<p><strong>Brahmamudi Serial Today Episode:</strong> రేఖ ప్లాన్‌ ప్రకారం సిరిని క్యాబ్‌ డిక్కీలో పడుకునేలా చేసి సిటికీ దూరంగా వదిలేసేలా డ్రైవర్‌కు చెప్తుంది. డ్రైవర్‌ అలగే చేస్తాడు. సిరి కోసం రాజు, ఇందు వెతుకుతుంటారు. ఇంకా బ్రహ్మముడి సీరియల్‌ ఇవాళ్టీ ఏపిసోడ్‌లో ఏం జరిగిందో ఇప్పుడు తెలుసుకుందాం.</p>
<p><strong>సిరి కోసం ఇళ్లంతా వెతికిన రాజు, ఇందు</strong></p>
<p>సిరి కోసం రాజు, ఇందు వెతుకుతుంటారు. హాల్లో కూర్చున్న రేఖ మాత్ర మీరు ఎంత వెతికినా సిరి దొరకదు. తనను దూరంగా ఎవరికి తెలియనంత వరకు పంపించేశాను అని మనసులో అనుకుంటుంది. మరోవైపు కారు డిక్కీలో కూర్చున్న సిరి ఏడుస్తుంది. కారు వెళ్లిపోతూనే ఉంటుంది. సిరిని వెతుక్కుంటూ అపర్ణ దగ్గరకు వెళ్లి అడుగుతుంది. సిరి ఇక్కడెందుకు ఉంటుంది. మీ రూంలోనే ఉంది కదా అంటుంది అపర్ణ. హాల్లోకి వెళ్లి రాజుతో సిరి ఎక్కడా లేదని చెప్తుంది ఇందు. రాజు కంగారుగా ఇంట్లో లేక గార్డెన్‌లో లేక అసలు ఎక్కడకు వెళ్లి ఉంటుంది అంటుంటే.. వీధిలో ఎక్కడైనా ఉందేమో చూడండి అంటూ సుభాష్‌ చెప్పగానే.. అవును రాజు చూద్దాం పద అంటూ బయటకు వెళ్తారు ఇద్దరూ రేఖ మాత్రం తన మనసులో అది మీరు ఎంత వెతికినా దొరకదు అనుకుంటుంది.</p>
<p><strong>సిరిని సీటీకి దూరంగా వదిలేసిన క్యాబ్‌ డ్రైవర్‌</strong></p>
<p><a title="<strong>ALSO READ: </strong><strong>ధుల్ హిజ్జా మాసంలో మొదటి </strong><strong>10 </strong><strong>రోజులు ఎందుకు ఉత్తమమైనవి</strong><strong>, </strong><strong>ఈ సమయంలో ముస్లింలు ఏం చేస్తారు</strong><strong>?</strong>" href="https://telugu.abplive.com/spirituality/dhul-hijjah-2026-the-10-best-days-of-the-islamic-lunar-calendar-last-month-of-zul-hijjah-know-in-details-247866" target="_self"><strong>ALSO READ: </strong><strong>ధుల్ హిజ్జా మాసంలో మొదటి </strong><strong>10 </strong><strong>రోజులు ఎందుకు ఉత్తమమైనవి</strong><strong>, </strong><strong>ఈ సమయంలో ముస్లింలు ఏం చేస్తారు</strong><strong>?</strong></a></p>
<p>మరోవైపు కారులో వెళ్లిన వ్యక్తి ఒక దగ్గర కారు ఆపేసి డిక్కీ ఓపెన్‌ చేస్తాడు. డిక్కీలోంచి దిగిన సిరి ఏడుస్తూ.. ఎవరు మీరు అంటూ ఏడుస్తుంది. అసలు నువ్వెవరమ్మా నా కారులోకి ఎలా వచ్చావు అంటూ తిట్టి రోడ్డు మీదే సిరిని వదిలేసి వెళ్లిపోతాడు. సిరి ఏడుస్తూ అటూ ఇటూ చూస్తూ ఉండిపోతుంది. కారు డ్రైవర్‌ రేఖకు ఫోన్‌ చేసి సిటీకి దూరంగా సిరిని వదిలేశానని చెప్తాడు. రేఖ అతనికి డబ్బులు సెండ్‌ చేస్తుంది. అసలు కథ ఇప్పుడు మొదలవుతుంది. ఇప్పటి నుంచి రాజుకు ముచ్చెమటలు పట్టిస్తాను అనుకుంటూ ఇంట్లోకి వెళ్తుంది. రోడ్డు మీద వెళ్తున్న సిరి ఏడుస్తూ.. మొగుడా మొగుడా అంటూ పలవరిస్తుంది.</p>
