Budget 2026: మౌలిక రంగానికి రూ. 12.4 లక్షల కోట్లు - రక్షణ, రైల్వే, రహదారులపైనే ప్రధాన ఫోకస్ - యూబీఐ అంచనా

<p><strong>Union Budget 2026: &nbsp;</strong>ఆదివారం &nbsp;కేంద్ర ఆర్థిక మంత్రి నిర్మలా సీతారామన్ ప్రవేశపెట్టనున్న 2026-27 ఆర్థిక సంవత్సర బడ్జెట్&zwnj;పై దేశవ్యాప్తంగా భారీ అంచనాలు నెలకొన్నాయి. ఈ క్రమంలో యూనియన్ బ్యాంక్ ఆఫ్ ఇండియా విడుదల చేసిన నివేదిక పలు ఆసక్తికర అంశాలను వెల్లడించింది. దేశ ఆర్థిక వ్యవస్థను బలోపేతం చేసే దిశగా ప్రభుత్వం మూలధన వ్యయాన్ని &nbsp;రూ. 12.4 లక్షల కోట్లకు పెంచే అవకాశం ఉందని ఈ నివేదిక అంచనా వేసింది.</p> <p><strong>ద్రవ్య లోటు కట్టడి.. ఆర్థిక క్రమశిక్షణే లక్ష్యం&nbsp;</strong></p> <p>ప్రపంచవ్యాప్తంగా నెలకొన్న అనిశ్చితి, వచ్చే ఏడాది అమలులోకి రానున్న పే-కమిషన్ సిఫార్సులను దృష్టిలో ఉంచుకుని, ప్రభుత్వం ఆర్థిక క్రమశిక్షణను కొనసాగించే అవకాశం ఉంది. 2026-27 ఆర్థిక సంవత్సరంలో ద్రవ్య లోటును &nbsp;జీడీపీలో 4.2 నుంచి 4.4 శాతం పరిధిలోకి తీసుకురావాలని ప్రభుత్వం లక్ష్యంగా పెట్టుకున్నట్లు యూబీఐ పేర్కొంది. అంతేకాకుండా, 2031 నాటికి రుణ-జీడీపీ నిష్పత్తిని 50 శాతానికి తగ్గించాలనే దీర్ఘకాలిక ప్రణాళికతో కేంద్రం అడుగులు వేస్తోంది.</p> <p><strong>కీలక రంగాలకు పెద్దపీట&nbsp;</strong></p> <p>మౌలిక సదుపాయాల కల్పనే ధ్యేయంగా ప్రభుత్వం తన వ్యయాన్ని కొనసాగించనుంది. జీడీపీలో దాదాపు 3.2 శాతానికి సమానమైన రూ. 12.4 లక్షల కోట్లను మూలధన వ్యయం కింద కేటాయించవచ్చు. ఇందులో రక్షణ రంగం, జాతీయ రహదారుల నిర్మాణం , రైల్వే వ్యవస్థ ఆధునీకరణకు అత్యధిక ప్రాధాన్యత లభించనుంది. జీఎస్టీ పరిహారం సెస్&zwnj; నిలిపివేత వంటి ఆదాయ పరమైన సవాళ్లు ఉన్నప్పటికీ, అభివృద్ధి పనులకు నిధుల కొరత లేకుండా ప్రభుత్వం జాగ్రత్త పడుతోంది.</p> <p><strong>&nbsp;పెట్టుబడుల ఆకర్షణ.. పన్నుల హేతుబద్ధీకరణ&nbsp;</strong><br />బడ్జెట్&zwnj;లో కేవలం లెక్కలే కాకుండా కీలక సంస్కరణల ప్రకటనలు కూడా ఉండవచ్చని యూబీఐ నివేదిక అభిప్రాయపడింది. ముఖ్యంగా..</p> <p>-బ్యాంకు డిపాజిట్లను మరింత ఆకర్షణీయంగా మార్చే చర్యలు.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;<br />-విదేశీ పెట్టుబడిదారులను (FDI) ప్రోత్సహించే విధానాలు.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;<br />-తయారీ రంగానికి ఊతమిచ్చేలా కస్టమ్స్ డ్యూటీ &nbsp; హేతుబద్ధీకరణ.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;<br />-రాష్ట్రాల ఆర్థిక స్థితిగతులను మెరుగుపరిచేలా 16వ ఆర్థిక సంఘం సిఫార్సుల అమలు ఉండవచ్చు.&nbsp;</p> <p>ఆర్థిక మంత్రి తన సంప్రదాయక శైలిలోనే విశ్వసనీయమైన బడ్జెట్&zwnj;ను ప్రవేశపెడుతూనే, మార్కెట్లకు ,సామాన్యులకు కొన్ని సానుకూల &nbsp;ఊహించని వరాలను అందించే అవకాశం ఉందని యూబీఐ నివేదిక వెల్లడిస్తోంది.&nbsp;&nbsp;</p> <p><iframe class="vidfyVideo" style="border: 0px;" src="https://telugu.abplive.com/web-stories/news/why-table-top-runways-are-dangerous-236257" width="631" height="381" scrolling="no"></iframe></p> <p>&nbsp;</p>