<p><strong>Top stories Today | ఈరోజు వార్తల ముఖ్యాంశాలు</strong></p>
<h3>లెక్చరర్ అవమానించారని ఇంటర్ టాపర్ ఆత్మహత్య.. గద్వాల జిల్లాలో ఘటన</h3>
<p>కాలేజీలో లెక్చరర్ చేసిన అవమానం తట్టుకోలేక ఓ ఇంటర్ విద్యార్థి ఆత్మహత్య చేసుకున్నాడు. జోగులాంబ గద్వాల జిల్లా కొత్తపల్లికి చెందిన తరుణ్ (17) బైపీసీ ఫస్ట్ ఇయర్‌లో 434 మార్కులతో జిల్లాలోనే రెండో ర్యాంక్ సాధించాడు. గద్వాల్‌లోని ప్రభుత్వ జూనియర్‌ కాలేజీలో ఇంటర్మీడియట్‌ సెకండియర్ చదువుతున్న తరుణ్‌ కు అయితే మరో విద్యార్థి కంటే ఒక్క మార్కు తక్కువగా వచ్చిందని ఓ లెక్చరర్ అతడిని హేళన చేశారు. చెంపపై కొట్టి తీవ్రంగా అవమానించిందని, నువ్వేమైనా మంత్రి కుమారుడివా అంటూ విలువ లేదంటూ మాట్లాడిన మాటలతో ఆత్మహత్య చేసుకున్నాడు. తరుణ్ తనకు జరిగిన అమానాన్ని సూసైడ్ నోట్‌లో రాసి ఇంట్లో ఫ్యాన్‌కు ఉరివేసుకుని ఆత్మహత్య చేసుకున్నాడు. </p>
<h3>జోగి ఫ్యామిలీ వరకట్నం, హత్యాయత్నం ఆరోపణల కేసు.. విచారణ 4కు వాయిదా</h3>
<p>వైసీపీ నాయకుడు, మాజీ మంత్రి జోగి రమేష్ కుటుంబ సభ్యులు తమపై నమోదైన కేసులో చట్టపరమైన రక్షణ కోసం విజయవాడలోని మహిళా స్పెషల్ కోర్టును ఆశ్రయించారు. వరకట్న వేధింపులతో పాటు హత్యాయత్నం ఆరోపణలతో ఇబ్రహీంపట్నం పోలీస్ స్టేషన్‌లో నమోదైన కేసులో తమను అరెస్ట్ చేయకుండా ముందస్తు రక్షణ కల్పించాలని కోరుతూ జోగి ఫ్యామిలీ ఈ పిటిషన్లు దాఖలు చేసింది. ఈ పిటిషన్‌పై విచారణ జరిపిన మహిళా స్పెషల్ కోర్టు, దీనిపై పూర్తి వివరాలతో కౌంటర్ దాఖలు చేయాలని ఇబ్రహీంపట్నం పోలీసులను ఆదేశించింది. అనంతరం ఈ కేసు తదుపరి విచారణను ఆగస్టు 4వ తేదీకి వాయిదా వేస్తూ న్యాయస్థానం నిర్ణయం తీసుకుంది.</p>
3 months ago
7 
