<p><strong>Premier Indian Leg Spinner Shares Painful Journey Of Overcoming Emotional Scars And Mental Health Struggles:</strong> ఇండియన్ ప్రీమియర్ లీగ్ చరిత్రలోనే 188 మ్యాచ్‌లలో 233 వికెట్లతో ఆల్‌టైమ్ లీడింగ్ వికెట్ టేకర్‌గా కొనసాగుతున్న భారత స్టార్ లెగ్ స్పిన్నర్ యుజ్వేంద్ర చాహల్ తన జీవితంలోని అత్యంత చీకటి కోణాన్ని మొదటిసారి బయటపెట్టాడు. మైదానంలో ఎప్పుడూ నవ్వుతూ అందరినీ నవ్వించే చాహల్, తెరవెనుక తీవ్రమైన మానసిక క్షోభను అనుభవించాడు. మాజీ క్రికెటర్ ఆకాష్ చోప్రా నిర్వహించిన తాజా పాడ్‌కాస్ట్‌లో పాల్గొన్న 36 ఏళ్ల చాహల్, తన విడాకులు, మితిమీరిన మద్యపాన వ్యసనం, సోషల్ మీడియా ట్రోలింగ్, ప్యానిక్ అటాక్స్ గురించి నిర్మొహమాటంగా మాట్లాడాడు. "వ్యక్తిగత జీవితంలో ఎదురయ్యే భావోద్వేగ గాయాలు వృత్తిపరమైన సమస్యల కంటే చాలా భిన్నమైనవి. ఆ క్లిష్ట సమయంలో నా బెస్ట్ ఫ్రెండ్, కుటుంబం మాత్రమే నాకు తోడుగా నిలిచారు. గత ఏడాది కౌంటీ క్రికెట్ ఆడిన తర్వాత నా మద్యపానం అన్ని హద్దులు దాటిపోయింది. దీంతో వెంటనే ఒక రిహాబిలిటేషన్ సెంటర్‌లో చేరి 26 రోజుల పాటు అక్కడే ఉండి చికిత్స తీసుకున్నాను. ఆ డెసిషన్ నా జీవితాన్నే మార్చేసింది. నాలో పరిపక్వత పెరిగింది, ఎమోషన్స్ బ్యాలెన్స్ అయ్యాయి. గత ఐపీఎల్ ఆడేటప్పుడు నా బాడీ మళ్లీ 30 ఏళ్ల కుర్రాడిలా ఎంతో ఫిట్‌గా అనిపించింది" అని చాహల్ తెలిపాడు.</p>
<blockquote class="twitter-tweet">
<p dir="ltr" lang="en">YUZI CHAHAL REVEAL WHY HE WAS DROPPED FROM WC 2023 SQUAD 👀 Yuzi Chahal said 🗣️, "In 2023, when I went to play County, Rohit had told me that we wanted batters till number eight, so we were going with that. He told me clearly that they were also looking for an extra fast bowler for the World Cup. So, it was made clear to me. After the World Cup, I just stopped thinking about selection."</p>
— Cricket Central (@CricketCentrl) <a href="https://x.com/CricketCentrl/status/2110994175303049280?ref_src=twsrc%5Etfw">October 16, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>డివోర్స్ తర్వాత దారితప్పిన జీవితం: క్రికెట్ నాశనం కాకూడదనే నిర్ణయం</strong><br />మద్యపాన వ్యసనం ఎలా మొదలైందన్న ప్రశ్నకు చాహల్ స్పందిస్తూ గతాన్ని గుర్తుచేసుకున్నాడు. "కెరీర్ ఆరంభంలో చిన్న వయసులో ఉన్నప్పుడు పార్టీలకు వెళ్లేవాడిని. జీవితంలో బ్యాలెన్స్ ఎంతో ముఖ్యం అని గతంలో ఏబీ డివిలియర్స్ నాకు చెప్పేవాడు. అది వినడానికి సులభంగానే ఉన్నా పాటించడం చాలా కష్టం. ముఖ్యంగా నా విడాకుల తర్వాత పరిస్థితి పూర్తిగా అదుపు తప్పింది, నా మెంటల్ కండిషన్ ఏమాత్రం బాగోలేదు. ఇదే బాటలో కొనసాగితే నేను ప్రాణంగా ప్రేమించే క్రికెట్ నాశనమవుతుందని గ్రహించాను. అందుకే దానికి ఫుల్‌స్టాప్ పెట్టేశాను" అని చాహల్ వివరించాడు.</p>
<blockquote class="twitter-tweet">
<p dir="ltr" lang="en">🚨🗣️ Yuzvendra Chahal: “I was terrified. He was heavily drunk, and everyone in the room was stunned. Suddenly, everyone intervened and pulled me back up. That guy was laughing, but for me, it felt like a second birth. I think it was on the 15th or 16th floor of the hotel.”@cricketaakash</p>
— TheWicketReport (@WicketReport) <a href="https://x.com/WicketReport/status/2110991323981594950?ref_src=twsrc%5Etfw">October 16, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>ప్యానిక్ అటాక్స్ తో మాట రాని పరిస్థితి: గుండె వేగంతో వణికిపోయిన క్షణాలు</strong><br />పబ్లిక్ ఫిగర్‌గా ఉన్నప్పుడు ప్రతి ఒక్కరూ వ్యక్తిగత విషయాలపై కామెంట్లు చేయడం తీవ్రంగా బాధించిందని చాహల్ ఆవేదన వ్యక్తం చేశాడు. "ఆ సమయంలో నా మైండ్‌సెట్ సరిగ్గా లేకపోవడంతో రెండు మ్యాచ్‌లు ఆడి ఆ తర్వాత టీ20లకు బ్రేక్ తీసుకున్నాను. ఈ భారాన్ని ఇంకెంత కాలం మోయాలనే ఆలోచనతో తీవ్రమైన ఆందోళన, ప్యానిక్ అటాక్స్ మొదలయ్యాయి. ప్యానిక్ అటాక్ వచ్చినప్పుడు గుండె వేగం విపరీతంగా పెరిగిపోయేది, నా ముఖం ఒకవైపునకు బిగుసుకుపోయేది, కనీసం మాట్లాడటానికి మాట కూడా వచ్చేది కాదు. నా ముఖం చూసి అందరూ ఏదో సమస్య ఉందని గుర్తుపట్టేసేవారు. సోషల్ మీడియాలో వచ్చే విమర్శలను ఎవరూ ఆపలేరని తెలుసుకుని అన్నింటినీ వదిలేశా" అని పేర్కొన్నాడు.</p>
<p><strong>పంజాబ్ కింగ్స్ నమ్మకం: 18 కోట్ల బాధ్యతతో పునరాగమనం</strong><br />ఐపీఎల్ 2025 సీజన్‌కు ముందు పంజాబ్ కింగ్స్ ఫ్రాంచైజీ తనపై నమ్మకంతో ఏకంగా 18 కోట్ల రూపాయలు వెచ్చించి తీసుకుందని, ఆ నమ్మకాన్ని వమ్ము చేయకూడదనే కసితో బరిలోకి దిగానని చెప్పాడు. ఆ సీజన్‌లో 16 వికెట్లు, 2026 సీజన్‌లో 12 వికెట్లు తీసి తన సత్తా చాటుకున్నాడు. </p>
2 weeks ago
3 
