<p><strong>Top stories Today | ఈరోజు వార్తల ముఖ్యాంశాలు </strong></p>
<h3><strong>తెలంగాణ రెడ్కో డీఈ నివాసంలో ఏసీబీ ఆకస్మిక సోదాలు</strong></h3>
<p>తెలంగాణ రెడ్కో డివిజనల్ ఇంజనీర్ ముత్యం వెంకటరమణ నివాసంతో పాటు 15 ప్రాంతాల్లో అవినీతి నిరోధక శాఖ (ACB) అధికారులు ముమ్మర సోదాలు చేపట్టారు. ఆదాయానికి మించి ఆస్తులు ఉన్నాయనే ఆరోపణలతో DSP మాజిద్ ఖాన్ నేతృత్వంలో 8 బృందాలు ఈ తనిఖీలు నిర్వహిస్తున్నాయి. మాదాపూర్‌లోని ఆయన నివాసంలో స్థిర, చరాస్తుల పత్రాలు, భారీగా నగదు స్వాధీనం చేసుకున్నారు. తనిఖీల అనంతరం పూర్తి వివరాలు వెల్లడిస్తామని ఏసీబీ తెలిపింది.</p>
<h3><strong>తెలంగాణలో టీచర్లకు స్పెషల్ టెట్ నోటిఫికేషన్..</strong></h3>
<p>హైదరాబాద్: తెలంగాణ ప్రభుత్వం సుప్రీంకోర్టు తీర్పు మేరకు ఇన్-సర్వీస్ ఉపాధ్యాయుల కోసం ప్రత్యేక టెట్ నోటిఫికేషన్ జారీ చేసింది. 2028 సెప్టెంబరు నాటికి టీచర్లు టెట్ పాస్ కావడం తప్పనిసరి. రాష్ట్రంలో దాదాపు 20 వేల మంది ఇన్-సర్వీస్ టీచర్లు టెట్ సాధించాల్సి ఉంది. అలాగే, ప్రమోషన్ల కోసం ఎస్జీటీ, టీజీటీ ఉపాధ్యాయులు కూడా ఈ పరీక్ష రాయనున్నారు. జులై 22-29 వరకు దరఖాస్తు చేసుకోవాలని టీచర్లకు సూచించారు. అయితే, తమకు వెయిటేజీ లేనందున అందరికీ ఒకే రకమైన అర్హత మార్కులు కేటాయించాలని కొందరు ఉపాధ్యాయులు కోరుతున్నారు.</p>
3 months ago
9 
