<p><strong>Top Stories Today | ఈరోజు వార్తల ముఖ్యాంశాలు</strong></p>
<h3><strong>తెలంగాణ తదుపరి ప్రధాన కార్యదర్శిగా సంజయ్ జాజు</strong></h3>
<p>తెలంగాణ తదుపరి ప్రధాన కార్యదర్శిగా (సీఎస్‌) సంజయ్‌జాజు నియమితులయ్యే అవకాశం ఉంది. ప్రస్తుత సీఎస్‌ రామకృష్ణారావు ఈ నెలాఖరున పదవీ విరమణ చేయనుండటంతో, సీఎం ఆయన వైపే మొగ్గు చూపినట్లు తెలుస్తోంది. ప్రస్తుతం కేంద్ర సర్వీసులో ఉన్న 1992 బ్యాచ్‌ ఐఏఎస్‌ అధికారి సంజయ్‌జాజును రాష్ట్రానికి పంపుతూ కేంద్రం నిర్ణయం తీసుకుంది. గతంలో ఉమ్మడి ఏపీలో పలు కీలక బాధ్యతలు నిర్వహించిన ఈయన, నియామకం ఖరారైతే 2029 ఫిబ్రవరి వరకు సర్వీసులో కొనసాగుతారు. త్వరలోనే ప్రభుత్వం అధికారిక ఉత్తర్వులు జారీ చేయనుంది.</p>
<h3><strong>బుధవారం తగ్గిన బంగారం ధరలు.. </strong></h3>
<p>పశ్చిమాసియాలో ఉద్రిక్తతలు తగ్గడంతో అంతర్జాతీయంగా చమురు, పసిడి, వెండి ధరలు క్షీణిస్తున్నాయి. అమెరికా డాలర్‌, బాండ్‌ రాబడులు పెరగడంతో వీటికి గిరాకీ తగ్గింది. అంతర్జాతీయ మార్కెట్లో ఔన్సు బంగారం 4057 డాలర్లకు, వెండి 60.95 డాలర్లకు పడిపోయాయి. దీని ప్రభావంతో హైదరాబాద్‌లో 24 క్యారెట్ల 10 గ్రాముల బంగారం ధర రూ.2,000 తగ్గి రూ.1,47,100కు చేరింది. కిలో వెండి రూ.4,000 క్షీణించి రూ.2.29 లక్షలుగా నమోదైంది. మల్టీ కమొడిటీ ఎక్స్ఛేంజీ (MCX) లోనూ బంగారం, వెండి ధరలు ఒక శాతం మేర తగ్గుముఖం పట్టాయి.</p>
<p> </p>
4 months ago
10 
