<p>Two prisoners escape from Chodavaram sub jail: అనకాపల్లి జిల్లాలోని చోడవరం సబ్‌జైలు నుంచి ఇద్దరు ఖైదీలు పరారైన ఘటన స్థానికంగా కలకలం రేపింది. ఈ ఘటనలో హెడ్‌వార్డర్‌పై సుత్తితో దాడి చేశారు. పరారైన ఖైదీలను పట్టుకునేందుకు పోలీసులు గాలింపు చర్యలు చేపట్టారు.</p>
<p>చోడవరం సబ్‌జైలులో వంట పనుల కోసం ఖైదీలను బయటకు తీసుకువచ్చిన సమయంలో ఈ ఘటన చోటుచేసుకుంది. మాడుగుల చోరీ కేసులో రిమాండ్ ఖైదీగా ఉన్న బెజవాడ రాము, హెడ్‌వార్డర్ రాజుపై సుత్తితో దాడి చేశాడు. ఈ దాడిలో హెడ్‌వార్డర్ తలకు గాయమైంది, దీంతో అతడిని వెంటనే స్థానిక ఆసుపత్రికి తరలించి చికిత్స అందించారు. దాడి అనంతరం, బెజవాడ రాము హెడ్‌వార్డర్ వద్ద ఉన్న తాళాల గుత్తిని లాక్కొని, జైలు ప్రధాన ద్వారం లాక్‌ను తెరిచి పరారయ్యాడు. ఈ అవకాశాన్ని ఉపయోగించుకుని, ఫించను డబ్బు కాజేసిన కేసులో రిమాండ్‌లో ఉన్న మరో ఖైదీ, పంచాయతీ మాజీ కార్యదర్శి నక్కా రవికుమార్ కూడా జైలు నుంచి పారిపోయాడు. </p>
<p>ఈ ఘటనపై స్పందించిన అనకాపల్లి జిల్లా పోలీసులు, పరారైన ఖైదీల కోసం విస్తృత గాలింపు చర్యలు ప్రారంభించారు. సమీప ప్రాంతాల్లో సీసీటీవీ ఫుటేజ్‌లను పరిశీలిస్తూ, ఖైదీల సమాచారాన్ని సేకరిస్తున్నారు. ఈ ఘటన జైలు భద్రతా వ్యవస్థలలో లోపాలను బయటపెట్టిందని, దీనిపై ఉన్నత స్థాయి విచారణ జరిగే అవకాశం ఉందని అధికార వర్గాలు తెలిపాయి.</p>
<blockquote class="twitter-tweet">
<p dir="ltr" lang="en">Andhra Pradesh Anakapalli: Two remand prisoners, Ravikumar & Bezawada Ramu, escaped from Chodavaram Sub-Jail after attacking a head warder with a hammer & stealing keys. Ravikumar faces pension fraud charges, Ramu theft charges. Police teams launched a massive manhunt. <a href="https://t.co/ZDbc1KkCpn">pic.twitter.com/ZDbc1KkCpn</a></p>
— Gummalla Lakshmana (@GUMMALLALAKSHM3) <a href="https://twitter.com/GUMMALLALAKSHM3/status/1963983780080668707?ref_src=twsrc%5Etfw">September 5, 2025</a></blockquote>
<p>
<script src="https://platform.twitter.com/widgets.js" async="" charset="utf-8"></script>
చోడవరం సబ్‌జైలు రిమాండ్ జైలుగా పనిచేస్తుంది, ఇక్కడ సాధారణంగా చిన్న నేరాలకు సంబంధించిన ఖైదీలను ఉంచుతారు. ఇలా పారిపోయి.. ఎన్ని రోజులు బయట ఉంటారని.. ఇవాళో రేపో పోలీసులకు దొరుకుతారని.. తర్వాత వారి పరిస్థితేమిటన్న సందేహాన్ని ఈ దృశ్యాలు చూసిన పలువురు నెటిజన్లు వ్యక్తం చేస్తున్నారు. </p>
<blockquote class="twitter-tweet">
<p dir="ltr" lang="en">Need to strengthen security in Jails. Two remands prisoners escaped from Chidavaram Sub Jail of Anakapalli district( Andhra Pradesh) - authorities are trying to nab them . <a href="https://t.co/MDh32nGOX1">pic.twitter.com/MDh32nGOX1</a></p>
— Dr Srinubabu Gedela (@DrSrinubabu) <a href="https://twitter.com/DrSrinubabu/status/1963972834017095763?ref_src=twsrc%5Etfw">September 5, 2025</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
3 months ago
3 
