<p><strong>Chinni Serial Today Episode </strong>మ్యాడీని తన తల్లిదండ్రులకు దగ్గర చేయాలి అనుకున్న మధు కావాలనే మహిని రెచ్చగొట్టేలా మాట్లాడుతుంది. నువ్వు ముందు మీ ఇంటికి వెళ్లి తర్వాత లోహి, వరుణ్‌ని ఎలా తీసుకెళ్లాలో అని ఆలోచించాలి కదా.. మాది మిడిల్ క్లాస్ ఫ్యామిలీ మ్యాడీ.. మాకు పరువు ముఖ్యం.. మా ఇంట్లో మాకు ప్రాబ్లమ్స్ రాకుండా ఉండాలి అన్నా మీ అమ్మానాన్నలు బాధ పడకూడదు అన్నా నువ్వు మీ ఇంటికి వెళ్లడమే పరిష్కారం అని మధు చెప్తుంది.<br /><img src="https://feeds.abplive.com/onecms/images/uploaded-images/2025/10/30/6005c549bf50ea4690c4a772fc250cfc1761796318422882_original.jpg" width="1127" height="634" /></p>
<p>మహి కన్నీరు పెట్టుకుంటూ ఓకే వెళ్లిపోతాను. నేను నీకు అంత బర్డెన్‌గా ఉంటే మీ ఇంటి నుంచి వెంటనే వెళ్లిపోతా అని అంటాడు. మధు మనసులో ఇదేంటి నేను కోప్పడ్డాను.. కానీ ఇదేంటి మాకు భారం అనుకుంటున్నాడు అని అనుకుంటుంది. మ్యాడీ మధుతో నేను మీ ఇంటి నుంచి వెళ్లిపోతా కానీ మా ఇంటికి వెళ్లను.. నేను మా ఇంటికి వెళ్లడం అంటూ జరిగితే అది వరణ్‌, లోహిలతో మాత్రమే అని అంటాడు.<br /><img src="https://feeds.abplive.com/onecms/images/uploaded-images/2025/10/30/bbdfdef9b95eafe4553b62d6fcde9fd91761796342879882_original.jpg" width="1113" height="626" /></p>
<p>ఆఫ్ టికెట్ తన మనిషిని రాజకీయనాయకుడిలా దేవా ఇంటికి పంపి వాళ్ల మనిషిలా దేవా మనుషుల్లో కలిసిపోయి.. బాలరాజు అన్నని ఎక్కడ పెట్టారో తెలుసుకో.. దేవా ఆవలిస్తే పేగులు లెక్కిస్తాడు. జాగ్రత్త అని అంటాడు.<br /><img src="https://feeds.abplive.com/onecms/images/uploaded-images/2025/10/30/fa3df1de43e69b10e1a63f9ea9421b581761796361536882_original.jpg" width="1118" height="629" /></p>
<p>దేవా టీవీ చూస్తుంటే మహి మీడియాతో మాట్లాడిన న్యూస్ వస్తుంది. అది చూసి దేవా ఆవేశంతో అన్నీ విసిరి కొడతాడు. నాగవల్లి వాళ్లు వచ్చి ఏమైంది అని అడిగితే టీవీ చూడమని అంటాడు. టీవీలో దేవా రాజకీయ జీవితం ముగిసిపోతుందని కొడుకుని కంట్రోల్ చేయలేని వాడు ప్రజల్ని ఎలా కాపాడుతాడు. దేవా రాజకీయ సన్యాసం తీసుకోవాలని వస్తుంది. దేవా చాలా రగిలిపోతాడు. నీ కొడుకు ఏం చేస్తున్నాడో చూశావా.. నా రాజకీయ జీవితం కోసం నేనేం చేయాలి అని అంటాడు.</p>
<p>నాగవల్లి దేవాతో నేను వెళ్లి బతిమాలి తీసుకొస్తా అని అంటుంది. అయినా మ్యాడీ రాడని దేవా చెప్పి మ్యాడీ ఇంటికి రావడానికి ఒకటే మార్గం ఉంది..ఆ చిన్ని మన చేతులో ఉంటే వాడు తన పట్టుదల వదిలేసి వచ్చేస్తాడు. ఆ బాలరాజు పీక పిసికి అయినా సరే చిన్ని అడ్రస్ తెలుసుకుంటా అని దేవా అంటాడు.<br /><img src="https://feeds.abplive.com/onecms/images/uploaded-images/2025/10/30/7cbf1a875ef49c9c79bcd30c102c91091761796386519882_original.jpg" width="1124" height="632" /></p>
