<p><strong>Brahmamudi Serial Today Episode:</strong> ఇక స్వప్నతో తాను కాపురం చేయలేనని చెప్పిన రాహుల్‌.. పెట్టాబేడా సర్దుకుని కూయిలీ దగ్గరకు వెళ్లిపోతాడు. లగేజీతో వస్తున్న రాహుల్‌ను చూసిన కూయిలీ షాక్ అవుతుంది.</p>
<p><strong>కూయిలీ:</strong> వీడేంటి స్వప్నతో విడాకులు తీసుకుని ఆ పేపర్స్‌ తో వస్తాడనుకుంటే.. ఇలా సూట్‌కేసుతో వచ్చేశాడేంటి రంజీత్‌</p>
<p><strong> రాహుల్‌:</strong> కూయిలీ వచ్చేశాను.. నీ కోసం నా భార్యను ఆ ఇంటిని శాశ్వతంగా వదలేసుకుని వచ్చేశాను</p>
<p><strong>కూయిలీ:</strong> ఏంటి రాహుల్‌ నువ్వు చెప్పేది. ఇల్లు వదిలి వచ్చేశావా..?</p>
<p><strong>రాహుల్‌:</strong> అవును కూయిలీ స్వప్నతో కలిసి కాపురం చేయలేను.. తనంటే నాకు ఇష్టం లేదని అందరి ముందు కరాకండిగా చెప్పేశాను. కానీ ఆ ఇంట్లో ఎవ్వరూ నన్ను కానీ నా మనసును కానీ అర్థం చేసుకోవడం లేదు అందుకే ఆ ఇంటితో తెగదెంపులు చేసుకుని వచ్చేశాను</p>
<p><strong>కూయిలీ:</strong> (మనసులో) వీడేంటి ఇలా చేశాడు. వీడు ఆ ఇంట్లో ఉంటేనే కదా కోట్ల ఆస్తి నాకు సొంతం అవుతుంది. అవన్నీ లేకపోతే ఈ అడుక్కు తినేవాడు నాకెందుకు..</p>
<p><strong>రాహుల్‌:</strong> మన ప్రేమని వాళ్లు ఎప్పటికీ అర్థం చేసుకోలేరు కూయిలీ అందుకే నీ కంటే నాకు ఎవ్వరూ ఎక్కువ కాదని నిరూపించడానికి వదిలేశాను</p>
<p><strong>కూయిలీ:</strong> అదేంటి రాహుల్‌ అలా అంటావు స్వప్నకు విడాకులు ఇచ్చి ఇంకొకరిని పెళ్లి చేసుకోబోతున్నావు అంటే పెద్ద వాళ్లు ఎవరైనా అలాగే రియాక్ట్‌ అవుతారు. అంత మాత్రానా బంధాలను తెంచుకుంటావా..? చెప్పు.. నా పరిస్థితి చూడు.. నాకు కోట్ల ఆస్థి ఉన్నా అమ్మా నాన్న లేరు. నాకు ఉన్నది ఒక్కే ఒక్కడు మా మామయ్య. నిన్ను పెళ్లి చేసుకున్నాక నీ ఫ్యామిలీ నా ఫ్యామిలీ అవుతుందని ఎంత ఆశ పడ్డానో తెలుసా..? ఇలా డిస్సపాయింట్ చేశావేంటి..? రాహుల్‌..</p>
<p><strong>రాహుల్‌:</strong> (మనసులో) ఇదేంటి ఇలా మాట్లాడుతుంది. దీని కోసం అందరినీ వదిలేసి వచ్చానంటే ఎగిరి గంతేస్తుంది అనుకుంటే ఇలా ట్విస్టు ఇచ్చిందేంటి..?</p>
<p><strong>కూయిలీ:</strong> నిన్ను ప్రేమించింది కూడా నీ ఫ్యామిలీని చూసే..</p>
<p><strong>రాహుల్‌:</strong> ఏంటి కూయిలీ నువ్వు మాట్లాడేది..</p>
<p><strong>కూయిలీ:</strong> అదే రాహుల్‌ మీ ఫ్యామిలీలో నీకొక అమ్మ ఉంది. అత్తయ్య, మామయ్య, అమ్మమ్మ, తాతయ్య ఉన్నారు. కానీ వాళ్లెవ్వరూ నాకు లేరు.. వాళ్లందరూ నా వాళ్లు అవుతారు అనుకున్నాను..</p>
<p><strong>రాహుల్‌:</strong> కానీ నాకు మాత్రం నువ్వు ఒక్కదానివే చాలు కూయిలీ</p>
<p><strong>కూయిలీ:</strong> ( మనసులో) ఎందుకు అడుక్కు తినడానికా..?</p>
<p><strong>రాహుల్‌:</strong> నువ్వు అనుకున్నట్టు వాళ్లందరూ ఉంటే సంతోషంగా ఉంటుంది అనుకోవడం కేవలం నీ భ్రమ మాత్రమే.. ఫ్యామిలీతో కలిసి ఉంటే చూడ్డానికే బాగుంటుంది. ఎవ్వరూ మన మనసుల్ని అర్థం చేసుకోరు..</p>
<p><strong>కూయిలీ:</strong> కానీ రాహుల్‌.. అది..</p>
<p><strong>రంజిత్‌:</strong> కూయిలీ ఆల్‌ రెడీ రాహుల్‌ ఫ్యామిలీతో గొడవ పడి వచ్చాడు. నువ్వు కూడా ఇలా మాట్లాడితే పాపం ఎంత బాధపడతాడు. ఇలాంటి టైంలోనే మనం సపోర్టుగా ఉండాలి.</p>
<p><strong>రాహుల్‌:</strong> హమ్మయ్య వీడు నా మాటలకు పడిపోయాడు. ఇక హ్యాపీగా ఇక్కడ సెటిల్‌ అయిపోవచ్చు</p>
<p>అనుకుంటూ ప్రెష్‌అప్ అవుతానని లోపలికి వెళ్లిపోతాడు. మరోవైపు ఇంట్లో స్వప్న బాధపడుతుంటే.. రాహుల్‌కు ఎలాగైనా బుద్ది చెప్పాలని రాజ్‌, కావ్య అనుకుంటారు. అందుకోసం నాటకం ఆడాలనుకుంటారు. అనుకున్నట్టుగానే.. వేషాలు మార్చుకుని కూయిలీ ఇంటికి వెళ్తారు. ఆ గెటప్‌లో వచ్చింది రాజ్‌, కావ్య అని రాహుల్‌ కనిపెడతాడు. కానీ బయటకు చెప్పడు. ఇంతలో ఇవాళ్టీ ఏపిసోడ్‌ అయిపోతుంది.</p>
<p><a title=" <strong>ALSO READ: </strong><strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong>" href="https://telugu.abplive.com/spirituality/if-you-get-such-dreams-you-will-become-a-millionaire-184151" target="_self"> <strong>ALSO READ: </strong><strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong></a></p>
<p> </p>
1 month ago
2 
