Breaking News: భారతీరాజా మరణం సినీ పరిశ్రమకు తీరని లోటు: వైయస్ జగన్

<p>చెన్నై: భారత చిత్ర పరిశ్రమలో తీవ్ర విషాదం చోటు చేసుకుంది. తమిళనాట దర్శక శిఖరంగా, సంచలనాల దర్శకుడిగా పేరు పొందిన ప్రముఖ దర్శకుడు, నిర్మాత, నటుడు భారతీరాజా (84) ఇకలేరు. గత కొంతకాలంగా వృద్ధాప్య సంబంధిత ఆరోగ్య సమస్యలతో బాధపడుతున్న ఆయన, చెన్నైలోని తన స్వగృహంలో బుధవారం (జూన్ 10, 2026) ఉదయం తుదిశ్వాస విడిచారు. ఆయన మరణవార్త విన్న సినీ ప్రముఖులు, అభిమానులు తీవ్ర దిగ్భ్రాంతికి గురవుతున్నారు.</p> <p>భారతీరాజా వ్యక్తిగత జీవితంలో గత ఏడాది ఎదురైన ఒక పెను విషాదం ఆయనను మానసికంగా దెబ్బతీసింది. ఆయన కుమారుడు మనోజ్ భారతీరాజా గత ఏడాది మార్చిలో అకాల మరణం చెందారు. కుమారుడి మృతితో భారతీరాజా తీవ్రమైన మనోవేదనకు గురయ్యారని, ఆ బాధ నుంచి ఆయన కోలుకోలేకపోయారని సమాచారం. పుత్రశోకం కారణంగానే గత కొన్ని నెలలుగా ఆయన ఆరోగ్యం మరింత క్షీణించిందని భారతీరాజా సోదరుడు జయరాజ్ గతంలో ఒక సందర్భంలో ఆవేదన వ్యక్తం చేశారు.</p> <p>తమిళ సినిమాను స్టూడియోల నాలుగుడెవల మధ్య నుంచి పల్లెటూరి పచ్చదనం వైపు, సహజత్వానికి దగ్గరగా నడిపించిన ఘనత భారతీరాజాకే దక్కుతుంది. ఆయన మరణం దక్షిణాది చిత్ర పరిశ్రమకు, ముఖ్యంగా తమిళ సినిమా రంగానికి తీరని లోటని పలువురు ప్రముఖులు సంతాపం వ్యక్తం చేస్తున్నారు.</p> <p><strong>భారతీరాజా మరణం సినీ పరిశ్రమకు తీరని లోటు: వైయస్ జగన్</strong></p> <p>ప్రముఖ దర్శకుడు, నటుడు, తమిళ సినీ పరిశ్రమలో చెరగని ముద్ర వేసిన దిగ్గజ సినీ వ్యక్తిత్వం భారతీరాజా మరణవార్త తెలిసి దిగ్భ్రాంతికి గురయ్యానని మాజీ ముఖ్యమంత్రి, వైఎస్సార్సీపీ అధ్యక్షుడు వైయస్ జగన్ పేర్కొన్నారు. భారత సినీ చరిత్రలో గ్రామీణ జీవన విధానాన్ని, మానవ సంబంధాలను అత్యంత సహజంగా వెండితెరపై ఆవిష్కరించి ప్రత్యేక గుర్తింపు పొందిన భారతీరాజా గారు దర్శకుడిగా, నటుడిగా అనేక తరాల సినీ అభిమానులను ప్రభావితం చేశారని వైయస్ జగన్ అన్నారు.</p> <p>దర్శకుడిగానే కాకుండా నటుడిగా కూడా తనదైన ముద్ర వేసిన భారతీరాజా ఇటీవల కాలంలో పలు చిత్రాల్లో విశిష్ట పాత్రలు పోషించి ప్రేక్షకుల ఆదరణ పొందారని అన్నారు.&nbsp;భారతీరాజా మరణం దక్షిణ భారత సినీ పరిశ్రమకు, కళారంగానికి తీరని లోటని పేర్కొన్న వైయస్ జగన్, ఆయన కుటుంబ సభ్యులకు, అభిమానులకు, సినీ పరిశ్రమకు తన ప్రగాఢ సానుభూతిని తెలిపారు.&nbsp;పరమపదించిన భారతీరాజా&nbsp; ఆత్మకు శాంతి చేకూరాలని వైయస్ <a title="జగన్" href="https://telugu.abplive.com/topic/cm-jagan" data-type="interlinkingkeywords">జగన్</a> ప్రార్థించారు.</p>