<p>వీధిలో పిల్లలు దీపావళి క్రాకర్స్ కాల్చుతుంటారు. ఓ చోట మ్యాడీ కూర్చొని చిన్ని ఫోటో చూస్తూ ఉంటాడు. మ్యాడీని వెతుక్కుంటూ మధు వస్తుంది. మ్యాడీ ఎక్కడికీ వెళ్లాడా అని వెతుకుతూ ఉంటుంది. ఇంటికి వెళ్లిపోయాడేమో అని ఇంటికి కాల్ చేసి చంటిని అడుగుతుంది. ఇంకా రాలేదని చంటి చెప్తాడు. నా మీద కోపంతో మ్యాడీ ఎక్కడికి వెళ్లాడా అని మధు అనుకుంటుంది. ఇక చిన్ని ఫోటో చూస్తూ మ్యాడీ జరిగింది అంతా చెప్తాడు. మధు కూడా నన్ను తిట్టింది. మేం వాళ్లకి భారం అయిపోయామని ఓ రేంజ్‌లో తిట్టింది.. ఆ కోపం అంతా నిజం అనుకున్నావా.. నేను మా ఇంటికి వెళ్లిపోవాలని ప్లాన్ చేసింది.. నేను కూడా కోపం వచ్చినట్లు నటించా.. తను పాపం నా కోసం వెతుకుతూ ఉంటుంది. ఎక్కడుందో చూసి కోపం తగ్గినట్లు తనతో ఇంటికి వెళ్తా అని అనుకుంటాడు.<br /><img src="https://feeds.abplive.com/onecms/images/uploaded-images/2025/10/30/57f78d60c19566ab032dde65a58676311761796407175882_original.jpg" width="1124" height="632" /></p>
<p>పిల్లలు చిచ్చుబుడ్డులు వెలిగించలేక భయపడతారు. అటుగా వచ్చిన మధుని పిల్లలు వెలిగించమని అంటారు. మధు వెలిగించి చిందులేస్తుంటే మ్యాడీ చూసి వెళ్తాడు. నీకు నా మీద కోపం పోయిందా అని ఇద్దరూ ఒకర్ని ఒకరు అనుకుంటారు. ఇక నా బాధ చిన్నికి చెప్తున్నా అని మ్యాడీ అంటాడు. ఎవరి మీద కోపం వచ్చినా బాధ పడినా గొడవ పడినా చిన్నికి చెప్తావ్ కదా మరి చిన్నితో గొడవ పడితే ఎవరికి చెప్తావ్ నాకు చెప్తావా అని మధు అడిగితే.. చిన్నితో గొడవ పడినా సరే చిన్నికే చెప్తా.. చిన్ని నా ప్రాణం అని మ్యాడీ అంటాడు.</p>
<p>మ్యాడీ ఇంటి దగ్గర చిన్ని కోసం కవితలు రాస్తుంటే మధు వెళ్లి గ్యాప్ దొరికితే చిన్ని కోసమే ఆలోచిస్తావా అని అడుగుతుంది. నా జీవితాశయమే చిన్నిని కలవడం మరి ఆలోచించకుండా ఎలా ఉంటాను అని మ్యాడీ అంటాడు. తొందర్లోనే కలుస్తావ్ మ్యాడీ అని మధు చెప్పి పక్కకి వెళ్లి కొత్త సిమ్‌తో మహిని డైవర్ట్ చేయాలి అనుకుంటుంది. అందుకు మహికి కాల్ చేస్తుంది. <br /><img src="https://feeds.abplive.com/onecms/images/uploaded-images/2025/10/30/036acb07a34ec15f27adf6b2437881ad1761796430427882_original.jpg" /></p>
<p>మహి చూసి ఫ్రైవేట్ నెంబరు ఏంటి అనుకుంటాడు. మధు మ్యాడితో నేను నీ ఫ్యాన్‌ని బాస్ అని మాట్లాడుతుంది. నాకు ఫ్యాన్స్ ఏంటి అని మ్యాడీ అడిగితే మీరు పెద్ద సింగర్ కదా.. మీరు మంచివాళ్లు అని మాట్లాడుతుంది. ఎవరు నువ్వు నన్ను టీజ్ చేయడానికి కాల్ చేశావా ఇంకోసారి ఇలా మాట్లాడితే మర్యాదగా ఉండదు అని మ్యాడీ అంటాడు. అయితే డైరెక్ట్‌గా వచ్చేయనా నేను వస్తే నన్ను చూసి మీరు లవ్లో పడిపోతారు అని మధు అంటుంది. అంతసీన్‌ లేదు నేను లవ్‌లో పడను అంటాడు మ్యాడీ. మాట్లలో మధు నీకు హనుమాన్ ఇష్టం కదా అంటుంది. నీకు ఎలా తెలుసు అని మ్యాడీ అడిగితే ఒకరి మీద ఇంట్రస్ట్ ఉంటే అన్నీ తెలిసిపోతాయి అని అంటుంది. వెంటనే ఫోన్ కట్ చేస్తుంది. దాంతో మ్యాడీ ఏంటి నా ఇష్టాలు చెప్తుంది.. ఎవరు ఇది అని అనుకుంటాడు.</p>
<p>లోహిత బాధగా కూర్చొంటే ఏమైందని మ్యాడీ అడుగుతాడు. దానికి లోహి మధు మీ ఇంటికి వెళ్లి అలా చేస్తే మనం ఎప్పుడు వెళ్తాం అని అంటుంది. మధు మన కోసమే ఆలోచిస్తుంది. నువ్వు తప్పుగా అనుకోకు వెళ్లి పడుకో అని మ్యాడీ చెప్తాడు. మధు వచ్చిలోహితో నేనేదో మీకు ద్రోహం చేస్తున్నట్లు మ్యాడీతో అలా మాట్లాడుతున్నావేంటి అని అడుగుతుంది. దీంతో ఇవాళ్టి ఎపిసోడ్ పూర్తయిపోతుంది. </p>
1 month ago
2 
