<p>Chole Bhature Caught Husband: ప్రియురాలి కోసం రెండు ప్లేట్ల చోలే భటూరే తీసుకురావడానికి వెళ్లిన ఓ వ్యక్తి, అనూహ్యంగా భార్యకు రెడ్ హ్యాండెడ్‌గా దొరికిపోయి దెబ్బలు తిన్న ఘటన ఉత్తరప్రదేశ్‌లో చోటుచేసుకుంది. ఈ విచిత్ర సంఘటనకు సంబంధించిన పూర్తి వివరాలు ఇలా ఉన్నాయి. ఉత్తరప్రదేశ్‌లోని హాపుర్ జిల్లాకు చెందిన అజయ్, రోజూ ఉదయాన్నే పనికి వెళ్తున్నానని చెప్పి ఇంటి నుంచి బయలుదేరేవాడు. అయితే, అతడు పనికి వెళ్లకుండా తన ప్రియురాలితో కలిసి హాపూర్‌లోని పుణ్యక్షేత్రమైన బ్రిజ్‌ఘాట్‌లోని ఓ హోటల్‌లో రహస్యంగా ఉంటున్నాడు. గత కొంతకాలంగా అతని ప్రవర్తనపై అనుమానం ఉన్న భార్య కవిత, అతడిపై నిఘా పెట్టింది. <br /><br />Also Read: <a title=": బంగారంతో ఓటర్లను పడగొడుతున్న విజయ్ - పుట్టే ప్రతి బిడ్డకూగ్రాము బంగారం - ఇక తిరుగుండదా?" href="https://telugu.abplive.com/politics/tamil-nadu-cm-joseph-vijay-launches-thayamaan-thanga-mothiram-gold-ring-scheme-259398" target="_self">: బంగారంతో ఓటర్లను పడగొడుతున్న విజయ్ - పుట్టే ప్రతి బిడ్డకూగ్రాము బంగారం - ఇక తిరుగుండదా?</a></p>
<h3>పట్టించిన చోలే భటూరే </h3>
<p>ఈ క్రమంలోనే అజయ్ తన ప్రియురాలి కోసం మార్కెట్ నుంచి రెండు ప్లేట్ల చోలే భటూరే తీసుకువచ్చేందుకు హోటల్ నుంచి బయటకు వచ్చాడు. సరిగ్గా అదే సమయంలో సమాచారం అందుకున్న భార్య కవిత, తన కుటుంబ సభ్యులతో కలిసి అక్కడికి చేరుకుంది. హోటల్ దగ్గర భర్తను చూసి నిలదీసింది. భార్యను చూసి షాకైన అజయ్, తాను ఏ తప్పు చేయలేదని, ఇంట్లో ఉన్న మానసిక ఒత్తిడి కారణంగానే బ్రిజ్‌ఘాట్‌కు వచ్చానని వాదించాడు. అయితే, కవిత మాత్రం అతని మాటలను నమ్మలేదు. "నువ్వు ఒంటరిగా ఉంటే, మరి ఆ రెండో ప్లేటు చోలే భటూరే ఎవరి కోసం?" అని ఆమె సూటిగా ప్రశ్నించడంతో అక్కడివారంతా అవాక్కయ్యారు.</p>
<p>అజయ్ సమాధానంతో శాంతించని భార్య, ఆమె కుటుంబ సభ్యులు రోడ్డుపైనే అతడిని చితకబాదారు. ఈ హై-వోల్టేజ్ డ్రామాతో ఆ ప్రాంతంలో భారీగా జనం చేరారు. చివరికి ఈ వ్యవహారం పోలీస్ స్టేషన్‌కు చేరింది. పోలీసులు ఇరువర్గాలకు కౌన్సెలింగ్ ఇవ్వడంతో, వారు సమస్యను సామరస్యంగా పరిష్కరించుకుని అక్కడి నుంచి వెళ్లిపోయారు.<br /><br />Also Read: <a title="ఉజ్జయినిలో షాహీ మసీదు కూల్చివేత వివాదం: షాహీ మసీదును ఎవరు నిర్మించారు, దాని చరిత్ర ఏంటి?" href="https://telugu.abplive.com/spirituality/ujjain-shahi-masjid-controversy-know-about-its-history-and-who-built-this-amid-shahi-masjid-demolition-protest-indore-high-court-260202" target="_self">ఉజ్జయినిలో షాహీ మసీదు కూల్చివేత వివాదం: షాహీ మసీదును ఎవరు నిర్మించారు, దాని చరిత్ర ఏంటి?</a></p>
4 weeks ago
2 
