాతం, కరవు ప్రభావంపై ప్రజల్లో అవగాహన పెంచేందుకు సినిమా, మీడియా, ఇతర మాధ్యమాల ద్వారా ప్రచారం చేయాలని ఆదేశించారు. దసరా పండుగ ముగిసిన తర్వాత గ్రామాల నుంచి రాష్ట్ర స్థాయి వరకు ప్రత్యేక అవగాహన కార్యక్రమాలు నిర్వహించనున్నట్లు తెలిపారు. </p>
<p>Also Read : <a title=" 'తెలంగాణ రైజింగ్‌ గ్లోబల్‌ సమ్మిట్‌-2.0' కు చురుగ్గా ఏర్పాట్లు.. డిసెంబరు 7 నుంచి 9 వరకు నిర్వహణ" href="https://telugu.abplive.com/telangana/global-summit-preparations-in-full-swing-telangana-rising-2-0-to-be-held-from-dec-7-to-9th-2026-261162" target="_self"> 'తెలంగాణ రైజింగ్‌ గ్లోబల్‌ సమ్మిట్‌-2.0' కు చురుగ్గా ఏర్పాట్లు.. డిసెంబరు 7 నుంచి 9 వరకు నిర్వహణ</a></p>
<h3>రైతాంగానికి సాయం </h3>
<p>రైతులు సాగు చేసిన పంటలు చేతికి వచ్చే వరకు ఒక్క చుక్క నీరు కూడా వృధా కాకుండా పర్యవేక్షించాలని అధికారులకు సీఎం స్పష్టం చేశారు. రాష్ట్రంలో 215 మండలాల్లో వర్షాభావ పరిస్థితులు ఉన్నాయన్నారు. కేంద్ర ప్రభుత్వం నుంచి రూ.20,000 కోట్ల ప్రత్యేక ప్యాకేజీ కేటాయించాలని ఇప్పటికే విజ్ఞప్తి చేశామని చెప్పారు. ఉపాధి హామీ పథకం (జీరాంజీ) కింద ప్రస్తుతం ఉన్న 125 రోజులకు అదనంగా మరో 50 రోజుల పనిదినాలను పెంచాలని కేంద్రాన్ని కోరనున్నట్లు తెలిపారు. పరిస్థితులను ఎప్పటికప్పుడు సమీక్షించడానికి ప్రత్యేక వార్ రూమ్, టోల్ ఫ్రీ నంబర్‌ను ఏర్పాటు చేయాలని సూచించారు.<br /><br />Also Read : <a title=" రైలు ప్రయాణికులకు గుడ్‌న్యూస్.. అక్టోబర్ 25 వరకు దసరా స్పెషల్‌ రైళ్లు" href="https://telugu.abplive.com/telangana/hyderabad/south-central-railway-dasara-special-trains-via-kazipet-connecting-secunderabad-sirpur-kaghaznagar-and-hazrat-nizamuddin-261195" target="_self"> రైలు ప్రయాణికులకు గుడ్‌న్యూస్.. అక్టోబర్ 25 వరకు దసరా స్పెషల్‌ రైళ్లు</a></p>
<h3>రాబోయే సమావేశాల్లో</h3>
<p>ఎల్‌నినో, కరవు పరిస్థితులపై చర్చించేందుకు ఈ నెల 12న మంత్రులతో ప్రత్యేక సమావేశం నిర్వహించనున్నట్లు సీఎం <a title="రేవంత్ రెడ్డి" href="https://telugu.abplive.com/topic/Revanth-Reddy" data-type="interlinkingkeywords">రేవంత్ రెడ్డి</a> తెలిపారు. అనంతరం మధ్యాహ్నం రైతువేదికల ద్వారా ప్రత్యక్షంగా వీడియో కాన్ఫరెన్స్ నిర్వహించి రైతులతో మాట్లాడనున్నట్లు స్పష్టం చేశారు. <br /><br />Also Read : <a title="ఘనంగా ఎంగిలిపూల బతుకమ్మ సంబురాలు - భాగ్యనగర వీధుల్లో తెలంగాణ ఆడపడుచుల సందడి చూడండి" href="https://telugu.abplive.com/photo-gallery/spirituality/engili-pula-batukamma-2026-celebrations-day-1-held-on-a-grand-scale-in-hyderabad-261210" target="_self">ఘనంగా ఎంగిలిపూల బతుకమ్మ సంబురాలు - భాగ్యనగర వీధుల్లో తెలంగాణ ఆడపడుచుల సందడి చూడండి</a></p>
2 weeks ago
2 
