<p><strong>Budget 2026 Income Tax Expectations:</strong> కేంద్ర బడ్జెట్ 2026 ఆదివారం నాడు (ఫిబ్రవరి 1న) ఆర్థిక మంత్రి నిర్మలా సీతారామన్ లోక్‌సభలో ప్రవేశపెట్టనున్నారు. బడ్జెట్ టైం సమీపిస్తున్నకొద్దీ, కోట్లాది పన్ను చెల్లింపుదారులు పన్ను విధానాలపై తికమక పడుతుంటారు. కొత్త పన్ను విధానంలో ఎలాంటి డాక్యుమెంట్లు సమర్పించకుండా రూ.12 లక్షల వరకు ఆదాయం ఉన్నవారికి ప్రయోజనం చేకూర్చుతుంది. తక్కువ పేపర్ వర్క్, తక్కువ మినహాయింపులు ఉంటాయి. అయినప్పటికీ, ఏడాది గడిచిన తర్వాత, రెండింటిలో పాత పన్ను విధానమా, లేక కొత్త ట్యాక్స్ సిస్టమ్.. దేనిని ఎంచుకోవాలనేది కొందరికీ క్లారిటీ రావడం లేదు. దీనికి కారణం కూడా అలాగే ఉంటుంది. మధ్యతరగతి వాళ్లు ఎంత సంపాదిస్తారు, ఖర్చు చేస్తారు, వారి ఆర్థిక విషయాలను పూర్తిగా ప్లాన్ చేసుకుంటారు. పాత పన్ను విధానంలో ట్యాక్స్ రీబేట్ సౌకర్యంతో కోట్ల మంది ప్రయోజనం పొందుతున్నారు.</p>
<h2><strong>పాత విధానం ఎవరికి ప్రయోజనం</strong></h2>
<p>ఇంటి రుణాలు (Home Loans), బీమా పాలసీలు, దీర్ఘకాలిక పొదుపులు ఉన్న శాలరీ తీసుకునే ట్యాక్స్ పేయర్లు పాత పన్ను విధానానికే మొగ్గు చూపుతున్నారు. ఎందుకంటే వీరు గృహ రుణ వడ్డీ (Home Loan Interest), ఆరోగ్య పాలసీలు, స్టడీ లోన్స్, పదవీ విరమణ బెనిఫిట్స్ పై మినహాయింపులు పన్ను లెక్కించే ఆదాయాన్ని గణనీయంగా తగ్గిస్తాయి. ప్లాన్ చేసుకున్న ఖర్చులు, క్రమశిక్షణతో కూడిన పన్ను ప్రణాళిక ఉన్న వారికి ఈ ప్రయోజనాలు స్పష్టంగానే ఉన్నాయి.</p>
<p>అయితే, ఈ విధానం కొంతమేర సంక్లిష్టతతో కూడుకుంది. ఇది డాక్యుమెంటేషన్, ముందుగానే ప్లానింగ్, పన్ను నియమాలతో అవగాహన ఉండాలి. ఏడాదిలో ఖర్చులు, పన్ను మినహాయింపులతో పూర్తి అవగాహన అవసరం. కొందరికి ఈ విధానంలో మినహాయింపుల నుండి పూర్తి విలువను పొందడం సాధ్యం కాదు. </p>
<h2><strong>కొత్త పన్ను విధానం, దాని లోపాలు</strong></h2>
<p>కొత్త పన్ను విధానం తక్కువ స్లాబ్ రేట్లు, సరళమైన స్లాబ్‌లు, అధిక రాయితీ పరిమితి, తక్కువ ఛార్జ్‌లు ఉన్నాయి. వేతనం రూ.12 లక్షల వరకు ఉన్నవారికి, ఆపైన కొంత స్టాండర్డ్ డిడక్షన్ ప్రయోజనం పొందేవారికి కొత్త ట్యాక్స్ సిస్టమ్ కరెక్ట్. అయితే ఇందులో రెండు లోపాలు దాని ప్రభావాన్ని పరిమితం చేస్తాయి.</p>
<p>మొదట ద్రవ్యోల్బణానికి ట్యాక్స్ స్లాబ్స్ సూచన చేయలేదు. జీతాలు పెరుగుతున్నప్పటికీ, అంతకుమించిన ఖర్చులు మిమ్మల్ని ఎక్కువ ట్యాక్స్ స్లాబ్‌లోకి తీసుకెళ్తాయి. రెండవ విషయం ఏంటంటే.. అద్దె, చదువు, ఇన్సూరెన్స్, పిల్లల సంరక్షణ వంటి ఇంటి ఖర్చులను మినహాయింపుల లిమిట్ పూర్తిగా విస్మరిస్తుంది.</p>
<p>రెండు ట్యాక్స్ విధానాల మధ్య వ్యత్యాసం స్పష్టంగా ఉంది. పాత విధానం ఎక్కువ స్లాబ్‌లు, విస్తృత శ్రేణి మినహాయింపులతో ఉంది. ఉంటుంది. కొత్త ట్యాక్స్ విధానం సింపుల్‌గా అనిపించినా.. ఎలాంటి మినహాయింపులు ఇవ్వదు. భవిష్యత్తులో ఇది గందరగోళానికి కారణం అవుతుంది.</p>
<p>ప్రతి ఏడాది రెగ్యూలర్ శాలరీ జీతంతో పాటు ఇతర పెట్టుబడుల సంబంధిత ఆదాయం, బ్యాంకులోని నగదు వడ్డీ సహా అన్ని లెక్కలు సరిచేసుకోగలిగి ఉండి.. మీ ఆదాయం ట్యాక్స్ లిమిట్ పరిధిలోపే ఉంటే కొత్త పన్ను విధానం చూసుకోవాలి. లేక మీ హోంలోన్, పిల్లల చదువులు, హెల్త్ ఇన్సూరెన్సులు, ఇతర మినహాయింపులు కోరుకుంటే.. దీనిపై పూర్తి క్లారిటీ ఉంటే పాత పన్ను విధానంలోనే కొనసాగాలి. </p>
<h2><strong>బడ్జెట్ 2026 ఎందుకు కీలకం</strong></h2>
<p>బడ్జెట్ 2026పై ట్యాక్స్ పేయర్లు ఆశలు పెట్టుకున్నారు. కొత్త పన్ను విధానంలో ప్రామాణిక మినహాయింపులో పెంపుదల జీతం పెరిగినా ట్యాక్స్ పరిధిలోకి రాకుండా చూస్తుంది. మినహాయింపులతో పాటు అధిక స్టాండర్డ్ డిడక్షన్ మినహాయింపు అన్ని ఆదాయ సమూహాలకు ప్రయోజనం చేకూరుస్తుంది. ఇది పన్ను చెల్లింపుదారులకు ఊరట కలిగిస్తుంది. మధ్య తరగతి వారికి సైతం ఖర్చులు భారీగా పెరుగుతున్నాయి. కనుక ఎక్కువ మినహాయింపుల కోసం చూస్తున్నారు. </p>
<p>ప్రతి ఏడాది పన్ను విధానంలో మినహాయింపులు పెంచడం లేదా ట్యాక్స్ పరిధిలోకి వచ్చే నగదు పరిమితిని పెంచడం ద్వారా చాలా వర్గాలకు ప్రయోజనం చేకూరుతుందని సామాన్యులు ఆశిస్తున్నారు. </p>
2 months ago
8 