<p><strong>రేఖను నిలదీసిన రాజు – అయోమయంలో శేషు</strong></p>
<p>ఇంట్లో ఉన్న సుభాష్‌, అపర్ణ కంగారు పడుతుంటారు. సిరి కోసం వెళ్లిన రాజు, ఇందు ఇంకా రాలేదని బాధపడుతుంది. రేఖ మాత్రం ఆహా ఆంటీ మీరు ఇలా కంగారు పడటం చూసి ఎన్ని రోజులైంది అని మనసులో అనుకుంటుంది. అప్పుడే రాజు, ఇందు వస్తారు. సిరి ఎక్కడా కనిపించలేదని చెప్తారు. శేషు ఆ కిరాణ కొట్టు దగ్గర చూశావా..? అని అడిగితే భ్రమరాంబ తిడుతుంది. రేఖ ముఖంలో ఉన్న హావాభావాలు చూసి రాజు కోపంగా రేఖ దగ్గరకు వెళ్లి సిరి ఎక్కడ అని అడుగుతాడు. తనకేం తెలుసని రేఖ చెప్తుంది. రాజు మరింత కోపంగా శేషును సిరి ఎక్కడని అడుగుతాడు. శేషు తామంత కలిసి దాగుడుమూతలు ఆడుకున్న విషయం చెప్తాడు. దీంతో రాజు.. శేషు దగ్గరకు వెళ్లి వీళ్లంతా మనసు లేని వ్యక్తులు నువ్వు కొంచెం మనసున్న వ్యక్తివి నిజం చెప్పు మామయ్య అంటూ చేతులు పట్టుకుని అడుగుతాడు. అప్పుడే ఐశ్వర్య వచ్చి రాజును తిడుతుంది. ప్రతిదానికి రేఖ ఆంటీ మీద నిందలు వేస్తున్నావు ఏంటి అంటూ తిడుతుంది. రేఖ కూడా అదే విషయం చెప్తుంది. పోలీసులకు కంప్లైంట్‌ చేయ్‌ అంటూ చెప్పగానే.. రాజు ఆవేశంతో పోలీసులకు కంప్లైంట్‌ చేయడానికి ఫోన్‌ చేస్తుంటే ఇందు ఆపేసి రాజును రూంలోకి తీసుకెళ్తుంది. పోలీసులు అనగానే.. ఇందు భయపడిపోయింది ఇక ఇప్పుడు మనం ఏం చేయాలో క్లారిటీ వచ్చింది అని మనసులో అనుకుంటాడు. </p>
<p><strong>సీసీటీవీ పుటేజీ చెక్‌ చేసిన ఇందు</strong></p>
<p>రూంలోకి వెళ్లిన రాజుతో ఇందు పోలీసులకు విషయం చెప్తే వాళ్లు ముందు నిన్నే ఇంటరాగేషన్‌ చేస్తారు. అప్పుడు నువ్వు నిజం చెప్పాల్సి వస్తుంది. అయినా ముందు మనం సీసీటీవీ ఫుటేజీ చెక్‌ చేస్తే సరిపోతుంది కదా అంటూ తన ఫోన్‌లో ఉన్న సీసీటీవీ ఫుటేజీ చెక్‌ చేస్తారు. అందులో సిరి కారులో వెళ్లిపోవడం చూస్తారు. ఆ కారు నెంబర్‌ తీసుకుని క్యాబ్‌ సర్వీస్‌ కు ఫోన్‌ చేసి డీటెయిల్స్‌ చెప్పి ఆ క్యాబ్‌ డ్రైవర్‌ నెంబర్‌ ఇవ్వమని అడుగుతారు. ఇంతలో ఇవాళ్టీ ఏపిసోడ్‌ అయిపోతుంది. </p>
<p><a title="<strong>ALSO READ: </strong><strong>నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త</strong>" href="https://telugu.abplive.com/photo-gallery/lifestyle/who-should-avoid-eating-jamuns-know-the-potential-health-risks-248041" target="_self"><strong>ALSO READ: </strong><strong>నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త</strong></a></p>
<p> </p>
1 month ago
2 
