Breaking News: జనసేన పార్టీలో చేరికల సమన్వయానికి జాయినింగ్స్ కమిటీ

<h4><strong>Top Stories Today | టుడే టాప్ న్యూస్ అప్&zwnj;డేట్స్</strong></h4> <h3><strong>జనసేనలో చేరికల సమన్వయానికి జాయినింగ్స్ కమిటీ</strong></h3> <p><a title="జనసేన" href="https://telugu.abplive.com/topic/Janasena" data-type="interlinkingkeywords">జనసేన</a> పార్టీలోకి కొత్త నేతలు, విద్యావంతులు, తటస్థులను చేరికలను సమన్వయం చేసేందుకు పవన్ కళ్యాణ్ 14 మంది సభ్యులతో ఆంధ్రప్రదేశ్ జాయినింగ్స్ కమిటీని ఏర్పాటు చేశారు. ఇందులో ఎంపీ లింగమనేని రమేష్, బాలినేని శ్రీనివాసరెడ్డి వంటి సీనియర్ నేతలు, ఎమ్మెల్యేలు సభ్యులుగా ఉన్నారు. ఢిల్లీ పర్యటన తర్వాత ఈ కమిటీతో సమావేశమై చేరికలపై దిశానిర్దేశం చేయనున్నారు. ఏపీ తరహాలోనే త్వరలో తెలంగాణకు కూడా ప్రత్యేక జాయినింగ్స్ కమిటీని నియమించనున్నట్లు పవన్ కళ్యాణ్ ప్రకటించారు.</p> <h3><strong>ఇరాన్&zwnj;కు అమెరికా పరిహారం చెల్లిస్తుందా? ఒప్పందంలో కండీషన్ అదేనా</strong></h3> <p>అమెరికా, ఇరాన్ మధ్య శాంతి ఒప్పందంలో పురోగతి కనిపిస్తుంది. ఇరాన్&zwnj;తో కుదిరిన ప్రాథమిక ఒప్పందంపై అమెరికా అధ్యక్షుడు డొనాల్డ్ ట్రంప్, ఉపాధ్యక్షుడు జేడీ వాన్స్, ఇరాన్ స్పీకర్ ఘాలీబాఫ్ వర్చువల్&zwnj;గా డిజిటల్ సంతకాలు చేయడంతో ఒప్పందానికి మరింత బలం చేకూరింది. జూన్ 19న స్విట్జర్లాండ్&zwnj;లో ఇరు దేశాల ప్రతినిధులు దీనిపై అధికారికంగా సంతకాలు చేయనున్నారని అమెరికా అధికారులు ఇదివరకే తెలిపారు.</p> <p>ఈ శాంతి ఒప్పందం విలువ కనీసం 300 బిలియన్ డాలర్లుగా ఉండవచ్చని సమాచారం. యుద్ధ నష్టపరిహారం, ఆంక్షల సరళీకరణ, విదేశాల్లో నిలిచిపోయిన ఆస్తుల పునరుద్ధరణ వంటి ఇరాన్ డిమాండ్లకు అమెరికా అంగీకరించినట్లు తెలుస్తోంది. దీనిని ట్రంప్ దౌత్య విజయంగా అభివర్ణించారు. దీనివల్ల చమురు మార్కెట్లు స్థిరపడతాయని, హర్మూజ్ జలసంధి పూర్తిగా తెరుచుకుంటుందని ఆయన పేర్కొన్నారు. అయితే, ఈ ప్యాకేజీని అమెరికా పెట్టుబడి, పునర్నిర్మాణ కార్యక్రమంగా అభివర్ణిస్తుండగా, ఇరాన్ మాత్రం యుద్ధ నష్టపరిహారంగా పేర్కొనడం కొత్త చర్చకు దారితీస్తోంది.</p> <h3><strong>తెలంగాణలో జూన్ 19 నుంచి భారీ వర్షాలు..</strong></h3> <p>భారీ వర్షాల హెచ్చరికలతో తెలంగాణ ప్రభుత్వం అప్రమత్తమైంది. విపత్తుల నివారణకు ముందస్తు చర్యలు చేపట్టాలని మంత్రి పొంగులేటి శ్రీనివాసరెడ్డి అధికారులను ఆదేశించారు. ఎల్ నినో ప్రభావంతో ఉష్ణోగ్రతలు ఎక్కువగా ఉన్నప్పటికీ, ప్రస్తుతం నైరుతి రుతుపవనాలు విస్తరిస్తున్నాయి. జూన్ 19 నుండి వారం రోజుల పాటు రాష్ట్రవ్యాప్తంగా భారీ వర్షాలు కురుస్తాయని వాతావరణ శాఖ అంచనా వేసింది. జూన్ 1 నుండి 15 వరకు 10% లోటు వర్షపాతం నమోదైనట్లు మంత్రి తెలిపారు. కలెక్టర్లు, రెవెన్యూ అధికారులు విపత్తుల నిర్వహణ సిబ్బందితో సమన్వయం చేసుకుంటూ, ముంపు ప్రాంతాలను గుర్తించి ప్రజల ప్రాణాలు, ఆస్తులను కాపాడాలని మంత్రి స్పష్టం చేశారు.</p> <h3><strong>ఏపీలో భిన్న వాతావరణం.. ఓవైపు వర్షాలు, మరోవైపు ఎండలు</strong></h3> <p>అమరావతి: ఆంధ్రప్రదేశ్&zwnj;లో ఒకవైపు తీవ్రమైన ఎండలు, మరోవైపు పిడుగులతో కూడిన వర్షాలు కురిసే విచిత్రమైన వాతావరణం నెలకొందని రాష్ట్ర విపత్తుల నిర్వహణ సంస్థ ఎండీ ప్రఖర్ జైన్ తెలిపారు. విజయనగరం, మన్యం, అల్లూరి, ఏలూరు, కాకినాడ, కోనసీమ, ఉభయ గోదావరి, నెల్లూరు జిల్లాల్లో పిడుగులతో కూడిన వర్షాలు కురిసే అవకాశం ఉందన్నారు. శ్రీకాకుళం, మన్యం, విజయనగరం జిల్లాల్లో పిడుగుల తీవ్రత ఎక్కువగా ఉంటుందని హెచ్చరించారు. కోస్తాంధ్రలోని మిగిలిన ప్రాంతాలు, రాయలసీమలోని చిత్తూరు, తిరుపతి జిల్లాల్లో ఉరుములు, మెరుపులతో కూడిన తేలికపాటి వర్షాలు పడతాయన్నారు. గత సోమవారం కూడా పలు జిల్లాల్లో వర్షాలు కురిశాయని, ఎండల తీవ్రత కూడా ఎక్కువగా ఉన్నందున ప్రజలు అప్రమత్తంగా ఉంటూ తగిన జాగ్రత్తలు తీసుకోవాలని సూచించారు.</p> <p>&nbsp;</p> <p>&nbsp;</p>