<p>CEC Gyanesh Kumar: కేంద్ర ప్రధాన ఎన్నికల కమిషనర్ (సీఈసీ) జ్ఞానేష్ కుమార్‌‌కు సంబంధించిన 20 ఏళ్ల నాటి పాత కేసు ఒక్కసారిగా తెరపైకి వచ్చింది. ఎస్ఐఆర్, ఎన్నికల రిగ్గింగ్ ఆరోపణల నేపథ్యంలో, కేరళం కాంగ్రెస్ ప్రభుత్వం ఈ వివాదాస్పద ఆత్మహత్య, అవినీతి కేసుపై విచారణకు ఆదేశించడం రాజకీయంగా కలకలం రేపుతోంది. </p>
<h3>అసలేంటి కేసు? </h3>
<p>2006లో కేరళం ప్రజా పనుల శాఖ (పీడబ్ల్యూడీ) కార్యదర్శిగా జ్ఞానేష్ కుమార్ పనిచేసినప్పుడు ఈ వివాదం చోటుచేసుకుంది. ప్రపంచ బ్యాంకు నిధులతో సుమారు రూ.215 కోట్లతో కేరళం రాష్ట్ర రవాణా ప్రాజెక్ట్ కింద ఎంసీ రోడ్డు పునర్నిర్మాణ పనులు చేపట్టారు. ఈ ప్రాజెక్టు నిర్వహణ బాధ్యతలను తీసుకున్న మలేషియా కంపెనీకి చెందిన సివిల్ ఇంజినీర్ లిజ్జీ బీన్, రోడ్డు నిర్మాణంలో జరిగిన అవినీతిపై పలు ఫిర్యాదులు చేశారు. ఆ తర్వాత ఆమె మలేషియాకు వెళ్లి ఆత్మహత్య చేసుకోవడం అప్పట్లో సంచలనం సృష్టించింది. <br /><br />Also Read: <a title="తమిళనాడు ఉపఎన్నికల్లో సీఎం విజయ్‌కు సవాల్ - ఫిరాయింపు ఎమ్మెల్యేలకే టిక్కెట్లు - ప్రజా వ్యతిరేకతను తట్టుకోగలరా?" href="https://telugu.abplive.com/politics/tamil-nadu-by-elections-tvk-vijay-defection-mda-dharapuram-madurantakam-260520" target="_self">తమిళనాడు ఉపఎన్నికల్లో సీఎం విజయ్‌కు సవాల్ - ఫిరాయింపు ఎమ్మెల్యేలకే టిక్కెట్లు - ప్రజా వ్యతిరేకతను తట్టుకోగలరా?</a></p>
<h3>విచారణకు ఆదేశాలు </h3>
<p>కేపీసీసీ నాయకుడు మలయింకీళు వేణుగోపాల్ శనివారం చేసిన ఫిర్యాదు మేరకు ఈ విచారణ మరోసారి తెరపైకి వచ్చింది. కేరళం హోం మంత్రి రమేష్ చెన్నితాల ఈ ఫిర్యాదుపై ప్రాథమిక ఆధారాలు ఉన్నాయని వెల్లడించారు. సీఎం వి.డి. సతీసన్‌తో చర్చించిన అనంతరం, సమగ్ర విజిలెన్స్ విచారణ జరపాల్సిందిగా విజిలెన్స్ డైరెక్టర్ మనోజ్ అబ్రహాంను హోంశాఖ ఆదేశించింది. </p>
<p>SIR వివాదం, పలు రాష్ట్రాల్లో భారీగా ఓట్ల తొలగింపు, ఈవీఎంలపై ఆరోపణల నేపథ్యంలో కేంద్ర ప్రధాన ఎన్నికల అధికారి జ్ఞానేష్ కుమార్‌‌ రాజీనామా చేయాలని ప్రతిపక్షాలు డిమాండ్ చేస్తున్నాయి. సీజేపీ , ప్రతిపక్షాలు దిల్లీలో నిరసనలు చేస్తున్నాయి. ఈ తరుణంలో జ్ఞానేష్ కుమార్ పై 20 ఏళ్ల క్రితం నమోదైన కేసును కాంగ్రెస్ ప్రభుత్వం తెరపైకి వచ్చింది. ఈ కేసును విచారించాలని విజిలెన్స్ ను ఆదేశించింది. <br /><br />Also Read: <a title="సీఈసీ జ్ఞానేశ్ కుమార్‌ రాజీనామాకు కాంగ్రెస్ వార్ - కాక్రోచ్‌ల తరహాలో రాహుల్ కూడా విజయం సాధించగలరా?" href="https://telugu.abplive.com/politics/congress-demands-cec-gyanesh-kumar-resignation-cwc-meeting-india-alliance-strategy-260437" target="_self">సీఈసీ జ్ఞానేశ్ కుమార్‌ రాజీనామాకు కాంగ్రెస్ వార్ - కాక్రోచ్‌ల తరహాలో రాహుల్ కూడా విజయం సాధించగలరా?</a></p>
3 weeks ago
3 
