<p><strong>England Skipper Breaks Shubman Gills World Record With Sensational Double Ton In Tri Series Encounter:</strong> వన్డే క్రికెట్ చరిత్రలోనే కనీవినీ ఎరుగని సరికొత్త సంచలనం నమోదైంది. ఇంగ్లండ్ కెప్టెన్ హ్యారీ బ్రూక్ విధ్వంసకర బ్యాటింగ్‌తో రికార్డుల పుస్తకాలను తిరగరాశాడు. గురువారం రావల్పిండి వేదికగా శ్రీలంకతో జరిగిన వన్డే ట్రై సిరీస్ మ్యాచ్‌లో బ్రూక్ కేవలం 114 బంతుల్లోనే డబుల్ సెంచరీ సాధించి, పురుషుల వన్డేల్లో ఫాస్టెస్ట్ ద్విశతకం నమోదు చేసిన ప్లేయర్‌గా చరిత్ర సృష్టించాడు. ఇంగ్లండ్ తరఫున వన్డేల్లో ఈ ఘనత సాధించిన మొట్టమొదటి బ్యాటర్‌గా నిలిచాడు. ఇన్నింగ్స్ ఆఖరి బంతికి ఔటయ్యే సమయానికి 116 బంతుల్లో 21 ఫోర్లు, 10 భారీ సిక్సర్ల సాయంతో 202 పరుగులు జోడించాడు. గత నెలలో గువాహటి వేదికగా వెస్టిండీస్‌పై భారత స్టార్ బ్యాటర్ శుభ్‌మన్ గిల్ 116 బంతుల్లో సాధించిన రికార్డును బ్రూక్ బద్దలు కొట్టాడు. తొలి శతకాన్ని 75 బంతుల్లో చేరుకున్న బ్రూక్, తర్వాతి సెంచరీని కేవలం 39 బంతుల్లోనే పూర్తి చేయడం అతడి విధ్వంసానికి అద్దం పడుతోంది.</p>
<p>Read Also: <a title="Record T20I Chase: 226 పరుగుల కొండంత లక్ష్యం చిన్నబోయింది.. కివీస్ గడ్డపై నమన్ ధీర్ సిక్సర్ తో టీమిండియా నయా చరిత్ర" href="https://telugu.abplive.com/sports/cricket/india-pulls-off-highest-successful-t20i-run-chase-against-new-zealand-262106" target="_self">టీమిండియా స్ట‌న్నింగ్ విక్ట‌రీ.. కివీస్ పై తొలి టీ20లో ఘ‌న విజ‌యం.. స‌త్తా చాటిన సంజూ, శ్రేయ‌స్, న‌మ‌న్</a></p>
<p><strong>పరుగుల సునామీ: ఇంగ్లండ్ భారీ స్కోరు</strong><br />టాస్ ఓడి తొలుత బ్యాటింగ్‌కు దిగిన ఇంగ్లండ్ నిర్ణీత 50 ఓవర్లలో 4 వికెట్ల నష్టానికి 429 పరుగుల భారీ స్కోరు సాధించింది. వన్డే చరిత్రలో ఇది ఇంగ్లండ్‌కు నాలుగో అత్యధిక స్కోరు. బ్రూక్‌తో పాటు జో రూట్ (69), విల్ జాక్స్ (66 నాటౌట్), టామ్ బాంటన్ (50) అర్ధ శతకాలతో రాణించారు. ఆఖరి 10 ఓవర్లలో బ్రూక్, జాక్స్ జోడీ ఏకంగా 156 పరుగులు పిండుకోవడంతో శ్రీలంక బౌలర్లు తీవ్రంగా విలవిల్లాడారు. లంక పేసర్లు ఇషాన్ మలింగ వికెట్ లేకుండా 91 పరుగులు, దిల్షాన్ మదుశంక 89 పరుగులు సమర్పించుకున్నారు. రెండేళ్ల తర్వాత వన్డేల్లోకి రీఎంట్రీ ఇచ్చిన దాసున్ శనక ఆరు ఓవర్లలోనే 74 పరుగులు ఇచ్చాడు. లెఫ్టార్మ్ స్పిన్నర్ దునిత్ వెల్లలాగే మాత్రమే 56 పరుగులిచ్చి రెండు వికెట్లు తీశాడు.</p>
<p>Read Also: <a title="Chief Selector Twist: అగార్కర్ సీటులో హైదరాబాదీ స్పిన్నర్.. టీమిండియా చీఫ్ సెలెక్టర్ గా ప్రజ్ఞాన్ ఓజా" href="https://telugu.abplive.com/sports/cricket/pragyan-ojha-to-become-full-time-chief-selector-of-indian-mens-cricket-team-261768" target="_self">Chief Selector Twist: అగార్కర్ సీటులో హైదరాబాదీ స్పిన్నర్.. టీమిండియా చీఫ్ సెలెక్టర్ గా ప్రజ్ఞాన్ ఓజా</a></p>
<p><strong>వన్డేల్లో వేగవంతమైన డబుల్ సెంచరీలు: అగ్రస్థానంలో బ్రూక్</strong><br />ఈ అద్భుత ఇన్నింగ్స్‌తో అంతర్జాతీయ వన్డేల్లో అత్యంత వేగంగా డబుల్ సెంచరీ చేసిన దిగ్గజాల జాబితాలో హ్యారీ బ్రూక్ అగ్రస్థానాన్ని దక్కించుకున్నాడు. గిల్ (116 బంతులు), ఇషాన్ కిషన్ (126 బంతులు), గ్లెన్ మ్యాక్స్‌వెల్ (128 బంతులు), పథుమ్ నిస్సాంక (136 బంతులు), క్రిస్ గేల్ (138 బంతులు), వీరేంద్ర సెహ్వాగ్ (140 బంతులు) తర్వాత స్థానాల్లో ఉన్నారు.</p>
<p><strong>పాకిస్థాన్ గడ్డపై ఆల్ టైమ్ రికార్డు: తొలి విజయం కోసం పోరు</strong><br />పాకిస్థాన్ గడ్డపై ఒక వన్డే ఇన్నింగ్స్‌లో నమోదైన అత్యధిక వ్యక్తిగత స్కోరుతో పాటు శ్రీలంకపై ఇంగ్లండ్‌ కు ఇదే అత్యధిక స్కోరుగా నిలిచింది. పాకిస్థాన్‌తో జరిగిన తమ మొదటి మ్యాచ్‌లలో ఓటమి పాలైన ఇరు జట్లకు ఈ మ్యాచ్ విజయం ఎంతో కీలకం గా మారింది.</p>
1 week ago
2 
