<p> చదరంగం ప్రపంచంలో ఒక చారిత్రక మైలురాయి నమోదైంది. ఉత్తర లండన్‌లోని హారో ప్రాంతానికి చెందిన భారత సంతతి 11 ఏళ్ల బాలిక బోధన శివానందన్ అసాధారణ ప్రతిభతో సరికొత్త చరిత్ర సృష్టించింది. హంగేరీ చెస్ దిగ్గజం జుడిట్ పోల్గర్ పేరిట ఉన్న 38 ఏళ్ల సుదీర్ఘ ప్రపంచ రికార్డును బద్దలు కొట్టి, చెస్ చరిత్రలోనే అతి పిన్న వయస్కురాలైన మహిళా ఇంటర్నేషనల్ మాస్టర్ (ఐఎం) హోదాను కైవసం చేసుకుంది. యూరోపియన్ ఉమెన్స్ చెస్ క్లబ్ కప్ 2026 చివరి రౌండ్‌లో సాధించిన అద్భుత విజయంతో ఓపెన్ ఐఎం టైటిల్ అర్హతను పూర్తి చేసుకుని ఈ అరుదైన ఘనతను సొంతం చేసుకుంది. ఈ విజయంతో ప్రపంచంలోనే ఎవర్ గ్రీన్ టాప్-10 యంగెస్ట్ ఐఎంల జాబితాలోనూ చోటు సంపాదించింది.</p>
<blockquote class="twitter-tweet">
<p dir="ltr" lang="en">Congratulations to 11-year-old Bodhana Sivanandan 🏴 on becoming an International Master with a final-round win at the European Women’s Chess Club Cup 2026! 👏 Bodhana delivered a fantastic performance, scoring 5.5/7 on Board 1 for She Plays to Win Lionesses 🏴, making her the youngest female player in history to earn the IM title!</p>
— European Chess Union (@ECUonline) <a href="https://x.com/ECUonline/status/2113660672739361258?ref_src=twsrc%5Etfw">October 23, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p>"యూరోపియన్ ఉమెన్స్ చెస్ క్లబ్ కప్ 2026 చివరి రౌండ్ విజయంతో ఇంటర్నేషనల్ మాస్టర్‌గా నిలిచిన 11 ఏళ్ల బోధన శివానందన్‌కు అభినందనలు. 'షి ప్లేస్ టు విన్ లయనెసెస్' తరఫున మొదటి బోర్డులో బరిలోకి దిగి 7 రౌండ్లలో 5.5 పాయింట్లు సాధించి ఈ ఘనత సాధించిన అత్యంత పిన్న వయస్కురాలైన మహిళా క్రీడాకారిణిగా నిలిచింది" అని యూరోపియన్ చెస్ యూనియన్ తన అధికారిక ఎక్స్ వేదికగా కొనియాడింది.</p>
<p>Read Also: <a title="Asian Para Dominance: బంగారు పంటతో సెంచరీ దాటిన పతకాల జోరు.. ప్రపంచ రికార్డులతో భారత అథ్లెట్ల ఊచకోత" href="https://telugu.abplive.com/sports/mona-agarwal-and-sandeep-kumar-lead-india-golden-rush-at-asian-para-games-2026-262172" target="_self">Asian Para Dominance: బంగారు పంటతో సెంచరీ దాటిన పతకాల జోరు.. ప్రపంచ రికార్డులతో భారత అథ్లెట్ల ఊచకోత</a></p>
<p><strong>గ్రాండ్‌మాస్టర్లపై పోరాటం: రేటింగ్‌ను 2400 చేరువకు తీసుకెళ్లిన వైనం</strong><br />ఈ టోర్నమెంట్‌లో బోధన అత్యుత్తమ స్థాయి ఆటతీరును కనబరిచింది. తొలి రౌండ్‌లో రష్యన్ గ్రాండ్‌మాస్టర్ అలెగ్జాండ్రా గోర్యాచ్కినాతో తలపడి డ్రా చేసుకునేంత బలమైన పోటీని ఇచ్చింది. మూడో రౌండ్‌లో బెలారస్ ఇంటర్నేషనల్ మాస్టర్ ఓల్గా బదేల్కాను మట్టికరిపించి తన లైవ్ రేటింగ్‌ను 2399.4 పాయింట్లకు చేర్చింది. తర్వాతి రౌండ్‌లో జార్జియన్ గ్రాండ్‌మాస్టర్ నినో బట్సియాష్విలితో గేమ్ డ్రా చేసుకుంది. చివరకు స్వీడన్‌కు చెందిన ఉమెన్ ఇంటర్నేషనల్ మాస్టర్ విక్టోరియా జాన్సన్‌పై కేవలం 32 ఎత్తుల్లోనే చిరస్మరణీయ విజయాన్ని అందుకుని ఇంటర్నేషనల్ మాస్టర్ టైటిల్‌ను అధికారికంగా దక్కించుకుంది.</p>
<p><br />Read Also: <a title="Pollard Coach Promotion: ప్లేయర్ నుంచి ఏకంగా హెడ్ కోచ్ పగ్గాలు.. ముంబై ఇండియన్స్ బాస్‌గా కీరన్ పొలార్డ్ ఎంట్రీ" href="https://telugu.abplive.com/sports/ipl/kieron-pollard-appointed-new-head-coach-of-mumbai-indians-ahead-of-ipl-2027-262230" target="_self">Pollard Coach Promotion: ప్లేయర్ నుంచి ఏకంగా హెడ్ కోచ్ పగ్గాలు.. ముంబై ఇండియన్స్ బాస్‌గా కీరన్ పొలార్డ్ ఎంట్రీ</a></p>
<p><strong>టాప్ టెన్ దిగ్గజాల సరసన: భారత స్టార్లు ప్రజ్ఞానంద, గుకేశ్‌లతో పోటీ</strong><br />ఈ ఘనత సాధించడం ద్వారా ప్రపంచ చెస్ చరిత్రలోనే ఆల్ టైమ్ టాప్-10 యంగెస్ట్ ఇంటర్నేషనల్ మాస్టర్ల క్లబ్‌లో బోధన చోటు దక్కించుకుంది. ఈ జాబితాలో ఇండియా స్టార్ గ్రాండ్‌మాస్టర్లు ఆర్ ప్రజ్ఞానంద, డి గుకేశ్‌లతో పాటు ఉజ్బెకిస్థాన్‌కు చెందిన నోదిర్‌బెక్ అబ్దుసత్తారోవ్, అర్జెంటీనాకు చెందిన ఫౌస్టినో ఒరో, టర్కీ క్రీడాకారుడు యాగీజ్ కాన్ ఎర్డోగ్ముస్, రష్యాకు చెందిన రోమన్ షోగ్జియెవ్ మాత్రమే ఉన్నారు.</p>
<p><strong>భవిష్యత్ గ్రాండ్‌మాస్టర్ లక్ష్యం: చిన్న వయసులోనే అద్భుత ప్రతిభ</strong><br />చిన్న వయసులోనే హేమాహేమీలను ఓడిస్తూ రికార్డుల రారాణిగా ఎదుగుతున్న బోధన శివానందన్, అతి త్వరలోనే ప్రపంచంలోనే అత్యంత పిన్న వయస్కురాలైన మహిళా గ్రాండ్‌మాస్టర్ హోదాను అందుకోవడమే తన తదుపరి లక్ష్యంగా ముందుకు సాగుతోంది.</p>
6 days ago
2 
